Tag: Peter Siddle

കൗണ്ടി സീസൺ പാതി വഴിയിൽ അവസാനിപ്പിച്ച് ഓസ്ട്രേലിയയിലേക്ക് മടങ്ങി പീറ്റര്‍ സിഡിൽ. വ്യക്തിഗതമായ കാരണങ്ങള്‍ ചൂണ്ടിക്കാണിച്ചാണ് താരം നാട്ടിലേക്ക് മടങ്ങിയത്. കൗണ്ടിയിൽ എസ്സെക്സിന് വേണ്ടിയാണ് താരം കളിച്ചിരുന്നത്. തനിക്ക് വീട്ടിലേക്ക് മടങ്ങേണ്ടതുണ്ടെന്നും ഭാവിയിൽ എസ്സെക്സിനായി കളിക്കാന്‍ വീണ്ടുമെത്താനാകുമെന്നാണ് കരുതുന്നതെന്നും പീറ്റര്‍ സിഡിൽ പറ‍ഞ്ഞു.

ഈ സീസണിൽ എസ്സെക്സിന് വേണ്ടി 6 മത്സരത്തിൽ നിന്ന് 20 വിക്കറ്റാണ് താരം നേടിയത്. 2019ൽ എസ്സെക്സ് കൗണ്ടി കിരീടം നേടിയപ്പോൾ ടീമിലംഗമായിരുന്നു സിഡിൽ. എന്നാൽ കഴി‍ഞ്ഞ വര്‍ഷത്തെ ബോബ് വില്ലീസ് ട്രോഫിയിൽ താരത്തിന് പങ്കെടുക്കാനായില്ല. കോവിഡ് മാനദണ്ഡങ്ങള്‍ കാരണം കരാര്‍ റദ്ദാക്കിയതും പിന്നീട് യാത്ര നിയന്ത്രണങ്ങളുമെല്ലാമാണ് അന്ന് താരത്തിനെ പങ്കെടുക്കുന്നതിൽ നിന്ന് തടഞ്ഞത്.

ഈ സീസണിൽ താരം കളിച്ച അവസാന മത്സരത്തിൽ നോട്ടിംഗാംഷയറിനെതിരെ സിഡിൽ നാല് വിക്കറ്റ് നേടിയിരുന്നു.

കൊറോണ മൂലം കൗണ്ടി ക്രിക്കറ്റ് അനിശ്ചിതാവസ്ഥയില്‍ തുടരുന്നതിനാല്‍ ഓസ്ട്രേലിയന്‍ മുന്‍ പേസര്‍ പീറ്റര്‍ സിഡിലിന്റെ കൗണ്ടി കരാര്‍ ഈ വര്‍ഷം റദ്ദാക്കി എസ്സെക്സ്. പകരം താരത്തെ 2021 സീസണില്‍ ടീമില്‍ എത്തിക്കുമെന്നത് സൂചിപ്പിച്ച് കരാര്‍ അടുത്ത വര്‍ഷത്തേക്ക് മാറ്റിയിട്ടുണ്ട്. ഇപ്പോളത്തെ പ്രത്യേക സാഹചര്യത്തില്‍ പണച്ചെലവ് കുറയ്ക്കുന്നതിന്റെ ഭാഗമായാണ് ഈ നടപടി.

കൊറോണ മൂലം ഒട്ടനവധി താരങ്ങളുടെ കരാറുകള്‍ കൗണ്ടി റദ്ദാക്കിയിട്ടുണ്ട്. അന്താരാഷ്ട്ര താരങ്ങള്‍ ഉള്‍പ്പെടെ പല താരങ്ങളുടെയും കരാര്‍ റദ്ദാക്കിയത് ആവശ്യമായ സാഹചര്യമായാണ് വിലയിരുത്തപ്പെടുന്നത്. ഇതില്‍ ചില താരങ്ങളുടെ കരാര്‍ ഈ വര്‍ഷത്തെ റദ്ദാക്കിയെങ്കിലും അടുത്ത വര്‍ഷം സാധുതയുള്ളതാണെന്ന് കൗണ്ടികള്‍ വ്യക്തമാക്കിയിട്ടുണ്ട്.

