Category: Ligue 1

ലീഗ് വണ്ണിൽ ഗോൾ രഹിത സമനിലയിൽ കുരുങ്ങി പിഎസ്ജി. ഇന്ന് നടന്ന മത്സരത്തിൽ ക്ലെർമോണ്ട് ഫുട്ടുമായാണ് ലീഗ് ജേതാക്കൾ പോയിന്റ് പങ്കുവെച്ചത്. ഇതോടെ ടീമിന്റെ രണ്ടാം സ്ഥാനവും ഭീഷണിയിൽ ആയി. ഇതുവരെ രണ്ടു സമനില മാത്രം കൈമുതലായുള്ള ക്ലെർമോണ്ട് പതിനേഴാം സ്ഥാനത്താണ്.

മത്സരത്തിന്റെ തുടക്കം മുതൽ ക്ലെർമോണ്ട് പ്രതിരോധത്തെ പരീക്ഷിക്കാൻ ആവാതെ പിഎസ്ജി കുഴങ്ങി. ഷോട്ട് ഉതിർക്കാൻ പോലും ഇടം നൽകാതെ ക്ലെർമോണ്ട് താരങ്ങൾ കോച്ചിന്റെ പദ്ധതി കളത്തിൽ നടപ്പിലാക്കി. ഡെമ്പലെയുടെ ഷോട്ട് കീപ്പർ തട്ടിയകറ്റി. കൗഫ്രീസിന്റെ ഷോട്ട് കോർണർ വഴങ്ങി പിഎസ്‌ജി തടുത്തു. നിക്കോൾസന്റെ ഹേഡർ പോസ്റ്റിന് മുകളിലൂടെ കടന്ന് പോയി. എമ്പാപ്പെയുടെ ഷോട്ട് കീപ്പർ തട്ടിയക്കറ്റി. ഡെമ്പലെയുടെ ഷോട്ടും കീപ്പർ കോർണർ തടുത്തു. വിട്ടിഞ്ഞയുടെ ലോങ് റേഞ്ചറിനും ലക്ഷ്യം കാണാൻ ആയില്ല.

രണ്ടാം പകുതിയുടെ തുടക്കത്തിൽ തന്നെ നിക്കോൾസണിലൂടെ ആതിഥേയർ ഗോളിന് അടുത്തെത്തി. എന്നാൽ ഡൊന്നാറുമ ടീമിന്റെ രക്ഷകനായി. കോണാട്ടെയുടെ ഷോട്ടും ഇറ്റാലിയൻ താരം തടുത്തു. മത്സരം അവസാന ഘട്ടത്തിലേക്ക് കടന്നപ്പോൾ പിഎസ്‌ജി താളം വീണ്ടെടുത്ത് തുടർച്ചയായ ആക്രമണങ്ങൾ നടത്തി. എമ്പാപ്പെ നൽകിയ അവസരത്തിൽ റാമോസിന്റെ ഷോട്ട് പോസ്റ്റിന് തൊട്ടു മുൻപിൽ വെച്ച് എതിർ താരങ്ങളിൽ തട്ടി കോർണറിലേക്ക് പോയത് പിഎസ്‌ജിക്ക് നിരാശ നൽകി.പിന്നീടും ക്ലെർമോണ്ട് പ്രതിരോധം ഉറച്ചു നിന്നതോടെ പിഎസ്ജി സമനിലയിൽ കുരുങ്ങി.

പുതിയ കോച്ചും പുതിയ താരങ്ങളുമായി ഇറങ്ങിയ പിഎസ്ജിക്ക് ലീഗിലെ ആദ്യ മത്സരത്തിൽ സമനിലയോടെ ആരംഭം. സ്വന്തം തട്ടകത്തിൽ ലോറിയന്റുമായാണ് ഫ്രഞ്ച് ചാമ്പ്യന്മാർ ഗോൾ രഹിതമായി പിരിഞ്ഞത്. ടീം വിടുമെന്ന് ഉറപ്പായ എംബപ്പെ, നെയ്മർ എന്നിവർ പ്രതീക്ഷിച്ച പോലെ സക്വാഡിൽ ഉണ്ടായിരുന്നില്ല. ബാഴ്‌സയിൽ നിന്നെത്തിയ ഡെംബലെയേയും അടുത്ത മത്സരത്തോടെ മാത്രമേ പിഎസ്ജി ജേഴ്‌സിയിൽ കാണാൻ സാധിക്കൂ.

ട്രാൻസ്ഫർ വിൻഡോയിൽ അടിമുടി മാറിയ പിഎസ്ജി പുതിയ താരങ്ങളെ എല്ലാം ആദ്യ ഇലവനിൽ തന്നെ ഇറക്കി. ലീ കാങ് ഇനും അസെൻസിയോയും ഗോൺസാലോ റാമോസും മുന്നേറ്റം നയിച്ചു. വിടിഞ്ഞക്കൊപ്പം മാനുവൽ ഉഗാർതെ ടീമിൽ എത്തി. പ്രതിരോധത്തിൽ സ്ക്രിനിയർ, ലൂക്കസ് ഹെർണാണ്ടസ് എന്നിവരും അണിനിരന്നു. പിഎസ്ജിക്ക് തന്നെ ആയിരുന്നു ആദ്യ പകുതിയിൽ കൃത്യമായ മുന്നേറ്റം. എട്ടാം മിനിറ്റിൽ അസെൻസിയോയുടെ പാസിൽ റാമോസിന്റെ ഷോട്ട് കീപ്പർ തട്ടിയകറ്റി. ഹെർണാണ്ടസിന്റെ ഷോട്ട് പോസ്റ്റിന് മുകളിലൂടെ കടന്ന് പോയി.

