Tag: Ruturaj Gaikwad

റുതുരാജിനൊപ്പമുള്ള ടോപ് ഓര്‍ഡര്‍ ബാറ്റിംഗ് വളരെ ആസ്വാദ്യകരമാണെന്നും ബാറ്റിംഗ് എളുപ്പമാക്കുന്നതിൽ റുതുരാജിന്റെ പങ്ക് വളരെ വലുതണെന്നും ഡെവൺ കോൺവേ വിശദമാക്കി. ഞങ്ങള്‍ കാര്യങ്ങള്‍ ലളിതമായി നിലനിര്‍ത്തുവാനാണ് ശ്രമിക്കാറെന്നും ബൗളര്‍മാരെ സമ്മര്‍ദ്ദത്തിലാക്കകു എന്നതാണ് തന്റെ റോള്‍ എന്നും കോൺവേ പറഞ്ഞു.

ചെന്നൈയിൽ ഒരു ഗുഡ് വൈബ് ഗ്രൂപ്പാണുള്ളതെന്നും എല്ലാവര്‍ക്കും മികച്ച പിന്തുണയാണ് ലഭിയ്ക്കുന്നതെന്നും കോൺവേ സൂചിപ്പിച്ചു. എംഎസ് ധോണിയെ ആ ഗ്രൂപ്പിൽ ലഭിയ്ക്കുക എന്നത് തന്നെ വലിയ കാര്യമാണെന്നും ഫാന്‍സിന്റെ പിന്തുണയും പ്രശംസനീയമാണെന്ന് കോൺവേ അഭിപ്രായപ്പെട്ടു.

എപ്പോളെല്ലാം എവേ മത്സരത്തിനിറങ്ങിയാലും ചെന്നൈ ആരാധകര്‍ കൂട്ടത്തോടെ എത്തി അത് ഒരു ഹോം മത്സരത്തിന്റെ പ്രതീതി ജനിപ്പിക്കാറുണ്ടെന്നും ഡെവൺ കോൺവേ വ്യക്തമാക്കി.

ഇന്ത്യൻ പ്രീമിയർ ലീഗിൽ നിന്ന് എം‌എസ് ധോണി വിരമിക്കുമ്പോൾ ചെന്നൈ സൂപ്പർ കിംഗ്‌സിന്റെ ക്യാപ്റ്റനായി റുതുരാജ് ഗെയ്ക്വാദ് എത്തണം എന്ന് മുൻ സി‌എസ്‌കെ താരം കേദാർ ജാദവ് പറഞ്ഞു. എംഎസ് ധോണിക്ക് ശേഷം റുതുരാജ് ഗെയ്‌ക്‌വാദ് സിഎസ്‌കെയുടെ ക്യാപ്റ്റനാകുമെന്ന് ഞാൻ വിശ്വസിക്കുന്നു എന്ന് കേദർ പറഞ്ഞു.

രവീന്ദ്ര ജഡേജയ്‌ക്കൊപ്പം ബെൻ സ്റ്റോക്‌സും ക്യാപ്റ്റൻസിക്കായി പരിഗണിച്ചേക്കാവുന്ന ആളുകളാണ്‌. സ്റ്റോക്സ് ക്യാപ്റ്റൻ ആവണം എങ്കിൽ സ്റ്റോക്‌സ് ഈ വർഷം സിഎസ്‌കെയ്‌ക്കായി നന്നായി കളിക്കേണ്ടതുണ്ട്. പിന്നെ അദ്ദേഹം എത്ര മത്സരങ്ങൾ കളിക്കും എന്നതും പ്രശ്നമാണ്‌. കേദർ പറയുന്നു‌. അതിനാൽ എം‌എസ് ധോണിക്ക് ശേഷം സി‌എസ്‌കെയുടെ ക്യാപ്റ്റൻ ആകാനുള്ള മികച്ച ഓപ്ഷൻ ഗെയ്‌ക്‌വാദാണ്. കേദർ കൂട്ടിച്ചേർത്തു.

റുതുരാജ് ഇന്ത്യക്കായി അത്ഭുതങ്ങൾ കാണിക്കും എന്ന് ഹാർദ്ദിക് പാണ്ഡ്യ. ഇന്നലെ ഐ പി എൽ ഉദ്ഘാടന മത്സരത്തിൽ സി എസ് കെയ്ക്ക് വേണ്ടി 50 പന്തിൽ 92 റൺസ് എടുക്കാൻ റുതുരാജിനായിരുന്നു. ഗെയ്‌ക്‌വാദ് ബാറ്റ് ചെയ്യുമ്ബോൾ ചെന്നൈ സൂപ്പർ കിംഗ്‌സ് 230 റൺസ് സ്‌കോർ ചെയ്യുമെന്ന് തോന്നിപ്പിച്ചിരുന്നു എന്ന് ഗുജറാത്ത് ടൈറ്റൻസ് ക്യാപ്റ്റൻ ഹാർദിക് പറഞ്ഞു.

“അവൻ ഏതുതരം കളിക്കാരനാണെന്ന് നമുക്കെല്ലാവർക്കും അറിയാം, അവൻ യഥാർത്ഥ ക്രിക്കറ്റ് ഷോട്ടുകൾ കളിക്കുന്നതിനാൽ ഏതൊക്കെ മേഖലകളിലാണ് പന്തെറിയേണ്ടതെന്ന് മനസിലാക്കാൻ ഞങ്ങൾക്ക് ബുദ്ധിമുട്ടായിരുന്നു. ഞങ്ങൾക്ക് അവനെ തെറ്റിദ്ധരിപ്പിക്കാൻ കഴിയില്ലെന്ന് എനിക്ക് ആത്മാർത്ഥമായി തോന്നി. അദ്ദേഹം കളിച്ച ചില ഷോട്ടുകൾ മോശം പന്തുകളായിരുന്നുല്ല. നല്ല പന്തുകൾ തന്നെ ആയിരുന്നു” ഹാർദിക് മത്സരത്തിന് ശേഷമുള്ള പത്രസമ്മേളനത്തിൽ പറഞ്ഞു.

“ഒരു ക്യാപ്റ്റൻ എന്ന നിലയിൽ, ഹാർദ്ദികിന്റെ ഇന്നുങ്സ് എന്റെ ജോലി കൂടുതൽ ദുഷ്കരമാക്കി, അവൻ ബാറ്റ് ചെയ്യുന്ന രീതി തുടരുകയാണെങ്കിൽ, അവൻ ഇന്ത്യൻ ക്രിക്കറ്റിൽ അത്ഭുതങ്ങൾ സൃഷ്ടിക്കും. സമയം വരുമ്പോൾ, ഇന്ത്യൻ ക്രിക്കറ്റ് ടീമും അദ്ദേഹത്തിന് വേണ്ടത്ര പിന്തുണ നൽകുമെന്ന് എനിക്ക് ഉറപ്പുണ്ട്,” ഹാർദിക് കൂട്ടിച്ചേർത്തു.