ഈ സീസണ്‍ കൗണ്ടി കളിക്കാനാകാത്തതില്‍ വിഷമം ഉണ്ടെങ്കിലും മറ്റൊരു മാര്‍ഗ്ഗമില്ലെന്ന് തനിക്കറിയാമെന്നും. അവര്‍ തനിക്ക് അടുത്ത വര്‍ഷം തിരിച്ചുവരുവാനുള്ള അവസരം നല്‍കിയതില്‍ ഏറെ സന്തോഷമുണ്ടെന്നും സിഡില്‍ അഭിപ്രായപ്പെട്ടു. എത്രയും പെട്ടെന്ന് സ്ഥിതിഗതികള്‍ പൂര്‍വ്വ സ്ഥിതിയിലേക്ക് ആകുമെന്നും ക്രിക്കറ്റ് ആരംഭിക്കാനാകുമെന്നുമാണ് താന്‍ പ്രതീക്ഷിക്കുന്നതെന്ന് സിഡില്‍ പറഞ്ഞു.

കഴിഞ്ഞ രണ്ട് വര്‍ഷങ്ങളിലായി യഥാക്രമം 37 വിക്കറ്റും 34 വിക്കറ്റുമാണ് എസ്സെക്സിന് വേണ്ടി താരം നേടിയിട്ടുള്ളത്. കൗണ്ടി ചാമ്പ്യന്‍ഷിപ്പിന് പുറമെ റോയല്‍ ലണ്ടന്‍ വണ്‍-ഡേ കപ്പിലും സിഡില്‍ കളിക്കാനിരുന്നതാണ്. സിഡില്‍ കഴിഞ്ഞാഴ്ച ഇംഗ്ലണ്ടില്‍ എത്തേണ്ടതായിരുന്നുവെന്നും എന്നാല്‍ തങ്ങള്‍ അദ്ദേഹത്തെ തീരുമാനം അറിയിച്ചപ്പോള്‍ അദ്ദേഹം കാര്യം മനസ്സിലാക്കിയെന്നും എസ്സെക്സ് ചീഫ് എക്സിക്യൂട്ടീവ് ഡെറെക്ക് ബൗഡന്‍ വ്യക്തമാക്കി.

ജോഷ് ഹാസല്‍വുഡിന്റെ പരിക്കിനെത്തുടര്‍ന്ന് ന്യൂസിലാണ്ടിനെതിരെയുള്ള ബോക്സിംഗ് ഡേ ടെസ്റ്റിനുള്ള സ്ക്വാഡിലേക്ക് പീറ്റര്‍ സിഡിലിനെ ഉള്‍പ്പെടുത്തിയിട്ടുണ്ടെങ്കിലും അവസാന ഇലവനിലേക്കുള്ള സാധ്യതയില്‍ മുന്നില്‍ ജെയിംസ് പാറ്റിന്‍സണ്‍ ആണെന്ന് അഭിപ്രായപ്പെട്ട് ജസ്റ്റിന്‍ ലാംഗര്‍. എന്നാല്‍ സിഡിലിനെ 13 അംഗ സ്ക്വാഡില്‍ ഉള്‍പ്പെടുത്തിയത് ശരിയായ തീരുമാനമാണെന്നും ലാംഗര്‍ പറഞ്ഞു.

200ലധികം ടെസ്റ്റ് വിക്കറ്റുകള്‍ നേടിയിട്ടുള്ള സിഡില്‍ ഓസ്ട്രേലിയയെ ആഷസ് നിലനിര്‍ത്തുവാന്‍ സഹായിച്ചിടടുണ്ട്. അത് കൂടാതെ അനുഭവ സമ്പത്തുള്ള ഒരു താരം 13 അംഗ സംഘത്തില്‍ വരണമെന്നും ടീമിനുണ്ടായിരുന്നുവെന്ന് ലാംഗര്‍ വ്യക്തമാക്കി. ടീമിലെത്തിയെങ്കിലും അവസാന ഇലവനില്‍ പീറ്റര്‍ സിഡിലിന് സാധ്യതയില്ലെന്നാണ് ലാംഗര്‍ പറയുന്നത്. പാറ്റിന്‍സണും മൈക്കല്‍ നീസെറിനുമാണ് സിഡിലിനെക്കാള്‍ കൂടുതല്‍ സാധ്യത അന്തിമ ഇലവനിലേക്ക് എത്തുവാനെന്നും ലാംഗര്‍ വ്യക്തമാക്കി.