Tag: Spain

വനിതാ ഫുട്ബോൾ ലോകകപ്പ് കിരീടം സ്പെയിൻ സ്വന്തമാക്കി. ഇന്ന് സിഡ്നിയിൽ നടന്ന ഫൈനലിൽ യൂറോ ചാമ്പ്യന്മാരായ ഇംഗ്ലണ്ടിനെ തോൽപ്പിച്ച് ആണ് സ്പെയിൻ കിരീടം സ്വന്തമാക്കിയത്. മറുപടിയില്ലാത്ത ഒരു ഗോളിനായിരുന്നു സ്പെയിന്റെ വിജയം. ചരിത്രത്തിൽ ആദ്യമായാണ് സ്പെയിൻ വനിതാ ഫുട്ബോൾ ലോകകപ്പ് സ്വന്തമാക്കുന്നത്. ആദ്യ പകുതിയിൽ ക്യാപ്റ്റൻ കാർമോണ ആണ് സ്പെയിന്റെ വിജയ ഗോൾ നേടിയത്.

ഇന്ന് തുടക്കം മുതൽ പന്ത് കൈവശം വെച്ച് കളിച്ച സ്പെയിൻ ആയിരുന്നു. എന്നാൽ മറുവശത്ത് ഇംഗ്ലണ്ട് നല്ല അവസരങ്ങളും സൃഷ്ടിച്ചു. ഇംഗ്ലണ്ടിന്റെ ഒരു ഗോൾ ശ്രമം പോസ്റ്റിൽ തട്ടി മടങ്ങുന്നതും കാണാൻ ആയി. 29ആം മിനുട്ടിൽ ആയിരുന്നു ഒൾഗ കാർമോണയുടെ ഗോൾ. മരിയ കാൾഡെന്റിയിൽ നിന്ന് പാസ് സ്വീകരിച്ച് തന്റെ ഇടം കാലു കൊണ്ട് കാർമോണ പന്ത് വലയിൽ എത്തിച്ചു. കാർമോണ സെമി ഫൈനലിലും സ്പെയിനായി ഗോൾ നേടിയിരുന്നു.

ഈ ഗോളിന് ശേഷം കളി നിയന്ത്രിക്കാൻ സ്പെയിനായി. ഇംഗ്ലണ്ട് അവസരങ്ങൾ സൃഷ്ടിക്കാൻ പ്രയാസപ്പെട്ടു. രണ്ടാം പകുതിയിൽ ഇംഗ്ലണ്ട് ലോറൻ ജെയിംസിനെ കളത്തിൽ ഇറക്കി തീർത്തും അറ്റാക്കിലേക്ക് തിരിഞ്ഞു എങ്കിലും അവരുടെ നിരാശ തുടർന്നു.

65ആം മിനുട്ടിൽ ഒരു ഹാൻഡ് ബോളിന് സ്പെയിന് സമനില ലഭിച്ചു. ഹെർമോസോയുടെ പെനാൾട്ടി മേരി എർപ്സ് സേവ് ചെയ്തത് ഇംഗ്ലണ്ടിനെ കളിയിൽ നിർത്തി. ഇത് ഇംഗ്ലണ്ടിനു ഊർജ്ജം നൽകി. അവർ തുടർ ആക്രമണങ്ങൾ നടത്തി. എങ്കിലും സ്പെയിൻ സമ്മർദ്ദങ്ങളെ അതിജീവിച്ച് കിരീടത്തിലേക്ക് മാർച്ച് ചെയ്തു. മേരി എർപ്സിന്റെ മികച്ച സേവുകൾ ഇംഗ്ലണ്ടിന്റെ പരാജയ ഭാരം കുറക്കാനും സഹായകമായി.

2023 വനിതാ ഫുട്ബോൾ ലോകകപ്പ് കിരീടം ആർക്കെന്ന് ഇന്ന് അറിയാം. ഇന്ന് സിഡ്‌നിയിൽ നടക്കുന്ന ഫൈനലിൽ സ്പെയിൻ വനിതകൾ ഇംഗ്ലണ്ട് വനിതകളെ നേരിടും ഇരുവരും ആദ്യ ലോക കിരീടമാണ് ലക്ഷ്യമിടുന്നത്. ഇന്ന് വൈകുന്നേരം 3.30നാണ് മത്സരം. കളി തത്സമയം ഡി ഡി സ്പോർട്സിലും ഫാൻകോട് ആപ്പ് വഴിയും കാണാം.

