Tag: Sydney

2019 ജനുവരി ആറിനു ഇന്ത്യ ഓസ്ട്രേലിയയെ ഓസ്ട്രേലിയയില്‍ ഫോളോ ഓണ്‍ ചെയ്യിച്ചപ്പോള്‍ 30 വര്‍ഷത്തിനു ശേഷമാണ് നാട്ടില്‍ ഓസ്ട്രേലിയ ഫോളോണ്‍ നേരിടുന്നത്. എന്നാല്‍ ഇതാദ്യമായല്ല ഇന്ത്യ ഓസ്ട്രേലിയയെ ഓസ്ട്രേലിയയില്‍ ഫോളോ ഓണ്‍ ചെയ്യിക്കുന്നത്. വര്‍ഷങ്ങള്‍ക്ക് മുമ്പ് 1986ല്‍ ഇന്ത്യ ഓസ്ട്രേലിയയെ സമാനമായ രീതിയില്‍ ഫോളോ ഓണ്‍ ചെയ്യിച്ചതും ഇതുപോലെ ഒരു ജനുവരി 6നായിരുന്നു.

അന്നും സിഡ്നിയില്‍ തന്നെയായിരുന്നു ഇന്ത്യ ഓസ്ട്രേലിയയെ ഫോളോ ഓണിനു വിധേയനക്കിയത്. അന്ന് മത്സരം സമനിലയില്‍ അവസാനിക്കുകയായിരുന്നു. ഇന്ന് ഈ മത്സരത്തിന്റെ ഫലമെന്താകുമെന്ന് കാത്തിരുന്നു തന്നെ കാണാം.

സിഡ്നി ടെസ്റ്റില്‍ ഇന്ത്യ ഓസ്ട്രേലിയയെ ഫോളോ ഓണിനു വിധേയരാക്കിയപ്പോള്‍ 30 വര്‍ഷത്തിനു ശേഷമാണ് നാട്ടില്‍ ഫോളോ ഓണിനു ഓസീസ് ടീം വിധിക്കപ്പെടുന്നത്. 1988ല്‍ ഇംഗ്ലണ്ടായിരുന്നു ഇതിനു മുമ്പ് ഓസ്ട്രേലിയയെ നാട്ടില്‍ ഫോളോ ഓണിനു വിധേയരാക്കിയ ടീം. മെല്‍ബേണില്‍ ഇന്ത്യയ്ക്ക് സമാനമായ അവസരം ലഭിച്ചിരുന്നുവെങ്കിലും അന്ന് വിരാട് കോഹ്‍ലി അതിനു മുതിര്‍ന്നില്ല.

സിഡ്നി ടെസ്റ്റില്‍ മഴയും വെളിച്ചക്കുറവും മൂലം ഏറെ ഓവറുകള്‍ നഷ്ടമായതിനെത്തുടര്‍ന്ന് ഇന്ത്യ വീണ്ടും ബാറ്റ് ചെയ്യേണ്ടതില്ലെന്ന് ടീം മാനേജ്മെന്റ് തീരുമാനിക്കുകയായിരുന്നു.

സിഡ്നി ടെസ്റ്റിന്റെ നാലാം ദിവസത്തെ ആദ്യ സെഷന്‍ പൂര്‍ണ്ണമായും മഴമൂലം തടസ്സപ്പെട്ടു. മത്സരത്തില്‍ ഇനി അവശേഷിക്കുന്നത് അഞ്ച് സെഷനുകളാണെന്നതിനാല്‍ മത്സത്തില്‍ നിന്ന് ഇന്ത്യയ്ക്ക് ജയം സ്വന്തമാക്കുവാനുള്ള അവസരം കുറഞ്ഞ് വരുന്നതായി വേണം വിലയിരുത്തുവാന്‍. എന്നാല്‍ ബൗളിംഗിനു അനുകൂലമായ കാലാവസ്ഥയായതിനാല്‍ ഓസ്ട്രേലിയയെ എളുപ്പത്തില്‍ പുറത്താക്കിയാല്‍ ഇന്ത്യ ഫോളോ ഓണ്‍ ആവശ്യപ്പെടുവാനുള്ള സാധ്യത ഇതോടെ വര്‍ദ്ധിച്ചിരിക്കുകയാണ്.

386 റണ്‍സ് പിന്നിലായി 236/6 എന്ന നിലയിലാണ് ഓസ്ട്രേലിയ. പീറ്റര്‍ ഹാന്‍ഡ്സ്കോമ്പും പാറ്റ് കമ്മിന്‍സും ഏഴാം വിക്കറ്റില്‍ 38 റണ്‍സ് നേടിയാണ് ക്രീസില്‍ നില്‍ക്കുന്നത്. മത്സരത്തിന്റെ മൂന്നാം ദിവസവും മഴ കളി തടസ്സപ്പെടുത്തിയിരുന്നു. ഹാന്‍ഡ്സ്കോമ്പ് 28 റണ്‍സും പാറ്റ് കമ്മിന്‍സ് 25 റണ്‍സുമാണ് നേടിയിട്ടുള്ളത്.

