Tag: Shreyas Gopal

രഞ്ജി ട്രോഫിയിൽ ബംഗാളിനെ നേരിടുന്ന കേരളത്തിന് ഇനി വിജയിക്കാൻ 5 വിക്കറ്റ് കൂടെ. അവസാന ദിവസം ആദ്യ സെഷനിൽ ബംഗാൾ 181/5 എന്ന നിലയിലാണ്. 77/2 എന്ന നിലയിൽ ഇന്ന് കളി ആരംഭിച്ച ബംഗാളിന്റെ 3 വിക്കറ്റുകൾ നഷ്ടനായി. ഇനി ബംഗാളിന് ജയിക്കാൻ 268 റൺസ് വേണം. കേരളത്തിന് 5 വിക്കറ്റും. 23 റൺസുമായി മനോജ് തിവാരിയും റൺ ഒന്നും എടുക്കാതെ ഷഹബാസും ആണ് ബംഗാളിനായി ക്രീസിൽ ഉള്ളത്‌.

ശ്രേയസ് ഗോപാൽ കേരളത്തിനായി 2 വിക്കറ്റും ജലജ് സക്സേന 3 വിക്കറ്റും വീഴ്ത്തി. ജലജ് സക്സേന ആദ്യ ഇന്നിംഗ്സിൽ 9 വിക്കറ്റും നേടിയിരുന്നു.

കേരളം ഇന്നലെ രണ്ടാം ഇന്നിങ്സിൽ 265-6 എന്ന റൺസ് എടുത്ത് ഡിക്ലയർ ചെയ്തിരുന്നു. രോഹൻ എസ് കുന്നുമ്മൽ 51, സച്ചിൻ ബേബി 51, ശ്രേയസ് ഗോപാൽ 50 എന്നിവർ രണ്ടാം ഇന്നിങ്സിൽ കേരളത്തിനായി അർധ സെഞ്ച്വറികൾ നേടി.

നേരത്തെ ആദ്യ ഇന്നിങ്സിൽ 180 റൺസിന് കേരളം ബംഗാളിനെ ഓളൗട്ട് ആക്കിയിരുന്നു.

രഞ്ജി ട്രോഫിയിൽ മുംബൈയ്ക്കെതിരെ വിജയിക്കാൻ കേരളത്തിന് 327 റൺസ്. ഇന്ന് കളിയുടെ മൂന്നാം ദിവസം മുംബൈയെ 321 റണ്ണിന് രണ്ടാം ഇന്നിംഗ്സിൽ ഓളൗട്ട് ആക്കാൻ കേരളത്തിനായി. നാളെ ഒരു ദിവസമാണ് കേരളത്തിന് ബാക്കിയുള്ളത്. ആ ദിവസം കൊണ്ട് ചെയ്സ് ചെയ്തു കഴിഞ്ഞാൽ കേരളത്തിന് വിജയം സ്വന്തമാക്കാം.

ആദ്യ ഇന്നിങ്സ് ലീഡ് വഴങ്ങിയതുകൊണ്ട് കേരളത്തിന് ഈ മത്സരം സമനില ആയാൽ നിരാശ മാത്രമേ ഉണ്ടാവുകയുള്ളൂ. മുംബൈ രണ്ടാം ഇന്നിങ്സിക് ആദ്യ വിക്കറ്റിൽ മികച്ച കൂട്ടുകെട്ട് ഉണ്ടാക്കിയെങ്കിലും പിന്നെ തുടർച്ചയായി ഇടവേളകളിൽ അവരുടെ വിക്കറ്റുകൾ വീണുകൊണ്ടിരുന്നു. ഓപ്പണർമാരായ ജയ് ബിസ്തയും ബുപ്പൻ ലാൽവാനിയും അവർക്ക് വേണ്ടി അർദ്ധ സെഞ്ച്വറികൾ നേടി. ഈ രണ്ടു താരങ്ങൾ മാത്രമാണ് അവർക്കായി ഇന്ന് അർധ സെഞ്ച്വറി നേടിയത്.

