Category: Vijay Hazare

വിജയ് ഹസാരെ ട്രോഫിയിൽ കേരളത്തെ തോല്പിച്ച് പ്രീക്വാര്‍ട്ടറിൽ കടന്ന് ജമ്മു കാശ്മീര്‍. ഇന്ന് ആദ്യം ബാറ്റ് ചെയ്ത കേരളം 174 റൺസിന് ഓള്‍ഔട്ട് ആയപ്പോള്‍ ജമ്മു കാശ്മീര്‍ 3 വിക്കറ്റ് നഷ്ടത്തിൽ 37.5 ഓവറിൽ വിജയം കുറിച്ചു.

113 റൺസാണ് ഓപ്പണിംഗ് വിക്കറ്റിൽ ശുഭം ഖജൂറിയയും – ഖമ്രാന്‍ ഇക്ബാലും ചേര്‍ന്ന് നേടിയത്. 76 റൺസ് നേടിയ ശുഭം റണ്ണൗട്ടായതാണ് കൂട്ടുകെട്ട് തകരുവാന്‍ കാരണം. സിജോമോന്‍ ജോസഫ് രണ്ട് വിക്കറ്റുകള്‍ കൂടി നേടിയെങ്കിലും 51 റൺസ് നേടിയ ഇക്ബാൽ ജമ്മുവിനെ മുന്നോട്ട് നയിക്കുകയായിരുന്നു.

51 റൺസ് നേടിയ താരം റിട്ടേര്‍ഡ് ഹര്‍ട്ട് ആയി മടങ്ങുമ്പോള്‍ ജമ്മുവിന് ജയം 24 റൺസ് അകലെയായിരുന്നു.

വിജയ് ഹസാരെ ട്രോഫിയിൽ കേരളത്തിന് ബാറ്റിംഗ് തകര്‍ച്ച. ആദ്യം ബാറ്റ് ചെയ്ത കേരളം 174 റൺസാണ് നേടിയത്. ടീം 47.4 ഓവറിൽ ഓള്‍ഔട്ട് ആകുകയായിരുന്നു. ഇന്ന് പ്രീലിമിനറി ക്വാര്‍ട്ടര്‍ ഫൈനൽ മത്സരത്തിൽ ടോസ് നേടിയ ജമ്മു കാശ്മീര്‍ ബൗളിംഗ് തിരഞ്ഞെടുക്കുകയായിരുന്നു. രോഹന്‍ ‍കുന്നുമ്മൽ ഇന്ത്യ എ ടീമില്‍ സെലക്ഷന്‍ ലഭിച്ചതിനാൽ ഇന്നത്തെ മത്സരത്തിൽ കേരളത്തിനായി കളിച്ചിരുന്നില്ല.

 

പകരം ടീമിലെത്തിയ വിനൂപ് മനോഹരന്‍ പൊരുതി നിന്നുവെങ്കിലും മറുവശത്ത് വിക്കറ്റുകള്‍ വീഴ്ത്തി എതിരാളികള്‍ സമ്മര്‍ദ്ദം സൃഷ്ടിക്കുകയായിരുന്നു. വിനൂപ് മനോഹരന്‍ 62 റൺസും സിജോമോന്‍ ജോസഫ് 32 റൺസ് നേടിയാണ് കേരളത്തിനായി തിളങ്ങിയത്.

അവസാന വിക്കറ്റായി അഖിൽ സ്കറിയ പുറത്താകുമ്പോള്‍ താരം 23 റൺസാണ് നേടിയത്. ജമ്മു കാശ്മീരിനായി അക്വിബ് നബി 4 വിക്കറ്റും യുവധീര്‍ സിംഗ് 2 വിക്കറ്റും നേടി.

വിജയ് ഹസാരെ ട്രോഫി പ്രീലിമിനറി ക്വാര്‍ട്ടര്‍ ഫൈനലില്‍ കേരളം ഇന്ന് ജമ്മു & കാശ്മീരിനെ നേരിടും. എലൈറ്റ് ഗ്രൂപ്പ് സി രണ്ടാം സ്ഥാനക്കാരായാണ് കേരളം നോക്ക്ഔട്ട് ഘട്ടത്തിലേക്ക് എത്തിയത്. മികച്ച ഫോമിൽ കളിക്കുന്ന ടീം ഗ്രൂപ്പ് ഘട്ടത്തിൽ ആന്ധ്ര പ്രദേശിനോട് മാത്രമാണ് പരാജയം ഏറ്റുവാങ്ങിയത്. തമിഴ്നാടിനെതിരെയുള്ള മത്സരം മഴ കാരണം ഉപേക്ഷിച്ചപ്പോള്‍ ആന്ധ്ര അവസാന മത്സരത്തിൽ ചത്തീസ്ഗഢിനോട് പരാജയപ്പെട്ടത് കേരളത്തിന് തുണയായി.

അതേ സമയം ജമ്മു രഞ്ജി ചാമ്പ്യന്മാരായ മധ്യ പ്രദേശ് ബറോഡ എന്നിവരടങ്ങിയ ഗ്രൂപ്പിൽ നിന്നാണ് അടുത്ത റൗണ്ടിലെത്തിയത്. പഞ്ചാബാണ് ആ ഗ്രൂപ്പിലെ ചാമ്പ്യന്മാര്‍. രാവിലെ 9 മണിയ്ക്ക് അഹമ്മദാബാദിലെ ഗുജറാത്ത് കോളേജ് ഗ്രൗണ്ടിലാണ് മത്സരം നടക്കുന്നത്.