Tag: Nathan Lyon

വിരമിക്കൽ അഭ്യൂഹങ്ങളെല്ലാം തള്ളി ഓസ്‌ട്രേലിയൻ ഓഫ് സ്പിന്നർ നാഥൻ ലിയോൺ, തനിക്ക് ഇനിയും ലക്ഷ്യങ്ങൾ പൂർത്തിയാക്കാനുണ്ടെന്ന് ലിയോൺ വ്യക്തമാക്കി. ഇന്ത്യയിൽ ഒരു ബോർഡർ-ഗവാസ്കർ ട്രോഫിയും ഇംഗ്ലണ്ടിൽ ഒരു ആഷസ് പരമ്പരയും നേടുക, കൂടാതെ 2027-ൽ ഒരു ലോക ടെസ്റ്റ് ചാമ്പ്യൻഷിപ്പ് ഫൈനലിൽ കളിക്കുക എന്ന ദീർഘകാല സ്വപ്നങ്ങളാണ് ലയോണിന്റെ മനസ്സിൽ ഉള്ളത്.

“എൻ്റെ വിരമിക്കലിനെക്കുറിച്ച് ഒരു സംസാരവുമില്ല, അങ്ങനെയൊരു ചിന്ത എൻ്റെ മനസ്സിൽ പോലും വന്നിട്ടില്ല,” ഇ.എസ്.പി.എൻ.ക്രിക്ക്ഇൻഫോ ഉദ്ധരിച്ച് ലയോൺ പറഞ്ഞു. ഇതുവരെ 119 ടെസ്റ്റുകൾ കളിച്ച ലയോൺ, 2012-ലെ വെസ്റ്റ് ഇൻഡീസ് പര്യടനത്തിൽ നിന്നുള്ള മിച്ച് സ്റ്റാർക്കിനൊപ്പം ഓസ്‌ട്രേലിയയുടെ ഏറ്റവും പരിചയസമ്പന്നരായ കളിക്കാരിലൊരാളായി തുടരുന്നു.

“ഇന്ത്യയിലും ഇംഗ്ലണ്ടിലും വിജയിക്കണമെന്ന് ഞാൻ എപ്പോഴും പറഞ്ഞിട്ടുണ്ട്. മറ്റൊരു ലോക ടെസ്റ്റ് ചാമ്പ്യൻഷിപ്പ് ഫൈനലിനൊപ്പം അതും എൻ്റെ ഒരു വലിയ ലക്ഷ്യമാണ്,” അദ്ദേഹം കൂട്ടിച്ചേർത്തു.

ഓസ്‌ട്രേലിയൻ സ്പിന്നർ നഥാൻ ലിയോൺ, വരാനിരിക്കുന്ന 2024-25 ബോർഡർ-ഗവാസ്‌കർ ട്രോഫിയിൽ ഓസ്‌ട്രേലിയ ഇന്ത്യയെ 5-0ന് വൈറ്റ്‌വാഷ് ചെയ്യുമെന്ന് പ്രവചിച്ചു. നവംബർ 22-ന് പെർത്തിൽ ആണ് പരമ്പര ആരംഭിക്കുന്നത്‌.

ഇന്ത്യയ്‌ക്കെതിരായ ടെസ്റ്റ് പരമ്പര വിജയത്തിനായുള്ള ഒരു ദശാബ്ദക്കാലത്തെ കാത്തിരിപ്പിന് വിരാമമിടാനുള്ള ഓസ്‌ട്രേലിയയുടെ കഴിവിൽ ലിയോൺ ആത്മവിശ്വാസം പ്രകടിപ്പിച്ചു. “ഞങ്ങൾ ബോർഡർ-ഗവാസ്‌കർ ട്രോഫി നേടിയിട്ട് പത്ത് വർഷമായി. ഓസ്‌ട്രേലിയ 5-0ന് ഈ പരമ്പരയിൽ ജയിക്കും എന്നാണ് എൻ്റെ പ്രവചനം,” 129 ടെസ്റ്റുകളിൽ നിന്ന് 530 വിക്കറ്റ് നേടിയ ലിയോൺ പറഞ്ഞു.

“ഈ പരമ്പര വലുതായിക്കൊണ്ടിരിക്കുകയാണ്, ടെസ്റ്റ് ക്രിക്കറ്റ് മരിക്കുകയാണെന്ന് ആളുകൾ പറയുമ്പോൾ, ഞാൻ അവരോട് വിയോജിക്കുന്നു. ഈ പരമ്പരയുടെ ആവേശം പലരുടെയും മനസ്സിൽ ഇതിനകം തന്നെയുണ്ട്,” ലിയോൺ കൂട്ടിച്ചേർത്തു.

ഇത് ഈ വർഷത്തെ ഏറ്റവും പ്രതീക്ഷയോടെ കാത്തിരിക്കുന്ന ക്രിക്കറ്റ് ഇവൻ്റുകളിൽ ഒന്നാണ് എന്ന് ലിയോൺ പറഞ്ഞു.

