Tag: West Ham United

ലണ്ടൻ: വെസ്റ്റ് ഹാം യുണൈറ്റഡ് തങ്ങളുടെ മുഖ്യ പരിശീലകനായ ഗ്രഹാം പോട്ടറുമായി വഴിപിരിഞ്ഞു. എട്ട് മാസം നീണ്ട ഈ പരിശീലന കാലയളവിൽ ക്ലബ്ബിന് മോശം പ്രകടനവും പ്രതീക്ഷക്കൊത്തുയരാത്ത ഫലങ്ങളുമാണുണ്ടായത്. കഴിഞ്ഞ സീസണിന്റെ രണ്ടാം പകുതി മുതൽ 2025/26 പ്രീമിയർ ലീഗ് കാമ്പെയ്‌നിന്റെ തുടക്കം വരെയുള്ള മോശം പ്രകടനങ്ങളാണ് ഈ വേർപിരിയലിന് കാരണമായത്.

ബോർഡും ആരാധകരും വെച്ച പ്രതീക്ഷക്കൊത്ത് ഫലങ്ങളോ കളിയുടെ ശൈലിയോ ഉയരാത്തതിനാലാണ് പുതിയ നേതൃത്വത്തെ തേടാൻ ക്ലബ്ബ് നിർബന്ധിതരായതെന്ന് വെസ്റ്റ് ഹാം ഔദ്യോഗിക പ്രസ്താവനയിൽ ഊന്നിപ്പറഞ്ഞു. പ്രീമിയർ ലീഗിലെ തങ്ങളുടെ നില മെച്ചപ്പെടുത്താനാണ് പുതിയ മാറ്റത്തിലൂടെ ക്ലബ്ബ് ലക്ഷ്യമിടുന്നത്.

അസിസ്റ്റന്റ് കോച്ച് ബ്രൂണോ സാൾട്ടർ, ഫസ്റ്റ് ടീം കോച്ചുമാരായ ബില്ലി റീഡ്, നർസിസ് പെലാച്ച്, ഗോൾകീപ്പർ കോച്ചുമാരായ കാസ്പർ അങ്കർഗ്രെൻ, ലിനസ് കണ്ടോളിൻ എന്നിവരും ക്ലബ്ബിൽ നിന്ന് വിട്ടുപോകും. ബ്രൈറ്റൺ വിട്ട ശേഷാം പരിശീലകനായി തിളങ്ങാൻ ഇതുവരെ പോട്ടറിന് ആയിട്ടില്ല.

ഒ.ജി.സി. നൈസിൽ നിന്ന് ഫ്രഞ്ച് പ്രതിരോധ താരം ജീൻ-ക്ലെയർ ടോഡിബോയെ വെസ്റ്റ് ഹാം യുണൈറ്റഡ് സ്ഥിരമായി സ്വന്തമാക്കിയതായി ഫ്രഞ്ച് ക്ലബ്ബ് ജൂൺ 6-ന് ഔദ്യോഗികമായി സ്ഥിരീകരിച്ചു. 2024/25 സീസണിന്റെ തുടക്കത്തിൽ ലോൺ അടിസ്ഥാനത്തിലാണ് ടോഡിബോ ഹാമഴ്സിൽ ചേർന്നത്. അന്ന് വെസ്റ്റ് ഹാം പ്രീമിയർ ലീഗ് പദവി നിലനിർത്തുകയാണെങ്കിൽ 39 ദശലക്ഷം യൂറോയ്ക്ക് താരത്തെ വാങ്ങാൻ ബാധ്യതയുണ്ടായിരുന്നു.

വെസ്റ്റ് ഹാം തരംതാഴ്ത്തപ്പെടാതെ പ്രീമിയർ ലീഗിൽ തുടർന്നതോടെ ഈ വ്യവസ്ഥ പ്രാബല്യത്തിൽ വന്നു. സീസൺ അവസാനിച്ചതോടെ, ടോഡിബോയുടെ ട്രാൻസ്ഫർ ഇപ്പോൾ സ്ഥിരമായി.

