Tag: Marcus Stoinis

ഇന്നലെ ലക്നൗവിന്റെ ബാറ്റിംഗിൽ ഒരു ഘട്ടത്തിൽ 16 ഓവര്‍ പിന്നിടുമ്പോള്‍ 117/3 എന്ന നിലയിലായിരുന്ന ടീമിനെ അവസാന നാലോവറിൽ 60 റൺസ് നേടി 177 റൺസിലേക്ക് എത്തിച്ചതിന് പിന്നിലെ ക്രെഡിറ്റ് മുഴുവന്‍ മാര്‍ക്കസ് സ്റ്റോയിനിസിനായിരുന്നു. തന്റെ ആദ്യ 35 പന്തിൽ നിന്ന് വെറും 45 റൺസ് നേടിയ താരം 35/3 എന്ന നിലയിലേക്ക് വീണ ലക്നൗവിനെ ക്യാപ്റ്റന്‍ ക്രുണാൽ പാണ്ഡ്യയ്ക്കൊപ്പം തിരികെ ട്രാക്കിലെത്തിക്കുകയായിരുന്നു.

ക്രുണാൽ പരിക്കേറ്റ് പിന്മാറിയ ശേഷം താന്‍ നേരിട്ട അടുത്ത പന്ത്രണ്ട് പന്തിൽ നിന്ന് സ്റ്റോയിനിസ് നേടിയത് 44 റൺസായിരുന്നു. ഇത് ലക്നൗവിനെ ഭേദപ്പെട്ട സ്കോറിലേക്ക് നയിച്ചു. തുടര്‍ന്ന് 5 റൺസ് വിജയം നേടി ലക്നൗ തങ്ങളുടെ പ്ലേ ഓഫ് സാധ്യത സജീവമാക്കി നിര്‍ത്തുകയായിരുന്നു.

ഐപിഎലില്‍ ഇന്നത്തെ മത്സരത്തിൽ 16 ഓവറിൽ വെറും 117/3 എന്ന നിലയിലായിരുന്ന ലക്നൗ സൂപ്പര്‍ ജയന്റ്സിനെ 177 റൺസിലെത്തിച്ച് മാര്‍ക്കസ് സ്റ്റോയിനിസിന്റെ വെടിക്കെട്ട് ഇന്നിംഗ്സ്. 47 പന്തിൽ 89 റൺസ് നേടിയ താരം സിക്സടി മേളം തുടര്‍ന്നപ്പോള്‍ അവസാന നാലോവറിൽ 60 റൺസാണ് ലക്നൗ നേടിയത്.

മൂന്നാം ഓവറിൽ അടുത്തടുത്ത പന്തുകളിൽ ദീപക് ഹൂഡയെയും പ്രേരക് മങ്കഡിനെയും ജേസൺ ബെഹ്രെന്‍ഡോര്‍ഫ് വീഴ്ത്തിയപ്പോള്‍ 16 റൺസ് നേടിയ ക്വിന്റൺ ഡി കോക്കിനെ പവര്‍പ്ലേ കഴിഞ്ഞ് ആദ്യ പന്തിൽ പിയൂഷ് ചൗള പുറത്താക്കി.

35/3 എന്ന നിലയിലേക്ക് വീണ ലക്നൗവിനെ നാലാം വിക്കറ്റിൽ 82റൺസ് നേടിയ ക്രുണാൽ പാണ്ഡ്യ – മാര്‍ക്കസ് സ്റ്റോയിനിസ് കൂട്ടുകെട്ടാണ് മുന്നോട്ട് നയിച്ചത്. 49 റൺസ് നേടിയ ക്രുണാൽ പാണ്ഡ്യ റിട്ടേര്‍ഡ് ഹര്‍ട്ടായി മടങ്ങിയപ്പോള്‍ ലക്നൗ 117/3 എന്ന നിലയിലായിരുന്നു 16 ഓവറിൽ.

ക്രുണാൽ മടങ്ങിയ ശേഷം ഉഗ്രരൂപം പൂണ്ട സ്റ്റോയിനിസ് നിക്കോളസ് പൂരനുമായി ചേര്‍ന്ന് 24 പന്തിൽ നിന്ന് 60 റൺസാണ് നേടിയത്. ഇതിൽ പൂരന്റെ സംഭാവന 8 റൺസ് മാത്രമായിരുന്നു.

