Tag: Ollie Pope

ആദ്യ ടെസ്റ്റിന്റെ നാലാം ദിനം ആദ്യ സെഷനിൽ ഇംഗ്ലണ്ട് ഓളൗട്ട് ആയി. ഇന്ത്യക്ക് ഇനി ജയിക്കാൻ 231 റൺസ് വേണം. ഒലി പോപിന്റെ മികവിൽ ഇംഗ്ലണ്ട് രണ്ടാം ഇന്നിങ്സിൽ 420 റൺസ് ആണ് എടുത്തത്. 230 റൺസിന്റെ ലീഡ് അവർ നേടി. ഒലി പോപ്പ് 196 റൺസ് എടുത്താണ് പുറത്തായത്. 278 പന്തിൽ നിന്നാണ് താരം 196 റൺസ് എടുത്തത്. 27 ഫോർ താരം നേടി.

ഇന്ത്യക്ക് ആയി ജസ്പ്രിത് ബുമ്ര 4 വിക്കറ്റുകൾ നേടി തിളങ്ങി. അശ്വിൻ 3 വിക്കറ്റും ജഡേജ രണ്ട് വിക്കയും ജഡേജ ഒരു വിക്കറ്റും നേടി. ഒരു ഘട്ടത്തിൽ 163-5 എന്ന നിലയിൽ ആയിരുന്നു ഇംഗ്ലണ്ട്. അവിടെ നിന്നാണ് അവർ ഇത്ര മികച്ച സ്കോറിലേക്ക് എത്തിയത്.

ഇംഗ്ലണ്ട് ബാറ്റിംഗ് രണ്ടാം ഇന്നിംഗ്സിൽ ഇന്ത്യക്ക് എതിരെ പൊരുതുന്നു. അവർ മൂന്നാം ദിവസം അവസാനിക്കുമ്പോൾ 316/6 എന്ന നിലയിലാണ്. 16 റൺസുമായി രെഹാനും 148 റൺസുമായി പോപും ആണ് ക്രീസിൽ ഉള്ളത്. അവർ ഇപ്പോൾ 126 റൺസിന്റെ ലീഡിന് മുന്നിലാണ്. 163-5 എന്ന നിലയിൽ പരുങ്ങിയ ഇംഗ്ലണ്ടിനെ ഇത്ര മികച്ച നിലയിൽ എത്തിച്ചത് ഒലി പോപ് ആണ്.

രണ്ടാം ഇന്നിംഗ്സിന് ഇറങ്ങിയ ഇംഗ്ലണ്ട് ഇന്നും ഓപ്പണർ ഭേദപ്പെട്ട തുടക്കമാണ് നൽകിയത്. പക്ഷെ ഇന്നും ആ ഓപ്പണിംഗ് കൂട്ടുകെട്ടിന് പിറകെ വന്നവർ തിളങ്ങിയില്ല. സാക് ക്രോലി 31 റൺസ് എടുത്ത് അശ്വിന്റെ പന്തിലും 47 റൺസ് എടുത്ത ഡക്കറ്റ് ബുമ്രയുടെ പന്തിലും പുറത്തായി.

രണ്ട് റൺസ് എടുത്ത റൂട്ടിനെയും ബുമ്ര പുറത്താക്കി. ക്യാപ്റ്റൻ ബെൻ സ്റ്റോക്സ് 6 റൺസിൽ നിൽക്കെ അശ്വിന്റെ പന്തിൽ ബൗൾഡ് ആയി. 10 റൺസ് എടുത്ത ബെയർസ്റ്റോയെ ജഡേജയും ബൗൾഡ് ആക്കി. ഇതിനു ശേഷമാണ് ഇംഗ്ലണ്ടിന്റെ ചെറുത്ത് നിൽപ്പ് തുടങ്ങിയത്‌. .

ഒലി പോപ് 208 പന്തിൽ നിന്നാണ് 148 റൺസ് എടുത്തത്. 17 ബൗണ്ടറികൾ അദ്ദേഹം നേടി. 34 റൺസ് എടുത്ത ഫോക്സും ഒലി പോപിന് നല്ല പിന്തുണ നൽകി.