ബെൻഫിക്ക പ്രതിരോധ താരത്തെയും ലില്ലെ മധ്യനിരതാരത്തെയും ലക്ഷ്യമിട്ട് ആഴ്സണൽ
ട്രാൻസ്ഫർ ജാലകത്തിൽ വീണ്ടും താരങ്ങളെ ടീമിൽ എത്തിക്കാൻ ആഴ്സണൽ ശ്രമിക്കുന്നത് ആയി വാർത്ത. പോർച്ചുഗീസ് ക്ലബ് ബെൻഫിക്കയുടെ ഇടത് ബാക്ക് അലഹാൻഡ്രോ ഗ്രിമാൾഡോക്ക് ആയി ഉടൻ ആഴ്സണൽ ഓഫർ മുന്നോട്ട് വക്കും എന്നാണ് സൂചന. ബെൻഫിക്കയിൽ അവസാന വർഷ കരാറിൽ ഉള്ള 25 കാരനായ സ്പാനിഷ് താരത്തിന് 7 മില്യൺ യൂറോ അടുത്തു തുക ആവും ആഴ്സണൽ മുന്നോട്ട് വക്കുക. തങ്ങളുടെ ഇടത് ബാക്ക് കിരെൺ ടിയേർണിക്ക് പറ്റിയ ഒരു ബാക് അപ്പ് ആയിട്ടാണ് സ്പാനിഷ് താരത്തെ ആഴ്സണൽ പരിഗണിക്കുന്നത്.
അതേസമയം ബ്രസീലിയൻ താരം റഫീനിയോയെ ടീമിൽ എത്തിക്കാൻ സാധിക്കാത്ത ആഴ്സണൽ ഫ്രഞ്ച് ക്ലബ് ലില്ലെയുടെ ജർമ്മനിയിൽ ജനിച്ച കൊസോവൻ വിങർ ഏദൻ സെഗ്രോവയെ ടീമിൽ എത്തിക്കാൻ ശ്രമിക്കുന്നത് ആയാണ് സൂചന. താരത്തിന് ആയി ആഴ്സണൽ ലില്ലെയെ ഓഫറും ആയി സമീപിച്ചത് ആയി കൊസോവൻ മാധ്യമപ്രവർത്തകൻ ട്വീറ്റ് ചെയ്തിരുന്നു. എന്നാൽ ബേസലിൽ നിന്നു 7 മില്യൺ യൂറോക്ക് കഴിഞ്ഞ വർഷം ടീമിൽ എത്തിയ താരത്തെ വിൽക്കാൻ ലില്ലെ ഒരുക്കമല്ല എന്നാണ് സൂചന. മികച്ച ഭാവി കാണുന്ന താരത്തിന് ആയി ആഴ്സണൽ 10 മില്യൺ യൂറോക്ക് മുകളിൽ മുടക്കാൻ തയ്യാറായേക്കും എന്നാണ് സൂചന.