രണ്ടാം പകുതിയിലും കാര്യങ്ങൾ മാറിയില്ല. പല തവണ എതിർ ബോക്സിലേക്ക് എത്തിയിട്ടും ലക്ഷ്യം കാണുന്നതിൽ മാത്രം പിഎസ്ജിക്ക് പിഴച്ചു. മത്സരത്തിൽ ആകെ 78% ഓളം പന്ത് കൈവശം വെച്ചത് പിഎസ്ജി ആയിയുന്നു. ആയിരത്തോളം പാസും പൂർത്തിയാക്കി. മത്സരത്തിലെ മികച്ച അവസരങ്ങളിൽ ഒന്നിൽ ഫാബിയൻ റൂയിസ് ബോസ്‌കിനുള്ളിൽ നിന്നും തൊടുത്ത ഷോട്ട് ലോറിയന്റ് പ്രതിരോധം തടുത്തു. ഇടക്ക് ലോറിയന്റ് എതിർ ബോക്സിലേക്ക് എത്തിയെങ്കിലും ഡോന്നറുമയെ പരീക്ഷിക്കാൻ മാത്രം മൂർച്ചയുള്ള ആക്രമണം മെനയാൻ അവർക്കായില്ല. ഇഞ്ചുറി ടൈമിൽ സോളറുടെ ഷോട്ട് കീപ്പർ തടുത്തപ്പോൾ മത്സരത്തിലെ അവസാന അവസരത്തിൽ ഉഗാർതെയുടെ ഷോട്ട് പോസ്റ്റിനിരുമി കടന്ന് പോയി. ഇതോടെ മത്സരം സമനിലയിൽ അവസാനിച്ചു.

ക്രിസ്റ്റഫ്‌ ഗാൾട്ടിയർക്ക് പകരക്കാരനായി പിഎസ്ജി പരിശീലക സ്ഥാനത്തേക്ക് ജൂലിയൻ നാഗെൽസ്മാൻ തന്നെ എത്തുമെന്ന് ഉറപ്പാവുന്നു. മുൻ ബയേൺ പരിശീലകനുമായുള്ള ഫ്രഞ്ച് ടീമിന്റെ ടീമിന്റെ ചർച്ചകൾ അവസാന മണിക്കൂറുകളിൽ വളരെയധികം പുരോഗമിച്ചതായി ഡി മാർസിയോ റിപ്പോർട്ട് ചെയ്തു. ഒരേയൊരു സീസണിൽ മാത്രം ടീമിനെ പരിശീലിപ്പിച്ച ഗാൾട്ടിയറെ പുറത്താക്കുമെന്ന തീരുമാനം എടുത്ത ഉടൻ തന്നെ പകരക്കാരനായി പിഎസ്ജി അന്വേഷണം തുടങ്ങിയിരുന്നു. സിദാൻ അടക്കമുള്ളവരുടെ പേരുകൾ ഒരിക്കൽ കൂടി ഉയർന്ന് വന്നെങ്കിലും അവസാനം നാഗെൽസ്മാനിൽ തന്നെ തിരച്ചിൽ അവസാനിച്ചു. ചർച്ചകൾ പുരോഗമിക്കുന്ന മുറക്ക് ഉടൻ തന്നെ പിഎസ്ജി നാഗെൽസ്മാനുമായി ധാരണയിൽ എത്തും.

അതേ സമയം പിഎസ്‌ജിലേക്ക് സിദാൻ എത്തുമെന്ന അഭ്യൂഹങ്ങൾ താരവുമായി ബദ്ധപ്പെട്ടവർ നിഷേധിച്ചതായി ആർഎംസി സ്‌പോർട് റിപ്പോർട്ട് ചെയ്തു. ഇത് സംബന്ധിച്ച് സിദാനുമായി നേരിട്ടുള്ള ഒരു ചർച്ചകളും നടന്നിട്ടില്ലെന്ന് ആർഎംസി അറിയിച്ചു. പിഎസ്ജിയുടെ ഓഫർ സിദാൻ നിറസിച്ചതായിട്ടായിരുന്നു നേരത്തെ സൂചന. പല കോച്ചുമാരും താരങ്ങാളും വന്നുപോയിട്ടും യൂറോപ്യൻ പോരാട്ടങ്ങളിൽ വീണു പോകുന്ന പിഎസ്ജി ഒരിക്കൽ കൂടി മികച്ച കോച്ചിനെയും താരങ്ങളെയും എത്തിക്കാനുള്ള നീക്കത്തിൽ ആണ്. ബയേണിൽ നിന്നും ലൂക്കസ് ഹെർണാണ്ടസിനെ എത്തിക്കാനുള്ള ശ്രമങ്ങളും ടീം നടത്തുന്നുണ്ട്.