Tag: Umesh Yadav

ഇന്ത്യയെ 311 റൺസിന് പുറത്താക്കിയ ശേഷം കൗണ്ടി സെലക്ട് ഇലവന് അഞ്ച് വിക്കറ്റ് നഷ്ടം. ഇന്ന് സന്നാഹ മത്സരത്തിന്റെ രണ്ടാം ദിവസം അധികം ചെറുത്ത്നില്പില്ലാതെ ഇന്ത്യയുടെ ഇന്നിംഗ്സ് കൗണ്ടി സെലക്ട് ഇലവന്‍ അവസാനിപ്പിക്കുകയായിരുന്നു. 5 റൺസ് നേടിയ ബുംറയെ പുറത്താക്കി ക്രെയിഗ് മൈല്‍സ് തന്റെ നാലാം വിക്കറ്റ് നേടുകയായിരുന്നു.

ഉമേഷ് യാദവ് മൂന്ന് വിക്കറ്റ് നേടിയാണ് കൗണ്ടിയുടെ തകര്‍ച്ച സാധ്യമാക്കിയത്. ഓപ്പണര്‍ ഹസീബ് ഹമീദ് പുറത്താകാതെ 88 റൺസുമായി ക്രീസിലുണ്ട്. 62 ഓവറിൽ ടീം 148 റൺസാണ് നേടിയിരിക്കുന്നത്. അഞ്ച് വിക്കറ്റ് ടീമിന് നഷ്ടമായി.

മെല്‍ബേണ്‍ ടെസ്റ്റിനിടെ ഇന്ത്യയ്ക്ക് വീണ്ടും പരിക്കിന്റെ ഭീതി. ഇന്ന് മത്സരത്തിന്റെ മൂന്നാം ദിവസം ഓസ്ട്രേലിയയുടെ രണ്ടാം ഇന്നിംഗ്സിന്റെ ഇന്ത്യന്‍ പേസര്‍ ഉമേഷ് യാദവ് ബൗളിംഗില്‍ നിന്ന് പിന്മാറുകയായിരുന്നു. തന്റെ നാലാം ഓവര്‍ എറിയുകയായിരുന്ന ഉമേഷ് യാദവ് കാല്‍വണ്ണയില്‍ വേദന അനുഭവപ്പെടുന്നുവെന്ന് പറഞ്ഞാണ് പിന്മാറിയത്.

താരത്തെ ബിസിസിഐ മെഡിക്കല്‍ ടീം പരിശോധിച്ച ശേഷം സ്കാനുകള്‍ക്ക് വിധേയനാക്കുവാന്‍ കൊണ്ടു പോയിയെന്നാണ് ലഭിയ്ക്കുന്ന വിവരം. ഉമേഷ് യാദവ് പരിക്കേറ്റ് പിന്മാറേണ്ട സാഹചര്യം വരികയാണെങ്കില്‍ മുഹമ്മദ് ഷമിയെ നഷ്ടമായ ഇന്ത്യയ്ക്ക് ഓസ്ട്രേലിയന്‍ പര്യടനത്തിനിടെ നേരിടുന്ന അടുത്ത തിരിച്ചടിയായിരിക്കും ഇത്.

മത്സരത്തിന്റെ രണ്ടാം ഇന്നിംഗ്സില്‍ ജോ ബേണ്‍സിന്റെ വിക്കറ്റ് ഉമേഷ് യാദവ് ആണ് നേടിയത്.

കൊറോണ വൈറസ് ബാധയെ തുടർന്ന് നിർത്തിവെച്ച പരിശീലനം പുനരാരംഭിച്ച് ഇന്ത്യൻ താരങ്ങളായ ഉമേഷ് യാദവും ഇഷാന്ത് ശർമ്മയും. കൊറോണ വൈറസ് ബാധയെ തുടർന്ന് ഡൽഹിയിൽ ഏർപ്പെടുത്തിയ നിയന്ത്രങ്ങൾ എളുപ്പമാക്കിയതോടെയാണ് ഉമേഷ് യാദവും ഇഷാന്ത് ശർമ്മയും പരിശീലനം പുനരാരംഭിച്ചത്.

ഡൽഹിയിലെ ഒരു പാർക്കിൽ വെച്ച് പരിശീലനം നടത്തുന്ന വീഡിയോ ഇഷാന്ത് ശർമ്മ തന്റെ സോഷ്യൽ മീഡിയ പോസ്റ്റിലൂടെയാണ് പുറത്തുവിട്ടത്. നിലവിൽ ഇന്ത്യൻ ടെസ്റ്റ് ടീമിന്റെ ഭാഗമാണ് ഇരു താരങ്ങളും. എന്നാൽ ഏകദിന ടീമിൽ ഇരു താരങ്ങൾക്കും അടുത്തകാലത്തായി അവസരങ്ങൾ ലഭിക്കാറില്ല.

See more

കൊറോണ വൈറസ് ബാധയെ തുടർന്ന് ലോകത്താകമാനം ക്രിക്കറ്റ് മത്സരങ്ങൾ നിർത്തിവെക്കേണ്ടി വന്നിരുന്നു. നിലവിൽ ഇന്ത്യൻ പ്രീമിയർ ലീഗ് അനിശ്ചിത കാലത്തേക്ക് നീട്ടിവെച്ചിട്ടുണ്ട്.