Tag: Legends League Cricket

ലെജൻഡ്സ് ലീഗ് ക്രിക്കറ്റ് മൂന്നാം സീസണിലെ കിരീടം ഏഷ്യൻ ലയൺസിന്. ഇന്ന് നടന്ന ഫൈനലിൽ വേൾഡ് ജയന്റ്സിനെ പരാജയപ്പെടുത്തി ആണ് ഷഹിദ് അഫ്രീദി നയിക്കുന്ന ഏഷ്യൻ ലയൺസ് കിരീടം നേടിയത്. ഇന്ന് ആദ്യം ബാറ്റു ചെയ്ത വേൾഡ് ജയന്റ്സ് 20 ഓവറിൽ 4 വിക്കറ്റ് നഷ്ടത്തിൽ 147 റൺസ് ആണ് എടുത്തത്. 54 പന്തിൽ 78 റൺസ് എടുത്ത ദക്ഷിണാഫ്രിക്കൻ ഇതിഹാസം കാലിസ് ആണ് അവരുടെ ടോപ് സ്കോറർ ആയത്. അബ്ദുൽ റസാക് ഏഷ്യൻ ലയൺസിനായി രണ്ട് വിക്കറ്റ് വീഴ്ത്തി.

മറുപടി ബാറ്റിംഗിന് ഇറങ്ങിയ ഏഷ്യൻ ലയൺസ് അനായാസം 16 ഓവറിലേക്ക് ലക്ഷ്യം പിന്തുടർന്നു. 7 വിക്കറ്റ് വിജയമാണ് അവർ സ്വന്തമാക്കിയത്. 28 പന്തിൽ നിന്ന് 57 റൺസ് എടുത്ത ഉപുൽ തരംഗയും 42 പന്തിൽ നിന്ന് 58 എടുത്ത ദിൽഷനും ആക്രമിച്ചു കളിച്ച് സമ്മർദ്ദമില്ലാതെ വിജയം നേടുക ആയിരുന്നു.

ലെജൻഡ്‌സ് ലീഗ് ക്രിക്കറ്റ് 2023 എലിമിനേറ്റർ മത്സരത്തിൽ ദോഹയിലെ വെസ്റ്റ് എൻഡ് പാർക്ക് ഇന്റർനാഷണൽ ക്രിക്കറ്റ് സ്റ്റേഡിയത്തിൽ ഇന്ത്യ മഹാരാജാസിന് വലിയ പരാജയം. ഏഷ്യ ലയൺസ് ഇന്ന് ഇന്ത്യക്ക് എതിരെ 85 റൺസിന്റെ വിജയം സ്വന്തമാക്കി. അവർ ഫൈനലിലേക്ക് മുന്നേറി. ഫൈനൽ വേൾഡ് ജയന്റ്സിനെ ആകും അവർ നേരിടുക.192 എന്ന വിജയലക്ഷ്യം പിന്തുടർന്ന ഇന്ത്യ 106 റൺസിന് ഓൾ ഔട്ട് ആയി. 32 റൺസ് എടുത്ത ഗംഭീർ മാത്രമണ് ഇന്ത്യൻ നിരയിൽ കുറച്ചെങ്കിലും തിളങ്ങിയത്.

ഉത്തപ്പ, യൂസുഫ് പത്താൻ, ഇർഫാൻ എന്നിവർ എല്ലാം നിരാശപ്പെടുത്തി. ഏഷ്യൻ ലയൺസിനായി സുഹൈൽ തന്വീർ, റസാഖ്, ഹഫീസ് എന്നിവർ രണ്ട് വിക്കറ്റ് വീതം വീഴ്ത്തി.

ഇന്ന് ടോസ് നേടി ആദ്യം ബാറ്റ് ചെയ്യാൻ തീരുമാനിച്ച ഏഷ്യ ലയൺസ് നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 191 റൺസെടുത്തു. 31 പന്തിൽ 7 ബൗണ്ടറിയും ഒരു സിക്സും ഉൾപ്പെടെ 50 റൺസെടുത്ത ഉപുൽ തരംഗയാണ് ഏഷ്യ ലയൺസിന്റെ ടോപ് സ്കോറർ. മുഹമ്മദ് ഹഫീസും അസ്ഗർ അഫ്ഗാനും യഥാക്രമം 38, 33 റൺസ് സംഭാവന ചെയ്തു തിളങ്ങി.

