Tag: Yusuf Pathan

യൂസഫ് പത്താന്‍ ബറോഡ ക്രിക്കറ്റ് അസോസ്സിയേഷന്റെ മെന്റര്‍ ആയി എത്തുന്നു. യാതൊരു പ്രതിഫലവും പറ്റാതെയാണ് താരം ഈ ദൗത്യം ഏറ്റെടുക്കുന്നതെന്നാണ് ബറോഡ ക്രിക്കറ്റ് അസോസ്സിയേഷന്‍ സിഇഒ അറിയിച്ചത്. ബറോഡയുടെ ജൂനിയര്‍ സീനിയര്‍ താരങ്ങളുമായി യൂസഫ് പത്താന്‍ സഹകരിച്ച് പ്രവര്‍ത്തിക്കും.

സഹോദരന്‍ ഇര്‍ഫാന്‍ പത്താനോടൊപ്പം ക്രിക്കറ്റ് അക്കാഡമി ഓഫ് പത്താന്‍സ് ആരംഭിച്ചിരുന്നു യൂസഫ് പത്താന്‍. രാജ്യത്തെ വിവിധ ഭാഗങ്ങളിൽ ഇവര്‍ ഇപ്പോള്‍ പ്രവര്‍ത്തിക്കുന്നുണ്ട്. ഇന്ത്യയ്ക്കായി 57 ഏകദിനങ്ങളിലും 22 ടി20 അന്താരാഷ്ട്ര മത്സരങ്ങളിലും യൂസഫ് പത്താന്‍ കളിച്ചിട്ടുണ്ട്.

ഇന്ത്യ ലെജന്‍ഡ്സിന് വേണ്ടി കളിച്ച യൂസഫ് പത്താനും കോവിഡ്. നേരത്തെ സച്ചിന്‍ ടെണ്ടുല്‍ക്കര്‍ക്കും കൊറോണ ബാധിച്ചുവെന്ന് താരം തന്നെ തന്റെ ആരാധകരുമായി വാര്‍ത്ത പങ്കുവെച്ചിരുന്നു. സച്ചിന്‍ നയിച്ച ടീമിലെ അംഗമായിരുന്നു യൂസഫ് പത്താനും. റോഡ് സേഫ്ടി ലോക സീരീസില്‍ ഇന്ത്യ ലെജന്‍ഡ്സ് ആണ് കിരീടം നേടിയത്.

യൂസഫ് പത്താന്‍ ട്വിറ്ററിലൂടെയാണ് താന്‍ കോവിഡ് പോസിറ്റീവ് ആയി പരിശോധനയില്‍ തെളിയിക്കപ്പെട്ടുവെന്നത് താരം പങ്കുവെച്ചത്. തനിക്ക് ചെറിയ ലക്ഷണങ്ങളുണ്ടെന്നും താന്‍ ഇപ്പോള്‍ ആവശ്യമായ മരുന്നുകളുമായി ക്വാറന്റീനിലേക്ക് മാറിയെന്നും അദ്ദേഹം വ്യക്തമാക്കി. താനുമായി സമ്പര്‍ക്കം പുലര്‍ത്തിയവരെല്ലാം എത്രയും പെട്ടെന്ന് ടെസ്റ്റ് നടത്തേണമെന്നും യൂസഫ് പത്താന്‍ അഭ്യര്‍ത്ഥിച്ചു.

കൊറോണ വൈറസ് ബാധയെ തുടർന്ന് കഷ്ടത അനുഭവിക്കുന്ന പാവപെട്ട കുടുംബങ്ങൾക്ക് സഹായവുമായി മുൻ ഇന്ത്യൻ താരങ്ങളായ ഇർഫാൻ പഠാനും യൂസഫ് പഠാനും രംഗത്ത്. 10,000 കിലോഗ്രാം അരിയും 700കിലോഗ്രാം ഉരുള കിഴങ്ങുമാണ് പഠാൻ സഹോദരങ്ങൾ സംഭാവനായി നൽകിയത്. എല്ലാവരോടും വീട്ടിൽ തന്നെ തുടരാനും നമുക്ക് ചുറ്റുമുള്ളവരുടെ കാര്യങ്ങൾ ശ്രദ്ധിക്കാനും പഠാൻ സഹോദരങ്ങൾ പറഞ്ഞു .

ബറോഡയിൽ പാവപെട്ടവർക്കാണ് പഠാൻ സഹോദരങ്ങൾ സംഭാവന നൽകിയത്. നേരത്തെ കൊറോണ വൈറസ് ബാധ പടർന്ന സമയത്ത് പാവപ്പെട്ടവർക്ക് മാസ്കും പഠാൻ സഹോദരങ്ങൾ നൽകിയിരുന്നു. നേരത്തെ ഇന്ത്യൻ താരങ്ങളായ വിരാട് കോഹ്‌ലി, മഹേന്ദ്ര സിംഗ് ധോണി, സുരേഷ് റെയ്ന, മുൻ താരങ്ങളായ സച്ചിൻ ടെണ്ടുൽക്കർ, യുവരാജ് സിംഗ്, സൗരവ് ഗാംഗുലി തുടങ്ങിയവരെല്ലാം കൊറോണ വൈറസ് ബാധയെ തുടർന്ന് കഷ്ടപ്പെടുന്നവർക്ക് സഹായവുമായി രംഗത്തെത്തിയിരുന്നു.