ലഖ്‌നൗ സൂപ്പർ ജയന്റ്‌സ് ഓൾറൗണ്ടർ മാർക്കസ് സ്റ്റോയിനിസിനെ പ്രശംസിച്ച് മുൻ ഓസ്‌ട്രേലിയൻ ഫാസ്റ്റ് ബൗളർ ബ്രെറ്റ് ലീ. ഇന്നലെ പഞ്ചാബ് കിംഗ്‌സിനെതിരായ ലഖ്നൗ ജയത്തിൽ പ്ലയർ ഓഫ് ദി മാച്ച് ആയിരുന്നു സ്റ്റോയിനിസ്. സ്റ്റോയിനിസ് 72 റൺസും ഒപ്പം ഒരു വിക്കറ്റും നേടി.

“സ്റ്റോയിനിസ് ഒരു ഭാവി ക്യാപ്റ്റനാണ്. അദ്ദേഹത്തിന് മികച്ച ക്രിക്കറ്റ് ബുദ്ധിയുണ്ട്. ടീമിന് ചുറ്റും അദ്ദേഹം എത്ര ശാന്തനാണെന്ന് നോക്കൂ. അവൻ ബാറ്റും പന്തും ഉപയോഗിച്ച് പ്രകടനം നടത്തുന്നു ”ലീ പറഞ്ഞു.

“അവനും നല്ല ക്യാച്ചുകളും എടുക്കുന്നു. അവൻ ഒരു സമ്പൂർണ്ണ പാക്കേജാണ്. ഇന്ന് രാത്രി, അവൻ തന്റെ ക്ലാസ് കാണിച്ചു. ഹോം ഗ്രൗണ്ടിലെ കഠിനനായ വിക്കറ്റിൽ നിന്ന് മാറി നല്ല ബാറ്റിങ് പിച്ച എത്തിയപ്പോൾ അദ്ദേഹം അത് നന്നായി ആഘോഷിച്ചു” ലീ കൂട്ടിച്ചേർത്തു.

മൊഹാലിയിലെ പിസിഎ സ്റ്റേഡിയത്തിൽ ഇന്ന് വലിയ വിജയം നേടി എങ്കിലും ലഖ്നൗവിന് ഒരു തിരിച്ചടി നേരിടേണ്ടി വന്നു. അവരുടെ ഓൾറൗണ്ടർ മാർക്കസ് സ്റ്റോയിനിസ് കൈവിരലിന് പരിക്കേറ്റ് കളം വിടേണ്ടി വന്നു. ഇന്ന് കൂറ്റൻ സ്കോർ ഉയർത്തിയ ലഖ്നൗവിനു വേണ്ടി 40 പന്തിൽ 72 റൺസ് അടിചൽച്ചിരുന്നു. സ്റ്റോയിനിസ് ഇന്ത്യൻ പ്രീമിയർ ലീഗിലെ തന്റെ ഏറ്റവും ഉയർന്ന സ്‌കോറും ഇന്ന് രേഖപ്പെടുത്തി.

ബൗൾ ചെയ്ത് ആദ്യ ഓവറിൽ തന്നെ പഞ്ചാബ് ക്യാപ്റ്റൻ ശിഖർ ധവാനെ സ്റ്റോയിനസ് പുറത്താക്കുകയും ചെയ്തിരുന്നു‌. സ്റ്റോയിനിസ് രണ്ടാം ഓവറിലാണ് പരിക്കേറ്റ് കളം വിട്ടത്‌. ബൗൾ ചെയ്യുമ്പോൾ അഥർവ ടെയ്‌ഡിന്റെ സ്‌ട്രെയിറ്റ് ഡ്രൈവ് തടയാൻ ശ്രമിച്ചപ്പോൾ വിരലിന് പരിക്കേൽക്കുകയായിരുന്നു.

തന്റെ രണ്ടാം ഓവറിലെ അവസാന പന്ത് എറിയാൻ ആകാതെ സ്റ്റോയിനിസ് കളം വിടുകയും ചെയ്തിരുന്നു. സ്റ്റോയിനിസിന്റെ പരിക്ക് എത്ര സാരമുള്ളതാണെന്ന് കൂടുതൽ പരിശോധനകൾക്ക് ശേഷം മാത്രമെ വ്യക്തമാകൂ.