സിഡ്നി ടെസ്റ്റിലെ അഞ്ചാം ദിവസം മഴ തടസ്സം സൃഷ്ടിച്ചു. മത്സരത്തിന്റെ അഞ്ചാം ദിവസം പുരോഗമിക്കുമ്പോള് ഇംഗ്ലണ്ട് 122/3 എന്ന നിലയിൽ നില്ക്കുമ്പോളാണ് കളിക്ക് തടസ്സം സൃഷ്ടിച്ച് മഴയെത്തുന്നത്.
63 ഓവറുകള് കൂടി ഇന്ന് അവസാന ദിവസം അവശേഷിക്കുമ്പോള് 266 റൺസ് കൂടി ഇംഗ്ലണ്ട് നേടേണ്ടതുണ്ട്. പരമ്പരയിലെ നാലാം ജയം സ്വന്തമാക്കുവാന് ഓസ്ട്രേലിയയ്ക്ക് 7 വിക്കറ്റ് കൂടി നേടണം.
16 റൺസുമായി ബെന് സ്റ്റോക്സും 13 റൺസ് നേടി ജോ റൂട്ടുമാണ് ക്രീസിലുള്ളത്. 77 റൺസ് നേടിയ സാക്ക് ക്രോളിയുടെ ബാറ്റിംഗ് മികവാണ് ഇംഗ്ലണ്ടിനെ മുന്നോട്ട് നയിച്ചത്. താരത്തെ ഗ്രീന് വിക്കറ്റിന് മുന്നിൽ കുടുക്കുകയായിരുന്നു.