ലേവർ കപ്പ് രണ്ടാം മത്സരത്തിലും ജയം കണ്ടു ടീം യൂറോപ്പ്. അർജന്റീനൻ താരം ഡീഗോ ഷ്വാർട്സ്മാനെ നേരിട്ടുള്ള സെറ്റുകൾക്ക് തകർത്ത ഗ്രീക്ക് താരം സ്റ്റെഫനോസ് സിറ്റിപാസ് ആണ് യൂറോപ്പിന് രണ്ടാം മത്സരത്തിലും ജയം സമ്മാനിച്ചത്. 6-2, 6-1 എന്ന ആധികാരിക സ്കോറിന് ആണ് ഗ്രീക്ക് താരം ജയിച്ചത്. മത്സരത്തിൽ പൂർണ ആധിപത്യം പുലർത്തിയ സിറ്റിപാസ് 5 തവണ എതിരാളിയെ ബ്രേക്ക് ചെയ്തു.
എന്നാൽ പരിസ്ഥിതി പ്രവർത്തകൻ കളത്തിൽ പ്രതിഷേധവും ആയി എത്തിയത് കളിക്ക് ഇടയിൽ താരങ്ങളെ അമ്പരപ്പിച്ചു. ‘ബ്രിട്ടനിലെ സ്വാകാര്യ ജെറ്റ് വിമാനങ്ങൾ അവസാനിപ്പിക്കുക’ എന്നു എഴുതിയ ടി ഷർട്ട് അണിഞ്ഞു ഗ്രൗണ്ടിൽ എത്തിയ ആൾ സ്വന്തം കയ്യിൽ തീ വക്കുക ആയിരുന്നു. തുടർന്ന് അധികൃതർ ഇയാളെ കളത്തിൽ നിന്നു മാറ്റുക ആയിരുന്നു. ഇന്ന് അവസാന മത്സരത്തിൽ ആണ് ഫെഡറർ തന്റെ അവസാന മത്സരത്തിനു ആയി ഇറങ്ങുക.
