Category: Ligue 1

ഫ്രഞ്ച് ലീഗ് 1 ൽ നീസ്, ആഞ്ചേഴ്‌സ് മത്സരത്തിന് ഇടയിൽ മത്സരം തുടങ്ങി വെറും ഒമ്പതാം സെക്കന്റിൽ തന്നെ ചുവപ്പ് കാർഡ് കണ്ടു നീസ് പ്രതിരോധ താരം ജീൻ ടോഡിബോ. മത്സരം തുടങ്ങിയ ഉടൻ ആഞ്ചേഴ്‌സ് നടത്തിയ മുന്നേറ്റം തടയാൻ അബ്ദല്ല സിമയെ ഫൗൾ ചെയ്തത് ആണ് മുൻ ബാഴ്‌സലോണ താരത്തിന് വിനയായത്. ഉറച്ച ഗോൾ അവസരം നിഷേധിച്ചത് കാണിച്ചു റഫറി ഒമ്പതാം സെക്കന്റിൽ തന്നെ താരത്തിന് ചുവപ്പ് കാർഡ് നൽകി.

ഫ്രഞ്ച് ഫുട്‌ബോൾ ചരിത്രത്തിലെ ഏറ്റവും വേഗതയേറിയ ചുവപ്പ് കാർഡ് ആണ് ഇത്. ഫുട്‌ബോൾ ചരിത്രത്തിൽ തന്നെ ഏറ്റവും വേഗതയേറിയ ചുവപ്പ് കാർഡ് ആണ് ഇത്. നബീൽ ബെന്തലബ്‌ നേടിയ ഗോളിൽ ആഞ്ചേഴ്‌സ് മത്സരത്തിൽ ജയിച്ചുരുന്നു. രണ്ടാം പകുതിയിൽ സോഫിയാനെ ബൗഫലിനും ചുവപ്പ് കാർഡ് കണ്ടതോടെ ഇരു ടീമുകളും 10 പേരുമായി ആണ് മത്സരം അവസാനിപ്പിച്ചത്.

ഫ്രഞ്ച് ലീഗ് വൺ വമ്പൻ പോരാട്ടത്തിൽ ഒളിമ്പിക് ലിയോണിനെ ഒന്നിന് എതിരെ രണ്ടു ഗോളുകൾക്ക് തോൽപ്പിച്ചു എ.എസ് മൊണാക്കോ. ലിയോണിന്റെ ആധിപത്യം ആണ് മത്സരത്തിൽ കാണാൻ ആയത് എങ്കിലും മൊണാക്കോ ആണ് ആദ്യം ഗോളുകൾ നേടിയത്. ഗോൾ രഹിതമായ ആദ്യ പകുതിക്ക് ശേഷം 55 മത്തെ മിനിറ്റിൽ ആദ്യ ഗോൾ പിറന്നു.

ഹെൻറിക്വയുടെ കോർണറിൽ നിന്നു ഹെഡറിലൂടെ ബെനോയിറ്റ് ആണ് ഗോൾ നേടിയത്. 63 മത്തെ മിനിറ്റിൽ ഹെൻറിക്വയുടെ ബുദ്ധിപൂർവ്വമായ ഫ്രീകിക്കിൽ നിന്ന്7 ഹെഡറിലൂടെ ഗോൾ നേടിയ ഗില്ലർമോ മാരിപാൻ മൊണാക്കോക്ക് രണ്ടാം ഗോളും സമ്മാനിച്ചു. 81 മത്തെ മിനിറ്റിൽ റയാൻ ചെർകിയുടെ പാസിൽ നിന്നു കാൾ ടോകോ എകാമ്പിയാണ് ലിയോണിന്റെ ആശ്വാസഗോൾ നേടിയത്. നിലവിൽ ലീഗിൽ ലിയോൺ അഞ്ചാമതും മൊണാക്കോ ഏഴാം സ്ഥാനത്തും ആണ്.