Tag: Mbappe

മെറ്റ് ലൈഫ് സ്റ്റേഡിയത്തിൽ നടന്ന ആവേശകരമായ ക്ലബ് ലോകകപ്പ് ക്വാർട്ടർ ഫൈനലിൽ ബൊറൂസിയ ഡോർട്ട്മുണ്ടിനെ 3-2ന് കീഴടക്കി റയൽ മാഡ്രിഡ് സെമിഫൈനലിൽ പ്രവേശിച്ചു. സെമിയിൽ അവർ പാരീസ് സെന്റ് ജെർമെയ്‌നുമായി ഏറ്റുമുട്ടും. 76,000-ത്തിലധികം കാണികൾക്ക് മുന്നിൽ കടുത്ത ചൂടിൽ നടന്ന മത്സരത്തിൽ, യുവ സ്ട്രൈക്കർ ഗോൺസാലോ ഗാർസിയ 10-ാം മിനിറ്റിൽ റയലിനായി ഗോൾവേട്ടയ്ക്ക് തുടക്കമിട്ടു. അർദ ഗുലറുടെ ക്രോസ് വലയിലെത്തിച്ച് ടൂർണമെന്റിലെ തന്റെ നാലാം ഗോളാണ് ഗാർസിയ നേടിയത്.

പത്ത് മിനിറ്റിന് ശേഷം, ജൂഡ് ബെല്ലിംഗ്ഹാമും ട്രെന്റ് അലക്സാണ്ടർ-അർനോൾഡും ഉൾപ്പെട്ട മികച്ച മുന്നേറ്റത്തിനൊടുവിൽ ഫ്രാൻ ഗാർസിയ റയലിന്റെ ലീഡ് രണ്ടാക്കി ഉയർത്തി.
മത്സരത്തിന്റെ ഭൂരിഭാഗം സമയത്തും ആധിപത്യം പുലർത്തിയിട്ടും റയലിന് അവസാന നിമിഷങ്ങളിൽ സമ്മർദ്ദം നേരിടേണ്ടി വന്നു.

പകരക്കാരനായി ഇറങ്ങിയ മാക്സിമിലിയൻ ബെയർ ഇൻജുറി ടൈമിൽ ഡോർട്ട്മുണ്ടിനായി ഒരു ഗോൾ മടക്കി വിജയപ്രതീക്ഷ നൽകി. എന്നാൽ അസുഖം കാരണം ഗ്രൂപ്പ് ഘട്ടത്തിൽ കളിക്കാതിരുന്ന കിലിയൻ എംബാപ്പെ, ഒരു അക്രൊബാറ്റിക് ഓവർഹെഡ് കിക്കിലൂടെ റയലിന്റെ രണ്ട് ഗോൾ ലീഡ് പുനഃസ്ഥാപിച്ച് തന്റെ പ്രതിഭ തെളിയിച്ചു. മത്സരത്തിലെ അദ്ദേഹത്തിന്റെ ആദ്യ ഗോളും സീസണിലെ 44-ാമത്തെ ഗോളുമായിരുന്നു ഇത്.

സെർഹൗ ഗ്വിറാസിയെ വീഴ്ത്തിയതിന് പ്രതിരോധ താരം ഡീൻ ഹ്യൂയിസന് ചുവപ്പ് കാർഡ് കണ്ട് അവസാനം പുറത്ത് പോകേണ്ടി വന്നു. തുടർന്ന് ലഭിച്ച പെനാൽറ്റി ഗ്വിറാസി ഗോളാക്കി മാറ്റി സ്കോർ 3-2 ആക്കി. എങ്കിലും ഫൈനൽ വിസിൽ മുഴങ്ങിയപ്പോൾ റയൽ മാഡ്രിഡിന് ജയം ഉറപ്പായി. എംബാപ്പെയുടെ മുൻ ക്ലബ്ബായ പിഎസ്ജിയെ ആകും സെമി ഫൈനലിൽ റയൽ നേരിടുക.

റയൽ മാഡ്രിഡ് ലാലിഗയിൽ വ്യക്തമായ ലീഡിലേക്ക്. അവർ റയൽ വയ്യഡോയിനെ 3-0 ന് പരാജയപ്പെടുത്തി. കൈലിയൻ എംബാപ്പെയുടെ ഹാട്രിക് പ്രകടനമാണ് റയൽ മാഡ്രിഡിനെ ലാ ലിഗയിൽ ഒന്നാം സ്ഥാനത്ത് നിർത്തിയത്. അത്ലറ്റിക്കോ മാഡ്രിഡിനെക്കാൽ നാല് പോയിന്റ് മുന്നിലാണ് അവർ ഇപ്പോൾ.

