Author: Staff Reporter

ഇംഗ്ലണ്ടിൽ വെച്ച് ഇംഗ്ലണ്ട് ഫാസ്റ്റ് ബൗളർ ജെയിംസ് ആൻഡേഴ്സണെ നേരിടുകയെന്നത് ബാറ്റ്സ്മാൻ എന്ന നിലയിൽ തനിക്ക് കടുത്ത വെല്ലുവിളിയാണെന്ന് ഇന്ത്യൻ ടെസ്റ്റ് വൈസ് ക്യാപ്റ്റൻ അജിൻക്യ രഹാനെ. ഇന്റർനാഷണൽ ക്രിക്കറ്റിൽ ഏതൊരു ബൗളറെ നേരിടുകയെന്നത് കടുത്ത വെല്ലുവിളിയാന്നെങ്കിലും ഇംഗ്ലണ്ടിൽ വെച്ച് ജെയിംസ് ആൻഡേഴ്സണെ നേരിടേണ്ടി വന്നത് കടുത്ത വെല്ലുവിളിയാണെന്ന് രഹാനെ പറഞ്ഞു.

ജെയിംസ് ആൻഡേഴ്സണ് ഇംഗ്ലണ്ടിലെ സാഹചര്യങ്ങൾ എല്ലാം വ്യക്തമായി അറിയുന്നത്കൊണ്ട് താരത്തെ അവിടെ വെച്ച് നേരിടുകയെന്നത് എളുപ്പമായിരുന്നില്ലെന്നും രഹാനെ പറഞ്ഞു. കൊറോണ വൈറസ് ബാധ എല്ലാവര്ക്കും വിഷമം ഉണ്ടാക്കുന്ന കാര്യമാണെന്നും എന്നാൽ തന്റെ 6 മാസം ആയ കുട്ടിയോടൊപ്പം സമയം ചിലവഴിക്കാൻ കഴിയുന്നത് നല്ല കാര്യമാണെന്നും രഹാനെ പറഞ്ഞു.

കായിക രംഗത്ത് സച്ചിൻ ടെണ്ടുൽക്കർ, രാഹുൽ ദ്രാവിഡ്, റോജർ ഫെഡറർ എന്നിവരാണ് തന്റെ റോൾ മോഡൽ എന്നും 2015 ഓസ്‌ട്രേലിയൻ ഓപ്പണിനിടെ റോജർ ഫെഡററെ കണ്ടത് ഒരു മികച്ച ഓർമയാണെന്നും രഹാനെ പറഞ്ഞു.

ഇന്ത്യൻ ടെസ്റ്റ് ടീമിലേക്ക് തിരിച്ചെത്തുകയാണ് തന്റെ ലക്ഷ്യമെന്ന് സൗരാഷ്ട്രയുടെ രഞ്ജി ട്രോഫി താരം ജയദേവ് ഉനദ്കട്. എന്നാൽ നിലവിലെ സാഹചര്യത്തിൽ എക്കാലെത്തെക്കാളും വലിയ വെല്ലുവിളിയാണ് ഇന്ത്യൻ ടീമിൽ എത്താൻ വേണ്ടതെന്നും ഉനദ്കട് പറഞ്ഞു.  ഈ സീസണിൽ രഞ്ജി ട്രോഫിയിൽ 67 വിക്കറ്റുകൾ വീഴ്ത്തി ഉനദ്കട് മികച്ച ഫോമിലെത്തിയിരുന്നു. ഈ സീസണിൽ രഞ്ജി ട്രോഫി കിരീടം നേടിയ സൗരാഷ്ട്ര ടീമിന്റെ ക്യാപ്റ്റൻ കൂടിയാണ് ഉനദ്കട്.

അതെ സമയം ക്രിക്കറ്റിന്റെ നിശ്ചിത ഓവർ ഫോർമാറ്റുകളിലും ഈയിടെയായി തനിക്ക് മികച്ച പ്രകടനം പുറത്തെടുക്കാൻ കഴിയുന്നുണ്ടെന്നും എല്ലാ ഫോർമാറ്റിലും ഇന്ത്യക്ക് വേണ്ടി കളിക്കുന്ന താരം ആവണമെന്നാണ് തന്റെ ആഗ്രഹമെന്നും ഉനദ്കട് പറഞ്ഞു. 2010ൽ തന്റെ 19മത്തെ വയസ്സിൽ ഇന്ത്യക്ക് വേണ്ടി നടത്തിയ ഉനദ്കട് തുടർന്ന് ഇന്ത്യക്ക് വേണ്ടി ടെസ്റ്റ് മത്സരങ്ങൾ കളിച്ചിട്ടില്ല. അതെ സമയം ഇന്ത്യക്ക് വേണ്ടി 7 ഏകദിന മത്സരങ്ങളും 10 ടി20 മത്സരങ്ങളും ഉനദ്കട് കളിച്ചിട്ടുണ്ട്.

ഈ വർഷം ഡിസംബറിലും അടുത്ത വർഷം ജനുവരിയിലുമായി ഇന്ത്യയുടെ ഓസ്‌ട്രേലിയൻ പര്യടനം നടത്താൻ എല്ലാ സാധ്യതകളും തേടി ഓസ്‌ട്രേലിയൻ ക്രിക്കറ്റ് ബോർഡ്. കൊറോണ വൈറസ് ലോകത്താകമാനം പടർന്ന സാഹചര്യത്തിൽ എല്ലാ കായിക മത്സരങ്ങളും നിർത്തിവെക്കേണ്ടി വന്നിരുന്നു. പരമ്പരയിൽ അഞ്ച് ടെസ്റ്റ് മത്സരങ്ങൾ നടത്താനുള്ള ശ്രമങ്ങളും ഓസ്‌ട്രേലിയൻ ക്രിക്കറ്റ് ബോർഡ് നടത്തുന്നുണ്ട്. നേരത്തെ പരമ്പരയിൽ നാല് ടെസ്റ്റ് മത്സരങ്ങളാണ് തീരുമാനിച്ചിരുന്നത്.

ഇത്തരത്തിൽ ഇന്ത്യയുടെ ഓസ്‌ട്രേലിയൻ പര്യടനം നിർത്തിവെച്ചാൽ ഓസ്‌ട്രേലിയൻ ക്രിക്കറ്റ് ബോർഡിന് കനത്ത നഷ്ട്ടം ഉണ്ടാവുന്നത് കണക്കിലെടുത്താണ് പരമ്പര നടത്താനുള്ള പുതിയ സാധ്യതകൾ ഓസ്‌ട്രേലിയൻ ക്രിക്കറ്റ് ബോർഡ് തേടുന്നത്.  2020-21 ക്രിക്കറ്റ് സീസൺ തുടങ്ങാൻ സാധ്യമായ എല്ലാ വഴികളും തേടുമെന്നും സി.ഇ.ഓ കെവിൻ റോബർട്സ് വ്യക്തമാക്കിയിട്ടുണ്ട്.

പരമ്പരയിലെ മത്സരങ്ങൾ ഒരേ വേദിയിൽ നടത്താനുള്ള സാധ്യതകളും ഓസ്‌ട്രേലിയൻ ക്രിക്കറ്റ് ബോർഡ് പരിശോധിക്കുന്നുണ്ടെന്ന് ക്രിക്കറ്റ് ഓസ്‌ട്രേലിയൻ ചീഫ് എക്സിക്യൂട്ടീവ് കെവിൻ റോബർട്സ് പറഞ്ഞു. ഡിസംബറിലെ ഇന്ത്യൻ പര്യടനത്തിന് മുൻപ് ഓസ്ട്രേലിയയിൽ വെച്ച് തന്നെയാണ് ടി20 ലോകകപ്പും നടക്കുന്നത്.