Tag: Mark Chapman

പാക്കിസ്ഥാനെതിരെയുള്ള ഏകദിന സ്ക്വാഡിലേക്ക് മാര്‍ക്ക് ചാപ്മാനെ ഉള്‍പ്പെടുത്തി. ടി20 പരമ്പരയിലെ മികവാര്‍ന്ന പ്രകടനം ആണ് താരത്തിന് ഏകദിന ടീമിലേക്കുള്ള വിളിയായി മാറിയത്. 5 മത്സരങ്ങളിൽ നിന്ന് 290 റൺസാണ് ചാപ്മാന്‍ ടി20 പരമ്പരയിൽ നേടിയത്.

അവസാന മത്സരത്തില്‍ താരം 57 പന്തിൽ നിന്ന് 104 റൺസ് നേടി ന്യൂസിലാണ്ടിനെ വിജയത്തിലേക്ക് നയിച്ചപ്പോള്‍ പരമ്പരയിൽ ഒപ്പമെത്തുവാനും ഇതോടെ ന്യൂസിലാണ്ടിന് സാധിച്ചു.

2018ൽ ന്യൂസിലാണ്ടിനായി ഏകദിന അരങ്ങേറ്റം കുറിച്ച ചാപ്മാന്‍ 2022 ജൂലൈയിലാണ് ടീമിനായി അവസാന ഏകദിനം കളിച്ചത്.

ന്യൂസിലാണ്ട് ഏകദിന സ്ക്വാഡ്: Tom Latham (capt),Tom Blundell, Chad Bowes, Mark Chapman, Matt Henry, Ben Lister, Cole McConchie, Adam Milne, Daryl Mitchell, Jimmy Neesham, Henry Nicholls, Rachin Ravindra, Henry Shipley, Ish Sodhi, Blair Tickner, Will Young

മാര്‍ക് ചാപ്മാന് ആദ്യമായി ന്യൂസിലാണ്ട് കേന്ദ്ര കരാര്‍. മാര്‍ട്ടിന്‍ ഗപ്ടിലിന്റെ ഒഴിവിലേക്കാണ് ചാപ്മാനെ പരിഗണിച്ചിരിക്കുന്നത്. ഹോങ്കോംഗിൽ ജനിച്ച താരം ഹോങ്കോംഗിനായി 21 മത്സരങ്ങളിൽ കളിച്ച ശേഷം ന്യൂസിലാണ്ടിനായി 22 ടി20 മത്സരങ്ങളിലും 5 ഏകദിനങ്ങളിലും കളിച്ചിട്ടുണ്ട്. 2018ൽ അരങ്ങേറ്റം കുറിച്ച താരം ന്യൂസിലാണ്ടിനെ കഴിഞ്ഞ രണ്ട് ടി20 ലോകകപ്പിലും പ്രതിനിധീകരിച്ചിട്ടുണ്ട്.

ജനുവരി 18ന് ആരംഭിയ്ക്കുന്ന ഇന്ത്യ ടൂറിനുള്ള ന്യൂസിലാണ്ട് സംഘത്തിലും ചാപ്മാന്‍ അംഗമാണ്.

സൂപ്പര്‍ സ്മാഷിലും ഫോര്‍ഡ് ട്രോഫിയിലും മികച്ച ഫോം നിലനിര്‍ത്തി വരുന്ന മാര്‍ക്ക് ചാപ്മാനെ ന്യൂസിലാണ്ട് ക്രിക്കറ്റ് ടീമില്‍ ഉള്‍പ്പെടുത്തി. ത്രിരാഷ്ട്ര പരമ്പരയിലെ ആദ്യ മത്സരത്തില്‍ ഓസ്ട്രേലിയയോട് കനത്ത തോല്‍വി ഏറ്റവുാങ്ങിയ ശേഷമാണ് ടീമിലേക്ക് രണ്ട് മാറ്റങ്ങള്‍ ന്യൂസിലാണ്ട് സെലക്ടര്‍മാര്‍ കൊണ്ട് വരുന്നത്. ടോം ബ്രൂസ്, ടോം ബ്ലണ്ടല്‍ എന്നിവരെ ഒഴിവാക്കി മാര്‍ക്ക് ചാപ്മാന്‍, ടിം സീഫെര്‍ട് എന്നിവരെയാണ് സെലക്ടര്‍മാര്‍ ടീമില്‍ ഉള്‍പ്പെടുത്തിയിട്ടുള്ളത്.

ന്യൂസിലാണ്ടില്‍ നടന്ന് വരുന്ന ടി20 ടൂര്‍ണ്ണമെന്റുകളില്‍ ശതകങ്ങള്‍ നേടിയ താരങ്ങളാണ് ഇരുവരും. ഇരുവരെയും ഉള്‍പ്പെടുത്തി ത്രിരാഷ്ട്ര ടൂര്‍ണ്ണമെന്റില്‍ ശക്തമായ തിരിച്ചുവരവാണ് ന്യൂസിലാണ്ട് ലക്ഷ്യം വയ്ക്കുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial