Tag: NCA

ബെംഗളൂരുവിലെ നാഷണൽ ക്രിക്കറ്റ് അക്കാഡമിയിൽ നടക്കുന്ന വൈറ്റ് ബോള്‍ സ്പെഷ്യലിസ്റ്റുകള്‍ക്കായുള്ള ക്യാമ്പിൽ ഹാര്‍ദ്ദിക് പാണ്ഡ്യ പങ്കെടുക്കും. കഴിഞ്ഞ ഒക്ടോബറിലെ ടി20 ലോകകപ്പിന് ശേഷം ക്രിക്കറ്റിൽ നിന്ന് വിട്ട് നിൽക്കുന്ന ഹാര്‍ദ്ദിക്ക് ആണ് ക്യാമ്പിൽ പങ്കെടുക്കുവാന്‍ സന്നദ്ധത അറിയിച്ചതെന്നാണ് അറിയുന്നത്.

25 വൈറ്റ് ബോള്‍ സ്പെഷ്യലിസ്റ്റുകള്‍ക്കായാണ് ബോര്‍ഡ് ക്യാമ്പ് നടത്തുന്നത്. ഐപിഎലിന് ശേഷം താരത്തെ ദക്ഷിണാഫ്രിക്ക പരമ്പരയിൽ പരീക്ഷിച്ചേക്കുമെന്നും അറിയുന്നു. ജൂണിലാണ് ദക്ഷിണാഫ്രിക്കയ്ക്കെതിരെയുള്ള പരമ്പര.

സുപ്രീം കോടതി നിയമിച്ച കമ്മിറ്റി ഓഫ് അഡ്മിനിസ്ട്രേറ്റര്‍മാര്‍ നിയമിച്ച നാഷണല്‍ ക്രിക്കറ്റ് അക്കാഡമി കോച്ചുമാരുടെ കരാര്‍ പുതുക്കേണ്ടതില്ല എന്ന് തീരുമാനിച്ച് ബിസിസിഐ. ഒരു വര്‍ഷത്തെ കരാറിലാണ് 2019ല്‍ ഈ കോച്ചുമാരെ നിയമിച്ചത്. എന്‍സിഎ ഡയറക്ടര്‍ രാഹുല്‍ ദ്രാവിഡിന്റെ കീഴില്‍ പ്രവര്‍ത്തിക്കുവാന്‍ ബൗളിംഗ്, ബാറ്റിംഗ്, ഫീല്‍ഡിംഗ് കോച്ചുമാരെ സിഒഎ നിയമിച്ചത് യാതൊരു ഇന്റര്‍വ്യൂവും നടത്താതെയാണെന്നാണ് അറിയുന്നത്.

എന്നാല്‍ ഇന്ത്യന്‍ ടീമിലേക്കുള്ള കോച്ചുമാരുടെ നിയമനത്തിന് അഭിമുഖം വേണമെന്നായിരുന്നു സിഒഎയുടെ നിയമം. ഇപ്പോള്‍ കൊറോണ കാലത്ത് കോച്ചുമാര്‍ക്ക് ചെയ്യുവാന്‍ ഒന്നുമില്ലാത്തതിനാല്‍ തന്നെ ഇവരുടെ കരാര്‍ പുതുക്കേണ്ടതില്ലെന്നാണ് ബിസിസിഐ തീരുമാനം.

ഈ കോച്ചുമാരെ രാഹുല്‍ ദ്രാവിഡും സാബ കരീമുമാണ് ഇക്കാര്യം വിളിച്ച് അറിയിച്ചത്. സാബ കരീം ഉടന്‍ ബിസിസിഐയുടെ ജനറല്‍ മാനേജര്‍ (ഓപ്പറേഷന്‍സ്) സ്ഥാനം ഒഴിയുവാന്‍ നില്‍ക്കുകയാണ്. രാഹുല്‍ ദ്രാവിഡിനും ആശിഷ് കൗഷിക്കിനും ഒഴികെ ബാക്കി ആര്‍ക്കും ഇനി കരാര്‍ ഉണ്ടാവില്ലെന്നാണ് അറിയുന്നത്.