നാലാം തവണ പ്രീമിയർ ലീഗിലെ മികച്ച പരിശീലകനായി അർട്ടേറ്റ

ഇംഗ്ലീഷ് പ്രീമിയർ ലീഗിലെ ഈ മാസത്തെ ഏറ്റവും മികച്ച പരിശീലകനായി ആഴ്സണൽ പരിശീലകൻ അർട്ടേറ്റ. ഈ സീസണിൽ ഇത് നാലാം തവണയാണ് അർട്ടേറ്റ ഈ പുരസ്കാരം സ്വന്തമാക്കുന്നത്. ഇതിനു മുമ്പ് ഓഗസ്റ്റ്, നവംബർ, ജനുവരി മാസങ്ങളിലും അർട്ടേറ്റ ഈ പുരസ്കാരം സ്വന്തമാക്കിയിരുന്നു. മാർച്ച് മാസത്തിൽ ആഴ്സ നാലു ലീഗ് മത്സരങ്ങൾ കളിച്ചിരുന്നു. നാലു മത്സരങ്ങളിൽ നാലും ആഴ്സണൽ വിജയിച്ചു. ഇപ്പോൾ അവർ ലീഗിൽ എട്ട് പോയിന്റിന്റെ ലീഡുമായി ഒന്നാമത് നിൽക്കുകയാണ്‌.

ഇംഗ്ലീഷ് പ്രീമിയർ ലീഗിലെ ഈ മാസത്തെ ഏറ്റവും മികച്ച താരമായി ആഴ്സണലിന്റെ തന്നെ യുവതാരം ബുകായോ സാകയുൻ തിരഞ്ഞെടുക്കപ്പെട്ടു. ഇതാദ്യമായാണ് ബുകായോ സാക ഈ പുരസ്കാരം സ്വന്തമാക്കുന്നത്. മാർച്ച് മാസത്തിൽ സാക ആഴ്സണലിനായി നാലു ലീഗ് മത്സരങ്ങൾ കളിച്ചിരുന്നു. സാക 3 ഗോളുകൾ സ്കോർ ചെയ്തു. 2 അസിസ്റ്റും നൽകി. ആഴ്സണൽ ഗോൾ കീപ്പർ റാംസ്ഡേൽ മാർച്ചിലെ പ്രീമിയർ ലീഗിലെ മികച്ച സേവിനുള്ള പുരസ്കാരവും നേടി.