Tag: Rahul Dravid

1999ല്‍ ഇംഗ്ലണ്ട് ആതിഥേയത്വം വഹിച്ച ലോകകപ്പില്‍ നിന്ന് ഏറെ വ്യത്യാസമുള്ള ലോകകപ്പായിരിക്കും 2019ലേതെന്ന് പറഞ്ഞ് രാഹുല്‍ ദ്രാവിഡ്. 1999ല്‍ മത്സരങ്ങളില്‍ റണ്ണധികം വ്നിരുന്നില്ല, അതേ സമയം ഇത്തവണ ഉയര്‍ന്ന് സ്കോറുകള്‍ പിറക്കുന്ന മത്സരങ്ങളാവും ഉണ്ടാകുക എന്നും ദ്രാവിഡ് വ്യക്തമാക്കി. ഇംഗ്ലണ്ടിലെ സാഹചര്യങ്ങള്‍ ഏറെ മാറി, പ്രത്യേകിച്ച് ഏകദിനങ്ങളില്‍.

ഇന്ത്യ എ ടീമിനൊപ്പം ഇംഗ്ലണ്ട് സന്ദര്‍ശിച്ചപ്പോള്‍ എല്ലാം ഉയര്‍ന്ന സ്കോര്‍ പിറന്ന മത്സരങ്ങളായിരുന്നു. ഇംഗ്ലണ്ടിലെ ഏകദിനങ്ങള്‍ മാറിയിട്ടുണ്ട്, പഴയ സ്വിംഗും സീമും പ്രതീക്ഷിച്ച് ഇംഗ്ലണ്ടിലേക്ക് പോകുന്നതില്‍ കാര്യമില്ല, ഇംഗ്ലണ്ടിലെ പിച്ചുകള്‍ ഫ്ലാറ്റായി മാറി, അവിടെ റണ്‍മഴ ഒഴുകുക തന്നെ ചെയ്യുമെന്ന് രാഹുല്‍ ദ്രാവിഡ് പറഞ്ഞു.

ഇന്ത്യ 2019 ഏകദിന ലോകകപ്പിനു തിരഞ്ഞെടുത്ത ടീം ഏറ്റവും സന്തുലിതമെന്ന് പറഞ്ഞ് നിലവിലെ ഇന്ത്യ എ, അണ്ടര്‍ 19 ടീം കോച്ചായ രാഹുല്‍ ദ്രാവിഡ്. ഇംഗ്ലണ്ടിലെ സാഹചര്യങ്ങള്‍ കഴിഞ്ഞ കാലങ്ങളിലായി ഏറെ മാറിയെന്നും ലോകകപ്പില്‍ വിരാട് കോഹ്‍ലിയുടെ നേതൃത്വത്തിലുള്ള ഇന്ത്യ വിജയം കുറിയ്ക്കുമെന്നും രാഹുല്‍ ദ്രാവിഡ് വ്യക്തമാക്കി.

സെലക്ടര്‍മാര്‍ക്ക് ടീം തിരഞ്ഞെടുപ്പ് എന്നും തലവേദന സൃഷ്ടിക്കുന്ന കാര്യമാണ്, ഇത്തവണത്തെ ടീം ഏറ്റവും സന്തുലിതമായ ടീമാണെന്നാണ് രാഹുല്‍ ദ്രാവിഡ് അഭിപ്രായപ്പെട്ടത്. വിവിധ തരം ഉപാധികളും കോമ്പിനേഷനുകളും പ്രയോഗിക്കാന്‍ പറ്റിയ താരങ്ങളെയാണ് ഇത്തവണ സെലക്ടര്‍മാര്‍ തിരഞ്ഞെടുത്തിരിക്കുന്നതെന്നും രാഹുല്‍ ദ്രാവിഡ് വ്യക്തമാക്കി.

ഇന്ത്യന്‍ താരം കെഎല്‍ രാഹുലിന്റെ ഫോമിനെക്കുറിച്ച് ആശങ്കയില്ലെന്നും താരം ഏറെ കഴിവുള്ളയാളാണെന്ന് വ്യക്തമാക്കി ഇന്ത്യ എ കോച്ച് രാഹുല്‍ ദ്രാവിഡ്. ഇന്ത്യ എ ഇംഗ്ലണ്ട് ലയണ്‍സിനെ 4-1നു ഏകദിന പരമ്പരയില്‍ പരാജയപ്പെടുത്തിയെങ്കിലും രാഹുലിനു മികച്ച ഫോം കണ്ടെത്താനായിരുന്നില്ല. മൂന്ന് മത്സരങ്ങളില്‍ കളിച്ച ലോകേഷ് രാഹുലിന്റെ ഉയര്‍ന്ന സ്കോര്‍ 42 റണ്‍സായിരുന്നു. മറ്റു മത്സരങ്ങളില്‍ 13, 0 എന്നിങ്ങനെയായിരുന്നു താരത്തിന്റെ സംഭാവന.

താരത്തിന്റെ ഫോമില്‍ തനിക്ക് യാതൊരു വിശ്വാസക്കുറവുമില്ലെന്ന് പറഞ്ഞ ദ്രാവിഡ് കെഎല്‍ രാഹുല്‍ അന്താരാഷ്ട്ര തലത്തില്‍ മൂന്ന് ഫോര്‍മാറ്റുകളിലും കഴിവ് തെളിയിച്ച താരമാണ്. ഈ മൂന്ന് ഫോര്‍മാറ്റിലും ശതകം നേടിയിട്ടുള്ള താരവുമാണ് ലോകേഷ് എന്ന് ദ്രാവിഡ് പറഞ്ഞു. അതിനാല്‍ തന്നെ ഫോമില്‍ ആശങ്കയില്ലെന്ന് രാഹുല്‍ ദ്രാവിഡ് പറഞ്ഞു.

