ദക്ഷിണാഫ്രിക്കയ്ക്കെതിരെ ഞായറാഴ്ച നടന്ന രണ്ടാം ഏകദിനത്തിൽ പെരുമാറ്റ ചട്ട ലംഘനത്തിന് ഇംഗ്ലണ്ട് ഓള്റൗണ്ടര് സാം കറനെതിരെ പിഴ ചുമത്തി. മാച്ച് ഫീസിന്റെ 15 ശതമാനം പിഴയാണ് ചുമത്തിയിരിക്കുന്നത്.
മത്സരത്തിന്റെ 28ാം ഓവറിൽ ടെംബ ബാവുമയെ പുറത്താക്കിയ ശേഷം താരത്തിന്റെ വളരെ അടുത്ത് ചെന്ന് പ്രകോപനപരമായ ആഹ്ലാദ പ്രകടനം നടത്തിയതിനാണ് താരത്തിനെതിരെയുള്ള ശിക്ഷ വിധിക്കുവാന് കാരണം ആയത്.
പിഴയ്ക്ക് പുറമെ താരത്തിനെതിരെ ഒരു ഡീമെറിറ്റ് പോയിന്റും ചുമത്തിയിട്ടുണ്ട്. കഴിഞ്ഞ 24 മാസ കാലയളവിൽ താരത്തിന്റെ ഇത്തരത്തിലുള്ള ആദ്യ പെരുമാറ്റ ചട്ട ലംഘനം ആണ് ഇത്.