സിഡ്നി ടെസ്റ്റിനു വേണ്ടി തയ്യാറാക്കിയ പിച്ചിനെ പഴി പറഞ്ഞ് മുന്‍ ഓസ്ട്രേലിയന്‍ താരം ഡീന്‍ ജോണ്‍സ്. ആദ്യ ദിവസം ഇന്ത്യ ടോസ് നേടി ബാറ്റിംഗ് തിരഞ്ഞെടുത്ത് മികച്ച നിലയിലേക്ക് മുന്നേറിയതിനു ശേഷമാണ് ഡീന്‍ ജോണ്‍സ് തന്റെ അമര്‍ഷം ട്വിറ്ററിലൂടെ പങ്കുവെച്ചത്. നിര്‍ണ്ണായകമായ ടെസ്റ്റില്‍ ഏത് വകുപ്പിലാണ് ഇന്ത്യയ്ക്ക് അനുകൂലമായ പിച്ച് തയ്യാറാക്കിതയതെന്നാണ് ഡീന്‍ ജോണ്‍സ് ചോദിക്കുന്നത്.

ടെസ്റ്റ് പരമ്പ കൈവിടാതിരിക്കുവാന്‍ കിണഞ്ഞ് പരിശ്രമിക്കുന്ന ഓസ്ട്രേലിയ പേസും ബൗണ്‍സും ഇല്ലാത്ത് പിച്ച് എന്തിനാണ് ഉണ്ടാക്കിയതെന്നാണ് ചോദിച്ചത്. ഇത് ഇന്ത്യന്‍ ബാറ്റ്സ്മാന്മാര്‍ക്ക് പറഞ്ഞ് ചെയ്യിപ്പിച്ച് പിച്ച് പോലുണ്ടെന്നും ഡീന്‍ ജോണ്‍സ് പറഞ്ഞു.

സിഡ്നി ടെസ്റ്റില്‍ ബാറ്റിംഗ് തിരഞ്ഞെടുത്ത് ഇന്ത്യ. ടോസ് നേടിയ ഇന്ത്യന്‍ നായകന്‍ വിരാട് കോഹ്‍ലി ബാറ്റിംഗ് തിരഞ്ഞെടുക്കുകയായിരുന്നു. ഇന്ത്യന്‍ ടീമിലേക്ക് രണ്ട് മാറ്റങ്ങളാണുള്ളത്. ഓപ്പണിംഗ് സ്ഥാനത്തേക്ക് കെഎല്‍ രാഹുല്‍ മടങ്ങിയെത്തുമ്പോള്‍ കുല്‍ദീപ് യാദവ് സ്പിന്നറുടെ റോളില്‍ ടീമിലേക്ക് തിരികെ എത്തുന്നു. ഓസ്ട്രേലിയയ്ക്കും രണ്ട് മാറ്റങ്ങളാണുള്ളത്. മാര്‍നസ് ലാബൂഷാനെ, പീറ്റര്‍ ഹാന്‍ഡ്സ്കോമ്പ് എന്നിവര്‍ ടീമില്‍ തിരിച്ചെത്തുന്നു. മിച്ചല്‍ മാര്‍ഷ്, ആരോണ്‍ ഫിഞ്ച് എന്നിവര്‍ക്ക് സ്ഥാനം നഷ്ടമാകുന്നു. ഉസ്മാന്‍ ഖവാജ ഓപ്പണിംഗിലേക്ക് എത്തുമ്പോള്‍ മാര്‍നസ് ലാബൂഷാനെ മൂന്നാം നമ്പറില്‍ ഇറങ്ങും.

ഇന്ത്യ: ലോകേഷ് രാഹുല്‍, മയാംഗ് അഗര്‍വാല്‍, ചേതേശ്വര്‍ പുജാര, വിരാട് കോഹ്‍ലി, അജിങ്ക്യ രഹാനെ, ഹനുമ വിഹാരി, ഋഷഭ് പന്ത്, രവീന്ദ്ര ജഡേജ, മുഹമ്മദ് ഷമി, കുല്‍ദീപ് യാദവ്, ജസ്പ്രീത് ബുംറ

ഓസ്ട്രേലിയ: മാര്‍ക്കസ് ഹാരിസ്, ഉസ്മാന്‍ ഖവാജ, മാര്‍നസ് ലാബൂഷാനെ, ഷോണ്‍ മാര്‍ഷ്, പീറ്റര്‍ ഹാന്‍ഡ്സ്കോമ്പ്, ട്രാവിസ് ഹെഡ്, ടിം പെയിന്‍, പാറ്റ് കമ്മിന്‍സ്, മിച്ചല്‍ സ്റ്റാര്‍ക്ക്, നഥാന്‍ ലയണ്‍, ജോഷ് ഹാസല്‍വു‍ഡ്