3 ഓവറിൽ 37 റൺസ് വഴങ്ങി 2 വിക്കറ്റ് വീഴ്ത്തിയ സ്റ്റുവർട്ട് ബിന്നിയാണ് കുറച്ചെങ്കിലും ഇന്ത്യക്കായി ബൗൾ കൊണ്ട് തിളങ്ങിയത്. പ്രഗ്യാൻ ഓജ, പ്രവീൺ താംബെ എന്നിവരും വിക്കറ്റ് എടുത്തു.

ലെജൻഡ്‌സ് ലീഗ് ക്രിക്കറ്റ് 2023 എലിമിനേറ്റർ മത്സരത്തിൽ, ദോഹയിലെ വെസ്റ്റ് എൻഡ് പാർക്ക് ഇന്റർനാഷണൽ ക്രിക്കറ്റ് സ്റ്റേഡിയത്തിൽ ഇന്ത്യ മഹാരാജാസിനെതിരെ ഏഷ്യ ലയൺസിന് നല്ല സ്കോർ. ടോസ് നേടി ആദ്യം ബാറ്റ് ചെയ്യാൻ തീരുമാനിച്ച ഏഷ്യ ലയൺസ് നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 190 റൺസെടുത്തു. 31 പന്തിൽ 7 ബൗണ്ടറിയും ഒരു സിക്സും ഉൾപ്പെടെ 50 റൺസെടുത്ത ഉപുൽ തരംഗയാണ് ഏഷ്യ ലയൺസിന്റെ ടോപ് സ്കോറർ. മുഹമ്മദ് ഹഫീസും അസ്ഗർ അഫ്ഗാനും യഥാക്രമം 38, 33 റൺസ് സംഭാവന ചെയ്തു തിളങ്ങി.

3 ഓവറിൽ 37 റൺസ് വഴങ്ങി 2 വിക്കറ്റ് വീഴ്ത്തിയ സ്റ്റുവർട്ട് ബിന്നിയാണ് കുറച്ചെങ്കിലും ഇന്ത്യക്കായി ബൗൾ കൊണ്ട് തിളങ്ങിയത്. പ്രഗ്യാൻ ഓജ, പ്രവീൺ താംബെ എന്നിവരുൻ വിക്കറ്റ് എടുത്തു.

ലെജൻഡ്സ് ലീഗ് ക്രിക്കറ്റിൽ വേൾഡ് ജയന്റ്‌സും ഏഷ്യ ലയൺസും തമ്മിലുള്ള ആവേശകരമായ ഏറ്റുമുട്ടലിൽ 20 റൺസിന് വേൾഡ് ജയന്റ്സ് വിജയിച്ചു. ആദ്യം ബാറ്റ് ചെയ്ത വേൾഡ് ജയന്റ്സ് നിശ്ചിത 20 ഓവറിൽ 150-3 എന്ന സ്‌കോറാണ് ഉയർത്തിയത്, ഹാഷിം അംലയുടെയും ജാക്ക് കാലിസിന്റെയും മിന്നുന്ന പ്രകടനം ആണ് അവർക്ക് ബലമായത്. അംല 59 പന്തിൽ 68 റൺസ് നേടിയപ്പോൾ കാലിസ് 43 പന്തിൽ 56 റൺസ് നേടി.

മറുപടി ബാറ്റിംഗിന് ഇറങ്ങിയ ഏഷ്യാ ലയൺസിന് മാന്യമായ തുടക്കം ലഭിച്ചുവെങ്കിലും കൃത്യമായ ഇടവേളകളിൽ വിക്കറ്റുകൾ നഷ്ടപ്പെട്ടു, തിലകരത്‌നെ ദിൽഷൻ 28 പന്തിൽ 37 റൺസെടുത്തപ്പോൾ ഷാഹിദ് അഫ്രീദി 18 പന്തിൽ 26 റൺസ് നേടി. എന്നിരുന്നാലും ഇവരുടെ ശ്രമം മതിയായില്ല കളി ജയിക്കാൻ. മൂന്ന് വിക്കറ്റ് വീതം വീഴ്ത്തി, ക്രിസ് എംഫോഫുവും ടിനോ ​​ബെസ്റ്റും വേൾഡ് ജയന്റ്സിനായി മികച്ച ബൗളിംഗ് പുറത്തെടുത്തു.

