രാഹുല് ദ്രാവിഡിന്റെ ചരിത്ര നേട്ടത്തിനൊപ്പമെത്തി ഇന്ത്യയുടെ ലോകേഷ് രാഹുല്. ഒരു ടെസ്റ്റ് പരമ്പരയ്ക്കിടെ ഏറ്റവുമധികം ക്യാച്ച് നേടുന്നു ഇന്ത്യന് താരമെന്ന ദ്രാവിഡിന്റെ റെക്കോര്ഡിനൊപ്പമാണ് ലോകേഷ് രാഹുല് എത്തിയത്. സ്റ്റുവര്ട് ബ്രോഡിനെ ആദ്യ ഇന്നിംഗ്സില് പവലിയനിലേക്ക് മടക്കിയയ്ക്കുവാന് വേണ്ടിയെടുത്ത ക്യാച്ചിലൂടെയാണ് ഈ നേട്ടം രാഹുല് സ്വന്തമാക്കിയത്. ഇംഗ്ലണ്ടില് വെച്ച് ഏറ്റവുമധികം ക്യാച്ച് നേടുകയെന്ന റെക്കോര്ഡ് രാഹുല് സ്വന്തമാക്കി. നേരത്തെ ദക്ഷിണാഫ്രിക്കന് താരം ജോണ് ഇകിന് 1951ല് നേടിയ 12 ക്യാച്ചുകളായിരുന്നു റെക്കോര്ഡ്.
2004-05 സീസണില് ബോര്ഡര്-ഗവാസ്കര് ട്രോഫിയ്ക്കിടെയാണ് രാഹുല് ദ്രാവിഡ് 13 ക്യാച്ചിന്റെ റെക്കോര്ഡ് നേടിയത്. 1920-21 കാലഘട്ടത്തില് ആഷസ് പരമ്പരയ്ക്കിടെ ഓസ്ട്രേലിയ ക്രിക്കറ്റ് താരം ജാക്ക് ഗ്രിഗറി നേടിയ 15 ക്യാച്ചുകളാണ് 5 മത്സരങ്ങളടങ്ങിയ പരമ്പരയിലെ ഏറ്റവും അധികം ക്യാച്ചുകളെന്ന റെക്കോര്ഡ്.