മികച്ച ഫോമിലുള്ള എംബാപ്പെ ഇപ്പോൾ ഈ സീസണിൽ 15 ലീഗ് ഗോളുകൾ നേടിയിട്ടുണ്ട്, ബാഴ്‌സലോണയുടെ റോബർട്ട് ലെവൻഡോവ്‌സ്കിയെക്കാൾ ഒരു ഗോൾ മാത്രം പിന്നിലാണ് അദ്ദേഹം ഇപ്പോൾ. സസ്‌പെൻഡ് ചെയ്യപ്പെട്ട താരം വിനീഷ്യസ് ജൂനിയർ ഇല്ലാതിരുന്നിട്ടും റയൽ മത്സരത്തിൽ സമ്പൂർണ്ണ ആധിപത്യം പുലർത്തി. മാഡ്രിഡിനായുള്ള എംബപ്പെയുള്ള ആദ്യ ഹാട്രിക്കാണ് ഇത്.

റയലിന് 21 മത്സരങ്ങളിൽ നിന്ന് 49 പോയിന്റാണ് ഉള്ളത്. അത്ലറ്റിക്കോ മാഡ്രിഡ് 45 പോയിന്റിലും 20 മത്സരങ്ങൾ കളിച്ച ബാഴ്സലോണ 39 പോയിന്റിലും നിൽക്കുന്നു.

എംബപ്പെയുടെ റയൽ മാഡ്രിഡ് കരിയർ ഗംഭീരമായി തന്നെ ആരംഭിച്ചു. യുവേഫ സൂപ്പർ കപ്പ് കിരീടവും ഒപ്പം ഒരു ഗോളുമായി എംബപ്പെ അരങ്ങേറ്റം ആഘോഷിച്ചു. കഴിഞ്ഞ സീസണിലെ യൂറോപ്പ ലീഗ് ചാമ്പ്യന്മാരായ അറ്റലാന്റയെ നേരിട്ട റയൽ മാഡ്രിഡ് എതിരില്ലാത്ത രണ്ടു ഗോളുകളുടെ വിജയമാണ് നേടിയത്‌. ഇതിൽ ഒരു ഗോൾ എംബപ്പെയുടെ ആയിരുന്നു‌.

ഇന്നലെ ആദ്യ പകുതിയിൽ ഗോൾ വന്നിരുന്നില്ല. 59ആം മിനുട്ടിൽ ഫെഡെ വാല്വെർദെ ആണ് റയലിനായി ഗോളടി തുട‌ങ്ങിയത്. 68ആം മിനുട്ടിൽ എംബപ്പെ ലീഡ് ഇരട്ടിയാക്കി. ജൂഡ് ബെല്ലിങ്ഹാമിന്റെ അസിസ്റ്റിൽ നിന്നായിരുന്നു ഈ ഗോൾ. എംബപ്പെയുടെ റയൽ കരിയറിലെ ആദ്യ മത്സരത്തിൽ തന്നെ ട്രോഫി. എംബപ്പെയുടെ കരിയറിലെ 19ആം കിരീടമാണ് ഇത്.

റയൽ മാഡ്രിഡിനായി കളിക്കുക എന്ന ഒരു വിവരിക്കാൻ ആകാത്ത ഫീൽ ആണെൻ‌ മത്സര ശേഷം എംബപ്പെ പറഞ്ഞു.

എംബപ്പെ റയൽ മാഡ്രിഡിനായി നമ്പർ 9 ജേഴ്സി ധരിക്കുമെന്ന് റയൽ മാഡ്രിഡ് അറിയിച്ചു. ഫ്രഞ്ച് സൂപ്പർ താരത്തെ ജൂലൈ 26 ന് സാൻ്റിയാഗോ ബെർണബ്യൂ സ്റ്റേഡിയത്തിൽ ഔദ്യോഗികമായി അവതരിപ്പിക്കും എന്നും റയൽ മാഡ്രിഡ് അറിയിച്ചു. പി എസ് ജിയിൽ നമ്പർ 10 ജേഴ്സി ആയിരുന്നു എംബപ്പെ അണിഞ്ഞിരുന്നത്. റയൽ മാഡ്രിഡിൽ മോഡ്രിച് ആണ് ആ ജേഴ്സി അണിയുന്നത്.

റയൽ മാഡ്രിഡിൻ്റെ മുൻ സ്‌ട്രൈക്കർ കരിം ബെൻസേമയ്‌ക്ക് ശേഷം ആദ്യമായാണ് റയലിൽ ഒരു താരം 9ആം നമ്പർ ജേഴ്സി അണിയുന്നത്. നാച്ചോ ഫെർണാണ്ടസ് ഒഴിഞ്ഞ 6ആം നമ്പർ ജേഴ്‌സി മിഡ്‌ഫീൽഡർ എഡ്വേർഡോ കാമവിംഗ അണിയും. ടോണി ക്രൂസ് അനിഞ്ഞിരുന്ന എട്ടാം നമ്പർ ജേഴ്സി വാല്വെർദെ ആകും അണിയുക.