ലെജൻഡ്‌സ് ലീഗ് ക്രിക്കറ്റിലെ അഞ്ചാം മത്സരത്തിൽ വേൾഡ് ജയന്റ്‌സിനെതിരെ ഇന്ത്യൻ മഹാരാജാസിന് പരാജയം. 20 ഓവറിൽ 9 വിക്കറ്റ് നഷ്ടത്തിൽ 136 റൺസ് മാത്രമായിരുന്നു ഇന്ത്യ മഹാരാജാസ് ഇന്ന് നേടിയത്. അവസാന മൂന്ന് മത്സരങ്ങളിലും അർധ സെഞ്ച്വറി നേടിയ ഗംഭീർ ഇല്ലാതെ ആയിരുന്നു ഇന്ത്യ ഇന്ന് കളിച്ചത്‌. 137 എന്ന വിജയ ലക്ഷ്യം പിന്തുടർന്ന വേൾഡ് ജയന്റ്സ് 7 വിക്കറ്റ് നഷ്ടത്തിൽ വിജയം നേടി. ഗെയ്ല് 46 പന്തിൽ നിന്ന് 57 റൺസുമായി അവരുടെ ടോപ് സ്കോറർ ആയി. 26 റൺസുമായി വാട്സണും തിളങ്ങി ‌

ഇന്ന് ഇന്ത്യക്ക് ആയി മൻവിന്ദർ ബിസ്‌ലയും സുരേഷ് റെയ്‌നയും മാത്രമാണ് യഥാക്രമം 36, 49 റൺസ് നേടി കുറച്ചെങ്കിലും തിളങ്ങിയത്‌. അവർക്കും വേഗത്തിൽ സ്കോർ ചെയ്യാൻ ആയില്ല. തന്റെ മൂന്ന് ഓവറിൽ 18 റൺസ് മാത്രം വഴങ്ങി മൂന്ന് നിർണായക വിക്കറ്റ് വീഴ്ത്തിയ ബ്രെറ്റ് ലീയാണ് വേൾഡ് ജയന്റ്സിന്റെ ബൗളർമാരുടെ നിരയിൽ ഏറ്റവും തിളങ്ങിയത്.

ലെജൻഡ്‌സ് ലീഗ് ക്രിക്കറ്റിലെ അഞ്ചാം മത്സരത്തിൽ വേൾഡ് ജയന്റ്‌സിനെതിരെ ഇന്ത്യൻ മഹാരാജാസിന് ബാറ്റിങ് തകർച്ച. 20 ഓവറിൽ 9 വിക്കറ്റ് നഷ്ടത്തിൽ 136 റൺസ് മാത്രമാണ് ഇന്ത്യ മഹാരാജാസ് നേടിയത്. അവസാന മൂന്ന് മത്സരങ്ങളിലും അർധ സെഞ്ച്വറി നേടിയ ഗംഭീർ ഇല്ലാതെ ആയിരുന്നു ഇന്ത്യ ഇന്ന് കളിച്ചത്‌.

ഓപ്പണർ റോബിൻ ഉത്തപ്പയെ നഷ്ടപ്പെട്ട മഹാരാജാസിന് മോശം തുടക്കമാണ് ലഭിച്ചത്. ൽ11 റൺസ് മാത്രമെ ഉത്തപ്പ നേടിയുള്ളൂ. കൃത്യമായ ഇടവേളകളിൽ അവർക്ക് വിക്കറ്റുകൾ നഷ്ടമായിക്കൊണ്ടിരുന്നു, മൻവിന്ദർ ബിസ്‌ലയും സുരേഷ് റെയ്‌നയും മാത്രമാണ് യഥാക്രമം 36, 49 റൺസ് നേടി കുറച്ചെങ്കിലും തിളങ്ങിയത്‌. അവർക്കും വേഗത്തിൽ സ്കോർ ചെയ്യാൻ ആയില്ല.

