ജോസ് ബട്ലറെ വിവാദ രീതിയില് പുറത്താക്കിയ അശ്വിനെതിരെ ക്രിക്കറ്റ് ലോകത്ത് ഉയര്ന്ന് വരുന്ന പ്രതികരണങ്ങള് പരിധി കടന്നതെന്ന് രാഹുല് ദ്രാവിഡ്. അശ്വിന്റെ സ്വാഭാവത്തെയും താരത്തെ വ്യക്തിഹത്യ ചെയ്യുന്ന പ്രതികരണങ്ങള് അതിര് കടന്നതാണെന്ന് ദ്രാവിഡ് വ്യക്തമാക്കി. താരം മാന്യനാണോ മാന്യനല്ലേയെന്നുള്ള വിഷയമൊന്നും ഈ സംഭവത്തില് ഇല്ല. നിയമപ്രകാരമുള്ള കാര്യമാണ് അശ്വിന് നടത്തിയത്.
അതിനോട് അനുകൂലിക്കാത്തവരുടെ ഭാഗത്ത് നിന്നുള്ള പ്രതികരണങ്ങള് തീര്ച്ചയായും അതിര് കടന്നതാണ്. ഇത് അദ്ദേഹത്തിന്റെ സ്വഭാവത്തിന്റെ വിലയിരുത്തലല്ലയെന്നാണ് താന് വിശ്വസിക്കുന്നതെന്നും പ്രതികരിക്കുന്നവര് കാര്യം മനസ്സിലാക്കാതെ പ്രതികരിക്കുകയാണെന്നും ദ്രാവിഡ് വ്യക്തമാക്കി.