രണ്ടാം ടി10 ലീഗിന്റെ വിജയികളായി നോര്ത്തേണ് വാരിയേഴ്സ്. ഇന്നലെ നടന്ന ഫൈനല് മത്സരത്തില് തങ്ങളെ ആദ്യ ക്വാളിഫയറില് പരാജയപ്പെടുത്തിയ പഖ്ത്തൂണ്സിനെ തറപറ്റിച്ചാണ് നോര്ത്തേണ് വാരിയേഴ്സ് വിജയ കിരീടം ചൂടിയത്. 22 റണ്സിന്റെ വിജയമാണ് ടീമിനു സ്വന്തം. ആദ്യം ബാറ്റ് ചെയ്ത വാരിയേഴ്സ് 3 വിക്കറ്റ് നഷ്ടത്തില് 140 റണ്സാണ് നേടിയത്. റോവ്മന് പവല് പുറത്താകാതെ 25 പന്തില് നിന്ന് നേടിയ 61 റണ്സിന്റെയും ആന്ഡ്രേ റസ്സല്(12 പന്തില് 38), ഡാരെന് സാമി(14*), നിക്കോളസ് പൂരന്(18) എന്നിവരാണ് വാരിയേഴ്സിനായി ബാറ്റിംഗ് മികവ് പുലര്ത്തിയത്.
മറുപടി ബാറ്റിംഗിനിറങ്ങിയ പഖ്ത്തൂണ്സ് നിരയില് ആന്ഡ്രേ ഫ്ലെച്ചര്(37) മാത്രമാണ് കാര്യമായൊരു ശ്രമം ടീമിനായി നടത്തി നോക്കിയത്. ഷഫീകുള്ള ഷഫീക്ക് 26 റണ്സ് നേടി പുറത്തായി. 7 വിക്കറ്റുകള് നഷ്ടത്തില് ടീമിനു 118 റണ്സ് മാത്രമേ നേടാനായുള്ളു. ക്രിസ് ഗ്രീന്, ഹാര്ദ്ദസ് വില്ജോയന് എന്നിവര് വിജയികള്ക്കായി രണ്ട് വീതം വിക്കറ്റ് നേടി.