ഇന്നലെ മൊറോക്കോയോട് ഏറ്റ പരാജയം ഏറെ വേദനിപ്പിക്കുന്നത് ആണെന്ന് സ്പാനിഷ് താരം റോഡ്രി. ഫുട്ബോൾ ക്രൂരമാണ്, ഫുട്ബോളിന് ന്യായം മനസ്സിലാകുന്നില്ല , പന്ത് വലക്ക് അകത്തേക്ക് പോകുന്നത് മാത്രമെ ഫുട്ബോൾ കാര്യമാക്കുന്നുള്ളൂ. പെനാൽറ്റി ഒരു ലോട്ടറിയാണ്. എന്നും റോഡ്രി പറഞ്ഞു.
ഞങ്ങൾ ഒരു പെനാൾട്ടി പോലും സ്കോർ ചെയ്തിട്ടില്ല. മൊറോക്കോ മിക്കവാറും എല്ലാം സ്കോർ ചെയ്യുകയും ചെയ്തു. അദ്ദേഹം പറയുന്നു
എങ്ങനെ കളിക്കണമെന്ന് മൊറോക്കോക്ക് വ്യക്തമായിരുന്നു, ഞങ്ങൾ ഫുട്ബോൾ കളിച്ചു. മൊറോക്കോ പതിനൊന്ന് പേരെയും പിറകിൽ നിർത്തിയാണ് കളിച്ചത്. റോഡ്രി പറഞ്ഞു.
ഞങ്ങളുടെ കൂടെ നിന്ന സ്പെയിൻകാർക്ക് നന്ദി, ഞങ്ങൾ ഞങ്ങളുടെ എല്ലാം നൽകിയെന്നും മാഞ്ചസ്റ്റർ സിറ്റി മിഡ്ഫീൽഡർ കൂട്ടിച്ചേർത്തു.
