Tag: Mark Wood

ഓസ്‌ട്രേലിയക്കെതിരായ രണ്ടാം ആഷസ് ടെസ്റ്റിന് മുന്നോടിയായി ഇംഗ്ലണ്ടിന് തിരിച്ചടി. പ്രധാന പേസ് ബൗളർ മാർക്ക് വുഡ് മത്സരത്തിന് മുൻപ് ഫിറ്റ്‌നസ് വീണ്ടെടുക്കാൻ സാധ്യതയില്ല. 2024 ഓഗസ്റ്റിന് ശേഷം പെർത്ത് ടെസ്റ്റിലാണ് വുഡ് തന്റെ ആദ്യ ഫസ്റ്റ് ക്ലാസ് മത്സരം കളിച്ചത്. എന്നാൽ ശസ്ത്രക്രിയയ്ക്ക് ശേഷം ഒമ്പത് മാസത്തെ വിശ്രമത്തിന് ശേഷമെത്തിയ വുഡ്ഡിന്റെ ഇടത് കാൽമുട്ടിന്റെ പരിക്ക് ആശങ്കയുണ്ടാക്കുന്നു, ഇത് അദ്ദേഹത്തെ അടുത്ത മത്സരത്തിൽ നിന്ന് പുറത്താകാൻ കാരണമായി.

ആദ്യ ടെസ്റ്റിൽ ഓസ്‌ട്രേലിയയോട് രണ്ട് ദിവസം കൊണ്ട് തോൽവി ഏറ്റുവാങ്ങിയ ഇംഗ്ലണ്ടിന്റെ പേസ് ബൗളിംഗ് തന്ത്രങ്ങൾ പരാജയപ്പെട്ടതിന് പിന്നാലെയാണ് ഈ സംഭവം.

35-കാരനായ വുഡ് പെർത്തിൽ 11 ഓവറുകളാണ് എറിഞ്ഞത്. ഉയർന്ന വേഗതയിൽ പന്തെറിഞ്ഞെങ്കിലും അദ്ദേഹത്തിന് 0-44 എന്ന സാധാരണ പ്രകടനമാണ് കാഴ്ചവെക്കാൻ സാധിച്ചത്. ട്രാവിസ് ഹെഡിന്റെ സെഞ്ചുറിയുടെ ബലത്തിൽ ഓസ്‌ട്രേലിയ 205 റൺസ് വിജയലക്ഷ്യം അനായാസം പിന്തുടർന്ന് വിജയിച്ചിരുന്നു.

പെർത്ത്: ഓസ്‌ട്രേലിയയ്‌ക്കെതിരായ ആഷസ് പരമ്പരക്ക് മുന്നോടിയായി ഇംഗ്ലണ്ട് ലയൺസിനെതിരായ സന്നാഹ മത്സരത്തിനിടെ ഇടത് ഹാംസ്ട്രിങ്ങിന് മുറുക്കം അനുഭവപ്പെട്ടതിനെ തുടർന്ന് മാർക്ക് വുഡിനെ നടത്തിയ പരിശോധനയിൽ പരിക്കൊന്നും ഇല്ലെന്ന് സ്ഥിരീകരിച്ചു. സന്നാഹ മത്സരത്തിൽ കളം വിട്ട വുഡിനെ മുൻകരുതലിന്റെ ഭാഗമായാണ് സ്കാനിംഗിന് വിധേയനാക്കിയത്.

പരിശോധനയിൽ കാര്യമായ പ്രശ്‌നങ്ങളൊന്നും കണ്ടെത്തിയില്ലെന്ന് ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡ് (ECB) സ്ഥിരീകരിച്ചു. നവംബർ 21-ന് ആരംഭിക്കുന്ന ആദ്യ ആഷസ് ടെസ്റ്റിനായുള്ള ഒരുക്കങ്ങളുടെ ഭാഗമായി വുഡ് പരിശീലനം തുടരും. എങ്കിലും ആദ്യ മത്സരത്തിൽ അദ്ദേഹത്തെ ടീമിൽ ഉൾപ്പെടുത്തുമോ എന്ന കാര്യത്തിൽ ഇതുവരെ തീരുമാനമായിട്ടില്ല.