തന്റെ മൂന്ന് ഓവറിൽ 18 റൺസ് മാത്രം വഴങ്ങി മൂന്ന് നിർണായക വിക്കറ്റ് വീഴ്ത്തിയ ബ്രെറ്റ് ലീയാണ് ലോക വമ്പൻമാരുടെ ബൗളർമാരുടെ നിരയ ഏറ്റവും തിളങ്ങിയത്. ക്രിസ് എംഫോഫുവും ടിനോ ​​ബെസ്റ്റും രണ്ട് വിക്കറ്റ് വീതവും സമിത് പട്ടേലും മോണ്ടി പനേസറും ഓരോ വിക്കറ്റ് വീതം വീഴ്ത്തി.

ലെജന്റ്സ് ലീഗ് ക്രിക്കറ്റിൽ മഴ തടസ്സപ്പെടുത്തിയ മത്സരത്തിൽ ഏഷ്യ ലയൺസ് വേൾഡ് ജയന്റ്‌സിനെ പരാജയപ്പെടുത്തി. മഴ കാരണം 10 ഓവർ ആക്കി ചുരുക്കിയ മത്സരത്തിൽ ഏഷ്യ ലയൺസ് 35 റൺസിന് ആണ് വിജയിച്ചത്. വെറും 19 പന്തിൽ 44 റൺസെടുത്ത മിസ്ബാ ഉൾ ഹഖിന്റെ തകർപ്പൻ ബാറ്റിംഗിൽ ആദ്യം ബാറ്റു ചെയ്ത ഏഷ്യാ ലയൺസ് 99/3 എന്ന മികച്ച സ്കോർ ഉയർത്തി. ദിൽഷൻ പുറത്താകാതെ 32 റൺസുമായി മിസ്ബാഹിന് പിന്തുണയും നൽകി.

മറുപടി ബാറ്റിങ്ങിനിറങ്ങിയ വേൾഡ് ജയന്റ്സിന് 10 ഓവറിൽ 64/5 എന്ന സ്‌കോർ മാത്രമെ എടുക്കാനായുള്ളൂ. ഷാഹിദ് അഫ്രീദി തന്റെ രണ്ടോവറിൽ 11 റൺസ് മാത്രം വഴങ്ങി രണ്ട് വിക്കറ്റ് വീഴ്ത്തി ഏഷ്യൻ ലയൺസിനായി നന്നായി ബൗൾ ചെയ്തു. അബ്ദുർ റസാഖ് രണ്ടോവറിൽ രണ്ട് റൺസ് മാത്രം വഴങ്ങി രണ്ട് വിക്കറ്റും വീഴ്ത്തി.

ക്രിസ് ഗെയ്‌ലും ലെൻഡൽ സിമ്മൺസും ഒന്നാം വിക്കറ്റിൽ 40 റൺസ് കൂട്ടിച്ചേർത്തതിനു ശേഷമാൺ. വേൾഡ ജയന്റ്സ് പരാജയത്തിലേക്ക് വീണത്‌.

ലെജൻഡ്‌സ് ലീഗ് ക്രിക്കറ്റ് 2023-ന്റെ രണ്ടാം മത്സരത്തിൽ ഇന്ത്യ മഹാരാജാസിന് മുന്നിൽ 167 റൺസിന്റെ വിജയലക്ഷ്യം വേൾഡ് ജയന്റ്‌സ് ഉയർത്തി. വേൾഡ് ജയന്റ്സിന്റെ ആരോൺ ഫിഞ്ചും ഷെയ്ൻ വാട്‌സണും നിർണായക അർദ്ധ സെഞ്ച്വറികൾ നേടി. അവരുടെ ടീം 20 ഓവറിൽ 166/8 എന്ന സ്കോറാണ് നേടിയത്.

വാട്സൺ 32 പന്തിൽ നിന്ന് 55 റൺസും, ഫിഞ്ച് 31 പന്തിൽ 53 റൺസും എടുത്തു.ഇന്ത്യ മഹാരാജാസിന്റെ ഹർഭജൻ സിംഗ് 2 ഓവറിൽ 13 റൺസ് മാത്രം വഴങ്ങി നാലു വിക്കറ്റുകൾ വീഴ്ത്തി. ക്രിസ് ഗെയ്‌ൽ, റോസ് ടെയ്‌ലർ, കെവിൻ ഒ ബ്രയാൻ, മോൺ വാൻ വൈക്ക് എന്നിവരുടെ വിക്കറ്റുകൾ ആണ് ഹർഭജൻ വീഴ്ത്തിയത്‌‌.