Category: Ligue 1

ഫ്രഞ്ച് ലീഗിൽ എട്ടു മത്സരങ്ങൾ ശേഷിക്കെ തന്നെ കിരീടം സ്വന്തമാക്കാനുള്ള അവസരം പി എസ് ജി കൈവിട്ടു. ഇന്നലെ നടന്ന മത്സരത്തിൽ സ്റ്റ്രാസ്ബൗർഗിനെ തോൽപ്പിച്ചിരുന്നു എങ്കിൽ പി എസ് ജി ലീഗ് ചാമ്പ്യന്മാരായേനെ. എന്നാൽ സംസ്റ്റ്രാസ്ബൗർഗിനെതിരെ മികവ് പുലർത്താൻ പി എസ് ജിക്ക് ആയില്ല. സൂപ്പർ താരങ്ങൾ ഇല്ലാതെ പി എസ് ജി 2-2ന്റെ സമനില ആണ് ഇന്നലെ വഴങ്ങിയത്.

ഒരു ഘട്ടത്തിൽ സ്റ്റർസ്ബൗർഗ് 2-1ന് മുന്നിൽ എത്തിയതായിരുന്നു. ആ ലീഡ് നില 82ആം മിനുട്ട് വരെ നിലനിർത്താനും അവർക്കായി. 82ആം മിനുട്ടിൽ ഡ്രാക്സലിന്റെ പാസിൽ നിന്ന് കെഹ്റർ ആണ് പി എസ് ജിക്കായി സമനില ഗോൾ നേടിയത്. ചോപോമോടിംഗ് ആയിരുന്നു പി ഈ ജിയുടെ ആദ്യ ഗോൾ നേടിയത്. സ്റ്റ്രാസ്ബൗർഗിനായി കോസ്റ്റയും ഗോൺസാല്വസും വല കുലുക്കി.

ഈ സമനിലയോടെ 30 മത്സരങ്ങളിൽ നിന്ന് പി എസ് ജിക്ക് 81 പോയിന്റായി. രണ്ടാമതുള്ള ലില്ലിക്ക് 31 മത്സരങ്ങളിൽ നിന്ന് 61 പോയിന്റാണ് ഉള്ളത്. അതുകൊണ്ട് തന്നെ ഒരു രണ്ട് പോയിന്റ് കൂടെ നേടിയാൽ പി എസ് ജി ഔദ്യോഗികമായി ചാമ്പ്യന്മാരാകും.

ഫ്രഞ്ച് ക്ലബ്ബ് ബോർഡോയുടെ പരിശീലകനായി പൗലോ സോസ ചുമതലയേറ്റു. ലീഗ് വണ്ണിൽ പതിമൂന്നാം സ്ഥാനത്ത് കിതയ്ക്കുന്ന ബോർഡോയ്ക്ക് മുൻ യുവന്റസ്, ഡോർട്ട്മുണ്ട് താരത്തിന്റെ വരവ് ഗുണം ചെയ്യും. മൂന്നര വർഷത്തെ കരാറിലാണ് ബോര്ഡോയിലേക്ക് സോസ എത്തുന്നത്. എ എസ് റോമയുടെ പരിശീലകനാവാൻ ഉയർന്നു കേട്ട പേരുകളിൽ ഒന്നാണ് മുൻ പോർച്ചുഗീസ് ഗോൾഡൻ ജനറേഷൻ താരത്തിന്റേത്.

റോമയുടെ പരിശീലകനായി റാനിയേരി സ്ഥാനമേറ്റതിനു പിന്നാലെയാണ് സോസ ഫ്രാൻസിലേക്ക് പറന്നത്. ബ്രസീലിയൻ പരിശീലകൻ റിക്കാർഡോ ഗോമസിനു പകരക്കാരനായാണ് സോസ എത്തുന്നത്. ഇതിനു മുൻപ് സ്വാൻസി, മേക്കബി ടെൽ- അവീവ്, ഫിയോറെന്റീന, ബെസെൽ എന്നി ടീമുകളെ സോസ പരിശീലിപ്പിച്ചിട്ടുണ്ട്. കന്നവാരോയ്ക്ക് പകരക്കാരനായി ചൈനീസ് സൂപ്പർ ലീഗ് ക്ലബായ ടൈയാൻജിൻ ക്വാൻജിനിലും പോർച്ചുഗീസ് റ്റാക്ട്ടീഷ്യൻ പരിശീലിപ്പിച്ചിരുന്നു.

ബാലോട്ടെല്ലി എന്നാൽ എപ്പോഴും ആരും പ്രതീക്ഷിക്കാത്ത എന്തെങ്കിലും ഗ്രൗണ്ടിൽ ചെയ്യുന്ന താരമാണ്. ഇന്നലെയും അങ്ങനെയൊരു നിമിഷത്തിന് ഫുട്ബോൾ ലോകം സാക്ഷിയായി.ഫ്രഞ്ച് ലീഗിൽ മാഴ്സെയും സെന്റ് എറ്റിനെയും തമ്മിലുള്ള മത്സരത്തിനിടയിൽ ആയിരുന്നു ബാലോട്ടെല്ലി ഇൻസ്റ്റാഗ്രാമിൽ ലൈവ് വന്നത്.

കളിയുടെ 12ആം മിനുട്ടിൽ ഒരു ബൈസൈക്കിൽ കിക്കിലൂടെ ഗോൾ നേടിയ ബാലോട്ടെല്ലി തന്റെ ഫോൺ കയ്യിലെടുത്ത് ഇൻസ്റ്റാഗ്രാമിൽ ലൈവ് സ്റ്റോറി ഇട്ട് ഗോൾ ആഘോഷിക്കുകയായിരുന്നു. മുഴുവൻ മാഴ്സെ താരങ്ങളും ആഹ്ലാദത്തിൽ ബലോട്ടെല്ലിക്ക് ഒപ്പം ഇൻസ്റ്റാഗ്രാം ലൈവിൽ വന്നു. ഫുട്ബോളിൽ ആദ്യമായാണ് ഇങ്ങനെയൊരു കാഴ്ച കാണുന്നത്. മുമ്പ് ടോട്ടി റോമയ്ക്കായി ഗോളടിച്ചപ്പോൾ ഇറ്റലിയിൽ വെച്ച് സെൽഫി എടുത്ത് ആഘോഷിച്ചിരുന്നു. അതിന്റെ അടുത്ത പടിയും കയറി ആയിരുന്നു ബാലൊട്ടെല്ലിയുടെ ആഹ്ലാദം.

https://twitter.com/squadxtra/status/1102305326773211136?s=19

ബാലോട്ടെല്ലി തുടർച്ചയായ നാലാം മത്സരത്തിലാണ് മാഴ്സെയുടെ ഹോം ഗ്രൗണ്ടിൽ ഗോൾ നേടുന്നത്.