ഈ വർഷം ആദ്യം കാൽമുട്ടിലെ പരിക്ക് കാരണം സീസണിലെ ഭൂരിഭാഗം മത്സരങ്ങളും നഷ്ടപ്പെട്ട വുഡിന് മത്സര ക്രിക്കറ്റിലേക്കുള്ള ഈ തിരിച്ചുവരവ് പ്രധാനപ്പെട്ടതാണ്. ജോഫ്ര ആർച്ചർ, ബ്രൈഡൺ കാർസ്, ബെൻ സ്റ്റോക്സ് എന്നിവരെപ്പോലുള്ള ബൗളർമാർക്കൊപ്പം വുഡിന്റെ ഫിറ്റ്‌നസ് ഇംഗ്ലണ്ടിന്റെ പേസ് ആക്രമണത്തിന് കൂടുതൽ ശക്തി നൽകും.

മാഞ്ചസ്റ്റര്‍ ടെസ്റ്റിന്റെ മൂന്നാം ദിവസം ഇംഗ്ലണ്ടിന്റെ ദിവസമായിരുന്നു. 275 റൺസിന്റെ ലീഡുമായി ആദ്യ ഇന്നിങ്സ് അവസാനിപ്പിച്ച ഇംഗ്ലണ്ട് ഇന്ന് കളി അവസാനിക്കും മുമ്പ് ഓസ്ട്രേലിയയുടെ 4 വിക്കറ്റുൻ വീഴ്ത്തി. ഓസ്ട്രിയ ഇപ്പോൾ 113/4 എന്ന നിലയിലാണ്. അവർ ഇപ്പോൾ ഇംഗ്ലണ്ടിന് 162 പിറകിലാണ്.

44 റൺസുമായി ലബുഷാനെയും 1 റണ്ണുമായി മിച്ചൽ മാർഷും ക്രീസിൽ നിൽക്കുന്നു. 18 റൺസ് എടുത്ത കവാജ, 28 റൺസ് എടുത്ത വാർണർ, 17 റൺസ് എടുത്ത സ്മിത്ത്, 1 റൺ എടുത്ത ട്രാവിസ് ഹെഡ് എന്നിവർ പുറത്തായി. മാർക്ക് വുഡ് മൂന്ന് വിക്കറ്റ് വീഴ്ത്തി. വോക്സ് ഒരു വിക്കറ്റും വീഴ്ത്തി.

592 റൺസിനാണ് ഇംഗ്ലണ്ട് ഇന്ന് ഓളൗട്ട് ആയത്. 275 റൺസിന്റെ ആദ്യ ഇന്നിങ്സ് ഇംഗ്ലണ്ട് നേടി. 506/8 എന്ന നിലയിൽ നിന്ന് ലഞ്ചിനു ശേഷം ബാറ്റിങ് തുടങ്ങിയ ഇംഗ്ലണ്ടിയായി ബെയർസ്റ്റോ ആക്രമിച്ചു കളിച്ചു. 81 പന്തിൽ നിന്ന് 99 റൺസ് എടുത്ത് ബെയർസ്റ്റോ പുറത്താകാതെ നിന്നു.

ഇന്ന് 6 വിക്കറ്റുകള്‍ വീഴ്ത്താനായെങ്കിലും ഈ ലീഡ് ഓസ്ട്രേലിയയ്ക്ക് വലിയ ക്ഷീണമാകും. ഓസ്ട്രേലിയക്ക് ആയി ഹേസല്വുഡ് 5 വിക്കറ്റ് വീഴ്ത്തി. ബെന്‍ സ്റ്റോക്സ് ഇന്ന് രാവിലെ അര്‍ദ്ധ ശതകം പൂര്‍ത്തിയാക്കി പുറത്തായി‌ പിന്നാലെ 61 റൺസുമായി ഹാരി ബ്രൂക്കും പുറത്തായി. 