ഓസ്ട്രേലിയ ആദ്യ ടെസ്റ്റിൽ ന്യൂസിലൻഡിനെതിരെ 172 റൺസിന്റെ വിജയം നേടി. നാലാം ദിവസം ആദ്യ സെഷനിൽ തന്നെ ന്യൂസിലൻഡിന്റെ രണ്ടാം ഇന്നിംഗ്സ് അവസാനിപ്പിക്കാൻ ഓസ്ട്രേലിയക്ക് ആയി. ഇന്ന് 111-3 എന്ന നിലയിൽ കളി ആരംഭിച്ച ന്യൂസിലൻഡ് രണ്ടാം ഇന്നിംഗ്സിൽ 196ന് ഓളൗട്ട് ആയി. നഥാൻ ലിയോൺ ഓസ്ട്രേലിയക്ക് ആയി 6 വിക്കറ്റുകൾ വീഴ്ത്തി.

59 റൺസ് എടുത്ത രചിൻ രവീന്ദ്രയും 38 റൺസ് എടുത്ത മിച്ചലും പുറത്തായതിനു ശേഷം ഒരു ന്യൂസിലൻഡ് താരത്തിനും ഫോമിലാകാൻ ആയില്ല. ലിയോൺ രണ്ട് ഇന്നിങ്സിൽ നിന്നുമായി പത്തു വിക്കറ്റുകൾ ആണ് നേടിയത്.

ലിയോണെ കൂടാതെ ഹേസല്വുഡ് 2 വിക്കറ്റും ഗ്രീൻ, ട്രാവിസ് ഹെഡ് എന്നിവർ ഒരോ വിക്കറ്റും നേടി.

സമ്മറി;
ഓസ്ട്രേലിയ 383 & 164
ന്യൂസിലൻഡ് 179 & 196

ഓസ്ട്രേലിയ ന്യൂസിലാൻഡ് ആദ്യ ടെസ്റ്റിൽ ന്യൂസിലൻഡിന് ബാറ്റിങ് തകർച്ച. അവർ വെറും 179 റൺസിന് ഓളൗട്ട് ആയി. ഓസ്ട്രേലിയയുടെ ആദ്യ ഇന്നിങ്സ് സ്കോറായ 383 പിന്തുടർന്ന ന്യൂസിലൻഡിന്റെ ബാറ്റർമാരിൽ ഗ്ലെൻ ഫിലിപ്സ് ഒഴികെ വേറെ ആരും തിളങ്ങിയില്ല. അവരുടെ ക്യാപ്റ്റൻ കെയ്ൻ വില്യംസൺ പൂജ്യത്തിൽ നിൽക്കെ റണ്ണൗട്ട് ആയത് ന്യൂസിലൻഡിനെ കാര്യമായി ബാധിച്ചു.

ഒരു ഘട്ടത്തിൽ ന്യൂസിലൻഡ് 29-5 എന്ന നിലയിൽ ആയിരുന്നു. ഗ്ലെൻ ഫിലിപ്സ് 71 പന്തിൽ 70 റൺസ് എടുത്തു. അവസാനം മാറ്റ് ഹെൻറി 34 പന്തിൽ 42 റൺസും അടിച്ചു. ഓസ്ട്രേലിയക്ക് ആയി നഥാൻ ലിയോൺ നാലു വിക്കറ്റ് വീഴ്ത്തി. ഹേസല്വുഡ് 2 വിക്കറ്റും കമ്മിൻസ്, സ്റ്റാർക്, മിച്ചൽ മാർഷ് എന്നിവർ ഒരോ വിക്കറ്റ് വീതവും വീഴ്ത്തി.

ഇപ്പോൾ രണ്ടാം ഇന്നിംഗ്സിൽ ബാറ്റിംഗ് ആരംഭിച്ച ഓസ്ട്രേലിയ 2 വിക്കറ്റ് നഷ്ടത്തിൽ 13 എന്ന നിലയിലാണ്. റൺ ഒന്നും എടുക്കാത്ത സ്മിത്തിന്റെയും 2 റൺ എടുത്ത ലബുഷാനെയുടെയും വിക്കറ്റ് ആണ് ഓസ്ട്രേലിയക്ക് നഷ്ടമായത്. സൗത്തി ആണ് 2 വിക്കറ്റും നേടിയത്. ഓസ്ട്രേലിയക്ക് ഇപ്പോൾ 217 റൺസിന്റെ ലീഡ് ഉണ്ട്.

നേരത്തെ ജോഷ് ഹാസൽവുഡുമായുള്ള അവസാന വിക്കറ്റ് ചെറുത്തുനില്പിന്റെ ബലത്തിൽ ഓസ്ട്രേലിയയെ 383 റൺസിലെത്തിക്കാൻ കാമറൺ ഗ്രീനിന് ആയിരുന്നു. ഓസ്ട്രേലിയ ഓള്‍ഔട്ട് ആകുമ്പോള്ഴും ഗ്രീന്‍ 174 റൺസുമായി പുറത്താകാതെ നിൽക്കുന്നുണ്ടായിരുന്നു.പത്താം വിക്കറ്റിൽ ഈ കൂട്ടുകെട്ട് നേടിയത് 116 റൺസാണ്.