Tag: Shardul Thakur

ബി.സി.സി.ഐയുടെ അനുമതിയില്ലതെ പുറത്തുപോയി മുംബൈ ഫാസ്റ്റ് ബൗളർ ഷാർദുൽ താക്കൂർ പരിശീലനം നടത്തിയതിൽ ബി.സി.സി.ഐക്ക് അതൃപ്തി. ബോർഡിന്റെ അനുമതിയില്ലാതെ താരം പുറത്തുപോയി പരിശീലനം നടത്തിയത് നിർഭാഗ്യകരമായെന്ന് ബി.സി.സി.ഐ പ്രതിനിധി പറഞ്ഞു.

നേരത്തെ കേന്ദ്ര സർക്കാർ ലോക്ക് ഡൗണിൽ ഇളവ് വരുത്തിയതോടെയാണ് താക്കൂർ പുറത്തുപോയി പരിശീലനം നടത്തിയത്. എന്നാൽ ബി.സി.സി.ഐയുമായി കരാർ ഉള്ള താരമായ ഷാർദുൽ താക്കൂർ അനുമതിയില്ലാതെ പുറത്തുപോയി പരിശീലനം നടത്തിയതാണ് ബി.സി.സി.ഐ അതൃപ്തിയായത്.

ബി.സി.സി.ഐയുടെ ഗ്രേഡ് സി കോൺട്രാക്ട് ഉള്ള താരമാണ് ഷാർദുൽ താക്കൂർ. അതെ സമയം മറ്റു മുംബൈ സ്വദേശികളായ രോഹിത് ശർമ്മ, ഇന്ത്യൻ ക്യാപ്റ്റൻ വിരാട് കോഹ്‌ലി, ശ്രേയസ് അയ്യർ എന്നിവർ പരിശീലനം പുനരാരംഭിച്ചിരുന്നില്ല.

തന്റെ പരിക്കിനു ശേഷം ദേശീയ സെലക്ടര്‍മാര്‍ ആരും തന്നോട് ഒന്നും സംസാരിച്ചിട്ടില്ലെന്ന് പറഞ്ഞ് ശര്‍ദ്ധുല്‍ താക്കൂര്‍. ഒക്ടോബറില്‍ വിന്‍ഡീസിനെതിരെ ടെസ്റ്റ് അരങ്ങേറ്റം കുറിച്ചുവെങ്കിലും 10 പന്തുകള്‍ മാത്രമാണ് ആ അരങ്ങേറ്റം നീണ്ട് നിന്നത്. അതിനു ശേഷം പരിക്കേറ്റ് പുറത്ത് പോയ താരം ഏകദേശം രണ്ട് മാസത്തോളം കളത്തിനു പുറത്തായിരുന്നു. മുംബൈയ്ക്ക് വേണ്ടി ചത്തീസ്ഗഢിനെതിരെ ഇരു ഇന്നിംഗ്സുകളിലായി നാല് വീതം വിക്കറ്റ് നേടിയ ശേഷം പ്രതികരിക്കുകയായിരുന്നു താക്കൂര്‍.

താന്‍ ഓരോ കളിയും മെച്ചപ്പെട്ട് വരികയാണെന്നും തന്റെ ഫിറ്റ്നെസ്സും മെച്ചപ്പെടുന്നുണ്ടെന്നാണ് താക്കൂര്‍ പറഞ്ഞത്. തിരിച്ച് ദേശീയ ടീമിലേക്ക് തിരികെ എത്തുവാനുള്ള ശ്രമങ്ങളുമായി മുന്നോട്ട് പോകുമെന്നും താക്കൂര്‍ അറിയിച്ചു. എന്നാല്‍ താരവുമായി സ്ഥിരം സമ്പര്‍ക്കം പുലര്‍ത്തുന്നുണ്ടാണ് ബിസിസിഐ വൃത്തങ്ങള്‍ പറയുന്നത്. താരത്തിനോട് സെലക്ടര്‍മാര്‍ നിരന്തരം സംസാരിക്കുന്നുണ്ടെന്നും രഞ്ജിയില്‍ തിരിച്ചുവരവിന്റെ കാര്യങ്ങളും ഇന്ത്യ എ ടീമിനു വേണ്ടി കളിയ്ക്കുവാനുമായി തയ്യാറെടുത്ത് നില്‍ക്കണമെന്ന് താരത്തോട് അറിയിച്ചിട്ടുണ്ടുമെന്നാണ് ബിസിസിഐയുടെ ഭാഷ്യം.

ടെസ്റ്റ് അരങ്ങേറ്റത്തില്‍ പരിക്കേറ്റ ശര്‍ദ്ധുല്‍ താക്കൂര്‍ ഓസ്ട്രേലിയയിലെ ടി20 ടെസ്റ്റ് പരമ്പരകളില്‍ കളിക്കുന്നത് സംശയത്തിലെന്ന് സൂചന. താരത്തിന്റെ റീഹാബ് പ്രക്രിയ ഏഴ് ആഴ്ചയോളം നീണ്ട് നില്‍ക്കുമെന്ന തരത്തിലുള്ള സൂചനയാണ് ഇപ്പോള്‍ ലഭിയ്ക്കുന്നത്. നവംബര്‍ 21നാണ് ഇന്ത്യ ഓസ്ട്രേലിയ ടീമുകളുടെ മൂന്ന് മത്സരങ്ങളുടെ ടി20 പരമ്പര അരങ്ങേറുക. ഡിസംബര്‍ ആറിനു ടെസ്റ്റ് പരമ്പരയും ആരംഭിക്കും. നാല് ടെസ്റ്റുകളാണ് പരമ്പരയിലുള്ളത്. ജനുവരി 12നു ആരംഭിക്കുന്ന് മൂന്ന് മത്സരങ്ങളുടെ ഏകദിന പരമ്പരയുടെ സമയത്തേക്ക് താക്കൂര്‍ ഫിറ്റ്നെസ് വീണ്ടെടുക്കുമെന്നാണ് ഇപ്പോള്‍ പ്രതീക്ഷിക്കപ്പെടുന്നത്.

താന്‍ എത്ര കഠിനമായി ശ്രമിച്ചാലും രണ്ടാം ടെസ്റ്റിനു മുമ്പ് തനിക്ക് പൂര്‍ണ്ണ ആരോഗ്യവാനാകുവാന്‍ കഴിയില്ലെന്നാണ് താക്കൂര്‍ അഭിപ്രായപ്പെട്ടത്. അതിനാല്‍ തന്നെ ടി20-ടെസ്റ്റ് പരമ്പരകളെക്കാള്‍ താന്‍ സാധ്യത നല്‍കുന്നത് ഏകദിന പരമ്പരയ്ക്കാണെന്നാണ് താരം വ്യക്തമാക്കിയത്.

വിന്‍ഡീസിനെതിരെ ഹൈദ്രാബാദ് ടെസ്റ്റില്‍ അരങ്ങേറ്റം നടത്തിയെങ്കിലും വെറും 10 പന്തുകള്‍ മാത്രമാണ് താരത്തിനു എറിയുവാന്‍ സാധിച്ചത്. വിന്‍ഡീസ് ഏകദിന ടീമില്‍ ശര്‍ദ്ധുല്‍ താക്കൂറിനു പകരം ഉമേഷ് യാദവ് സ്ഥാനം പിടിച്ചു.