25 വയസ്സുകാരനായ ഫ്രഞ്ച് അന്താരാഷ്ട്ര താരം വെസ്റ്റ് ഹാമിനായി പ്രീമിയർ ലീഗിൽ 27 മത്സരങ്ങളിൽ കളിച്ചു. അതിൽ 21 മത്സരങ്ങളിലും അദ്ദേഹം ആദ്യ ഇലവനിൽ ഉൾപ്പെട്ടു. പരിക്ക് കാരണം ചില മത്സരങ്ങളിൽ പുറത്തിരിക്കേണ്ടി വന്നെങ്കിലും, ക്ലബ്ബിന്റെ പ്രതിരോധനിരയിൽ അദ്ദേഹം ഒരു വിലപ്പെട്ട മുതൽക്കൂട്ടായി മാറി. 2021-ൽ ബാഴ്സലോണയിൽ നിന്ന് നീസിലേക്ക് വന്നതിന് ശേഷം അവിടെ 136 മത്സരങ്ങൾ അദ്ദേഹം കളിച്ചിരുന്നു.

പ്രീമിയർ ലീഗ് കിരീട പോരാട്ടത്തിൽ ആഴ്സണലിന് വലിയ തിരിച്ചടി. അവർ ഇന്ന് സ്വന്തം ഹോം ഗ്രൗണ്ടിൽ വെസ്റ്റ് ഹാമിനോട് പരാജയം ഏറ്റുവാങ്ങി. ഇന്ന് എതിരില്ലാത്ത ഒരു ഗോളിനായിരുന്നു വെസ്റ്റ് ഹാമിന്റെ വിജയം. ഈ ഫലം ലിവർപൂളിന്റെ കിരീടത്തിലേക്കുള്ള യാത്ര സുഖമമാക്കും.

ഇന്ന് ആദ്യ പകുതിയുടെ അവസാനം 44ആം മിനുറ്റിൽ ജെറാഡ് ബോവനിലൂടെ ആണ് വെസ്റ്റ് ഹാം ലീഡ് എടുത്തത്. രണ്ടാം പകുതിയിൽ ആഴ്സണൽ സമനിലക്ക് ആയി പൊരുതവെ അവരുടെ യുവതാരം ലൂയിസ് സ്കെല്ലി 64ആം മിനുറ്റിൽ ചുവപൊ കാർഡ് കണ്ട് മടങ്ങി. ഇതോടെ ആഴ്സണൽ 10 പേരായി ചുരുങ്ങി.

ആഴ്സണൽ അവസാന നിമിഷം വരെ പൊരുതി നോക്കി എങ്കിലും പരാജയം ഒഴിവാക്കാൻ അവർക്ക് ആയില്ല. ഈ പരാജയത്തോടെ ആഴ്സണൽ 26 മത്സരങ്ങളിൽ നിന്ന് 53 പോയിന്റിൽ നിൽക്കുകയാണ്. ഒന്നാമതുള്ള ലിവർപൂളിനെക്കാൾ 8 പോയിന്റ് പിറകിലാണ് അവർ.

സീസണിന്റെ ശേഷിക്കുന്ന സമയത്തേക്കായി ബ്രൈറ്റൺ & ഹോവ് ആൽബിയൻ സ്‌ട്രൈക്കർ ഇവാൻ ഫെർഗൂസണെ ലോൺ കരാറിൽ ഒപ്പുവയ്ക്കാൻ വെസ്റ്റ് ഹാം യുണൈറ്റഡ് തീരുമാനിച്ചു. 20 കാരനായ റിപ്പബ്ലിക് ഓഫ് അയർലൻഡ് ഇന്റർനാഷണൽ ഇന്ന് മെഡിക്കൽ പരിശോധനയ്ക്ക് വിധേയനാകും, തുടർന്ന് നീക്കം അന്തിമമാക്കും.

2029 വരെ ബ്രൈറ്റണുമായി കരാറിലേർപ്പെട്ടിരിക്കുന്ന ഫെർഗൂസൺ, ഈ സീസണിൽ പതിവ് അവസരത്തിനായി പാടുപെട്ടു‌ ആകെ 15 മത്സരങ്ങളിൽ മാത്രമെ കളിച്ചിള്ളൂ. ഡാനി വെൽബെക്കും ജോവോ പെഡ്രോയും ഉള്ളത് കൊണ്ട് ബ്രൈറ്റണിൽ അവസരം കിട്ടില്ല എന്ന് ഉറപ്പുള്ളത് കൊണ്ടാണ് താരം ക്ലബ് വിടുന്നത്.