ജയ് ബിസ്താ 73 റൺസ് എടുത്താണ് പുറത്തായത്. ബുപ്പൻ 88 റൺസും എടുത്തു. മുംബൈയുടെ ക്യാപ്റ്റൻ രഹാനെ 16 റൺസ് എടുത്ത് രണ്ടാം ഇന്നിംഗ്സിലും നിരാശപ്പെടുത്തി. ഇന്ത്യൻ താരം ദൂബെ ഒരു റൺസ് എടുത്തും പുറത്തായി. കേരളത്തിനായി ജലജ് സെക്സിന് നാല് വിക്കറ്റുമായി മികച്ച ബോളിംഗ് കാഴ്ചവച്ചു. ശ്രേയസ് ഗോപാലും കേരളത്തിലെ നാലു വിക്കറ്റ് വീഴ്ത്തി. നിധീഷാണ് ബാക്കി രണ്ടു വിക്കറ്റുകൾ പിഴുതത്‌. ആദ്യ ഇന്നിംഗ്സിലും ശ്രേയസ് ഗോപാൽ കേരളത്തിനായി നാലു വിക്കറ്റുകൾ വീഴ്ത്തിയിരുന്നു.

രഞ്ജി ട്രോഫിയിൽ കേരളത്തിന്റെ മികച്ച ബൗളിംഗ് പ്രകടനം. ഇന്ന് മുംബൈയ്ക്കെതിരെ തിരുവനന്തപുരത്ത് നടക്കുന്ന മത്സരത്തിന്റെ ആദ്യ ദിനത്തിൽ ആദ്യം ബാറ്റ് ചെയ്ത മുംബൈ 251 റണ്ണിന് ഓളൗട്ട് ആയി. ആദ്യ ഇന്നിങ്സ് ലീഡ് നേടുക ആകും ഇനി കേരളത്തിന്റെ ലക്ഷ്യം. ഇന്ന് ഇന്ത്യൻ താരം ശിവം ദൂബെ മുംബൈക്ക് ആയി അർധ സെഞ്ച്വറി നേടി.

അവരുടെ സ്റ്റാർ ബാറ്റർ രഹാനെ പൂജ്യത്തിന് പുറത്തായി. ഇന്ത്യൻ ക്യാമ്പിൽ നിന്ന് മടങ്ങിയെത്തിയ സഞ്ജുവാണ് ഇന്ന് കേരളത്തെ നയിക്കുന്നത്.ഇന്ന് തുടക്കത്തിൽ തന്നെ ഓപ്പണർ ജയ് ബിസ്തയെയും പിന്നാലെ വന്ന രഹാനയെയും ബേസിൽ തമ്പി പൂജ്യത്തിൽ ഔട്ടാക്കുകയായിരുന്നു. 50 റൺസെടുത്ത ലാൽവാനി അവർക്ക് തുടക്കത്തിൽ ആശ്വാസം നൽകി. ലഞ്ചിന് ശേഷം ശിവം ദൂബെ അർധ സെഞ്ച്വറി നേടി. അദ്ദേഹം 72 പന്തിൽ നിന്ന് 51 റൺസ് എടുത്ത് പുറത്തായി.

അവസാനം തനിഷ് കോടിയനും മുംബൈക്ക് ആയി അർധ സെഞ്ച്വറി നേടി. 56 റൺസ് എടുത്താണ് തനിഷ് പുറത്തായത്‌. കേരളത്തിനായി ശ്രേയസ് ഗോപാൽ 4 വിക്കറ്റും ബേസിൽ തമ്പി, ജലജ് സക്സേന എന്നിവർ രണ്ടു വിക്കറ്റു വീതവും, നിധീഷ്, വിശ്വേഷ്വർ എന്നിവർ ഓരോ വിക്കറ്റ് വീതവും വീഴ്ത്തി.