രാജ്യത്തെ പ്രതിനിധാനം ചെയ്യുമ്പോള്‍ അംഗീകാരത്തോടൊപ്പം തന്നെ വരേണ്ടതാണ് ഉത്തരവാദിത്വബോധമെന്ന് രാഹുല്‍ ദ്രാവിഡ്. ദേശീയ ടീമില്‍ കളിക്കുമ്പോള്‍ ആളുകള്‍ നിങ്ങളെ തിരിച്ചറിയും, അത് ഒരു തരത്തില്‍ സൗഭാഗ്യവും ദൗര്‍ഭാഗ്യവുമാണ്. നിങ്ങള്‍ക്ക് നിങ്ങളുടെ സ്വകാര്യത കൂടി നഷ്ടപ്പെടുകയാണ്. കളിക്കളത്തില്‍ നിന്ന് വിട്ട് നില്‍ക്കുമ്പോള്‍ തങ്ങളുടെ സ്വകാര്യത ആസ്വദിക്കേണ്ടതുണ്ട്. താനും തന്റെ കാലത്ത് ഇത്തരം ഇടവേളകള്‍ ആസ്വദിച്ചിട്ടുണ്ടെന്ന് പറഞ്ഞ ദ്രാവിഡ് താരങ്ങള്‍ സ്വയം ചോദിച്ചാല്‍ തന്നെ ഇത്തരം പ്രതിസന്ധി ഘട്ടത്തിനുള്ള ഉത്തരം കിട്ടുമെന്നും പറഞ്ഞു.

താന്‍ ചെയ്യുന്ന കാര്യം തന്നെ പ്രൊഫഷണലായി സഹായിക്കുന്നുണ്ടോ എന്ന് ചോദിക്കുക കൂടുതല്‍ ഉത്തരവാദിത്വബോധത്തോടെ കാര്യങ്ങളെ സമീപിക്കുക എന്നത് മാത്രമാണ് ചെയ്യാനുള്ളതെന്നും രാഹുല്‍ ദ്രാവിഡ് പറഞ്ഞു. ഹാര്‍ദ്ദിക് പാണ്ഡ്യയും കെഎല്‍ രാഹുലും ടെലിവിഷന്‍ പരമ്പരയില്‍ പങ്കെടുത്തത് വിവാദമായതിനെ അടിസ്ഥാനമാക്കിയുള്ള ചര്‍ച്ചയിലാണ് ദ്രാവിഡ് തന്റെ മനസ്സ് തുറന്നത്.

ഇന്ത്യയുടെ വന്‍ മതിലെന്നാല്‍ മനസ്സിലേക്ക് ആദ്യമെത്തുക രാഹുല്‍ ദ്രാവിഡിന്റെ പേരാണ്. അത് കഴിഞ്ഞാല്‍ ടെസ്റ്റില്‍ ഇന്ത്യയ്ക്കായി മൂന്നാം നമ്പറില്‍ ഇറങ്ങുന്ന ചേതേശ്വര്‍ പുജാരയാണ് വന്‍ മതിലെന്ന് പേരിന് അര്‍ഹന്‍. രാഹുലിനെ പോലെ ഇന്ത്യയുടെ മൂന്നാം നമ്പറില്‍ നങ്കൂരമിട്ട് പലയാവര്‍ത്തി ഇന്ത്യയെ കരകയറ്റിയിട്ടുള്ള താരം ഇന്ന് വീണ്ടും അഡിലെയ്ഡില്‍ രക്ഷകന്റെ റോള്‍ അണിഞ്ഞു. മധ്യ നിരയുടെയും വാലറ്റത്തിന്റെയും ഒപ്പം നിന്ന് ഇന്ത്യയെ 250 റണ്‍സിലേക്ക് എത്തിച്ച് ഇന്ന് വീണ അവസാന വിക്കറ്റായി റണ്‍ഔട്ട് രൂപത്തില്‍ പുറത്താകുമ്പോള്‍ ഇന്ത്യയുടെ പുതിയ വന്‍ മതില്‍.

യാദൃശ്ചികമെന്ന് പറയട്ടെ ഈ രണ്ട് താരങ്ങളുടെ ചില സവിശേഷ നേട്ടങ്ങള്‍ക്കായി എടുത്ത ഇന്നിംഗ്സുകളുടെ എണ്ണത്തിലും ഇരുവരും ഒപ്പം നില്‍ക്കുന്നു. 3000, 4000, 5000 ടെസ്റ്റ് റണ്‍സുകള്‍ പൂര്‍ത്തിയാക്കുവാന്‍ ഇരു താരങ്ങളും എടുത്ത ഇന്നിംഗ്സുകളുടെ എണ്ണത്തില്‍ തുല്യതയുണ്ടെന്നതാണ് അതിശയിപ്പിക്കുന്ന കാര്യം. യഥാക്രമം 67, 84, 108 ഇന്നിംഗ്സുകളാണ് ഇവര്‍ ഈ റണ്‍സ് പൂര്‍ത്തിയാക്കുവാന്‍ നേരിട്ടത്.