സ്റ്റാർക്ക്, കാമറൂൺ ഗ്രീൻ എന്നിവർ രണ്ട് വിക്കറ്റുൻ വീഴ്ത്തി. ഓസ്ട്രേലിയ ആദ്യ ഇന്നിങ്സിൽ 317 റൺസ് മാത്രമെ എടുത്തിരുന്നുള്ളൂ. നേരത്തെ ഇംഗ്ലണ്ടിനായി സാക് ക്രോലിയുടെ 189 റൺസിന്റെ ഇന്നിംഗ്സ് ആണ് ആതിഥേയരുടെ ഇന്നിങ്സിന് കരുത്തായത്.

മൂന്നാം ആഷസ് ടെസ്റ്റിന്റെ ആദ്യ ദിനത്തിൽ മൂന്നാം സെഷനിൽ ഓസ്ട്രേലിയ തകർന്നടിഞ്ഞു. അവർ 263 റൺസിന് ഓളൗട്ട് ആയി. രണ്ടാം സെഷൻ അവസാനിക്കുമ്പോൾ അവർ 240/5 എന്ന നിലയിൽ ആയിരുന്ന ഓസ്ട്രേലിയ ചായക്ക് ശേഷം 23 റൺസുകൾ ചേർക്കുന്നതിനിടയിൽ ഓളൗട്ട് ആയി.സ്റ്റാർക്ക്, കമ്മിൻസ്, കാരി, മർഫി എന്നിവരെ പെട്ടെന്ന് തന്നെ കൂടാരത്തിലേക്ക് മടക്കി മാർക് വൂഡും, 39 റൺസ് എടുത്ത ഹെഡിനെ പവലനിയിലേക്ക് മടക്കി അയച്ച വോക്സും ആണ് ഇംഗ്ലണ്ടിന് കാര്യങ്ങൾ എളുപ്പമാക്കി കൊടുത്തത്.

മാർക് വൂഡ് അഞ്ച് വിക്കറ്റ് എടുത്തപ്പോൾ വോക്സ് മൂന്നും ബ്രോഡ് രണ്ടും വിക്കറ്റ് വീഴ്ത്തി. ഇന്ന് ആദ്യ സെഷനിൽ തുടക്കത്തിൽ അവർ 85-4 എന്ന നിലയിൽ ആയിരുന്നു ഓസ്ട്രേലിയ. അവിടെ നിന്ന് ട്രാവിസ് ഹെഡും മികച്ച മാർഷും ചേർന്നാണ് ഓസ്ട്രേലിയയെ കരകയറ്റിയത്.

118 പന്തിൽ നിന്ന് 118 എടുത്ത മികച്ച മാർഷ് തന്നെയാണ് ഓസ്ട്രേലിയയുടെ പൊരുതൽ മുന്നിൽ നിന്ന് നയിച്ചത്. 4 സിക്സുകൾ അടങ്ങിയതായിരുന്നു അദ്ദേഹത്തിന്റെ ഇന്നിംഗ്സ്. ചായക്ക് പിരിയുന്നതിന് തൊട്ടു മുന്നെയാണ് മാർഷ് പുറത്തായത്.

ഇന്ന് ആദ്യം ബൗൾ ചെയ്യാൻ തിരഞ്ഞെടുത്ത ഇംഗ്ലണ്ടിന്റെ ബൗളർമാർ അവരുടെ പദ്ധതികൾ ഉജ്ജ്വലമായാണ് തുടക്കത്തിൽ നടപ്പിലാക്കി, സ്റ്റുവർട്ട് ബ്രോഡ് രണ്ട് നിർണായക വിക്കറ്റുകൾ നേടി. ഡേവിഡ് വാർണറും (4) സ്റ്റീവ് സ്മിത്തും (22) ആണ് ബ്രോഡിന് മുന്നിൽ വീണത്.

ഉസ്മാൻ ഖവാജ 13 റൺസ് എടുത്ത് നിൽക്കെ വുഡിന്റെ പന്തിൽ ബൗൾഡ് ആയി. മർനസ് ലബുഷാഗ്‌നെ 21 റൺസ് എടുത്ത് നിൽക്കെ വോക്സിനും വിക്കറ്റ് നൽകി. പരമ്പരയിൽ ഇപ്പോൾ ഓസ്ട്രേലിയ 2-0ന് മുന്നിലാണ്.