സിഡ്നിയില് ഓസ്ട്രേലിയയ്ക്കെതിരെ നാളെ ആരംഭിയ്ക്കുന്ന മൂന്നാം ടെസ്റ്റിനുള്ള ഇന്ത്യന് ടീമിനെ ഉടന് പ്രഖ്യാപിക്കുമെന്ന് അറിയിച്ച് ഇന്ത്യന് നായകന് അജിങ്ക്യ രഹാനെ. രോഹിത് ശര്മ്മ ഇന്ത്യയ്ക്കായി ഓപ്പണ് ചെയ്യുമെന്ന് അജിങ്ക്യ രഹാനെ പറഞ്ഞു.
രോഹിത് ഇന്ത്യയ്ക്കായി പലതവണ ഓപ്പണ് ചെയ്തിട്ടുണ്ടെന്നും അതിനാല് തന്നെ അദ്ദേഹത്തെ ഇന്ത്യ സിഡ്നിയില് ഓപ്പണറായി പരിഗണിക്കുമെന്നും അജിങ്ക്യ രഹാനെ വെളിപ്പെടുത്തി.
രണ്ട് മാറ്റമാവും ഇന്ത്യന് ടീമിലുണ്ടാകുക എന്നാണ് പ്രതീക്ഷിക്കുന്നത്. മയാംഗ് അഗര്വാളിന് പകരം രോഹിത് ശര്മ്മയും ഉമേഷ് യാദവിന് പകരം ടി നടരാജനും ടീമിലേക്ക് എത്തുമെന്നാണ് സൂചന.