ഈ ലോകകപ്പിൽ ഇതുവരെ ഏറ്റവും കൂടുതൽ ഗോളുകൾ നേടിയിട്ടുള്ള ടീമാണ് സ്പെയിൻ. കോസ്റ്റാറിക്കയ്‌ക്കെതിരെയും സാംബിയയ്‌ക്കെതിരെയും എകപക്ഷീയ വിജയങ്ങളോടെ ആണ് സ്പെയിൻ ടൂർണമെന്റ് തുടങ്ങിയത്. എന്നാൽ ഗ്രൂപ്പിലെ അവസാന മത്സരത്തിൽ ജപ്പാനിൽ നിന്ന് ഒരു വലിയ തോൽവി സ്പെയിൻ ഏറ്റുവാങ്ങി. ആ ഫലത്തിൽ നിന്ന് കരകയറിയ സ്പെയിൻ സ്വിറ്റ്‌സർലൻഡിനെതിരായ അവരുടെ പ്രീക്വാർട്ടർ മത്സരത്തിൽ ആധിപത്യത്തോടെ തന്നെ വിജയിച്ചു.

നെതർലൻഡ്‌സിനെതിരായ ക്വാർട്ടർ ഫൈനലിൽ നന്നായി പൊരുതേണ്ടി വന്നു സ്പെയിന് ജയിക്കാൻ‌. അതു കഴിഞ്ഞ് സെമിയിൽ അവർ സ്വീഡനെയും വീഴ്ത്തി.

യൂറോ ചാമ്പ്യന്മാരായ ഇംഗ്ലണ്ട് ഈ ലോകകപ്പിൽ ഇതുവരെ പരാജയം അറിഞ്ഞിട്ടില്ല. ഗ്രൂപ്പ് ഘട്ടത്തിൽ പരമാവധി പോയിന്റുകൾ നേടിയ ശേഷം, പ്രീക്വാർട്ടറിൽ നൈജീരിയെ അവർ തോൽപ്പിച്ചു. ക്വാർട്ടറിൽ 2-1ന് കൊളംബിയയയെ മറികടന്ന ഇംഗ്ലണ്ട് സെമിയിൽ ആതിഥേയരായ ഓസ്ട്രേലിയയെയും പരാജയപ്പെടുത്തി.

സ്പെയിൻ ആദ്യമായി വനിതാ ലോകകപ്പ് ഫൈനലിൽ. ഇന്ന് നടന്ന ആവേശകരമായ സെമി ഫൈനലിൽ സ്പെയിൻ സ്വീഡനെയാണ് പരാജയപ്പെടുത്തിയത്. അവസാന 10 മിനുട്ടുകൾക്ക് ഇടയിൽ പിറന്ന മൂന്ന് ഗോളുകൾ മത്സരത്തിന് ത്രില്ലിംഗ് ഫിനിഷ് ആണ് നൽകിയത്. 2-1 എന്ന സ്കോറിന് സ്പെയിൻ വിജയിക്കുകയും ചെയ്തു. ഫൈനലിൽ ഓസ്ട്രേലിയയോ ഇംഗ്ലണ്ടോ ആകും സ്പെയിനിന്റെ എതിരാളികൾ.

ഇന്ന് ഇരുടീമുകളും ഒപ്പത്തിനൊപ്പം നിന്ന മത്സരത്തിൽ 81ആം മിനുട്ട് വരെ ഗോൾ പിറന്നിരുന്നില്ല. 81ആം മിനുട്ടിൽ പരെയെലോയുടെ ഫിനിഷ് സ്പെയിന് ലീഡ് നൽകി. സ്വീഡൻ ഒരിക്കൽ കൂടെ സെമി ഫൈനലിൽ പുറത്ത് പോവുകയാണെന്ന് തോന്നിയ നിമിഷം. എന്നാൽ സ്വീഡൻ പൊരുതി. അവർ 89ആം മിനുട്ടിൽ ബ്ലോംക്വിസ്റ്റിലൂടെ സമനില നേടി. സ്പെയിൻ ഞെട്ടിയെങ്കിലും അവർക്ക് എക്സ്ട്രാ ടൈമിന് മുന്നെ തന്നെ കളി ജയിക്കാനുള്ള ടാലന്റ് ഉണ്ടായിരുന്നു.

90ആം മിനുട്ടിൽ പെനാൾട്ടി ബോക്സിന്റെ എഡ്ജിൽ നിന്ന് ഒൾഗ കാർമോണയുടെ സ്ട്രൈക്ക് സ്പെയിന് വിജയം നൽകി. കാർമോണയുടെ സ്പാനിഷ് കരിയറിലെ രണ്ടാം ഗോൾ മാത്രമായിരുന്നു.

വനിതാ ഫുട്ബോൾ ലോകകപ്പിൽ സ്പെയിൻ അവരുടെ സ്വപ്ന കുതിപ്പ് തുടരുന്നു‌. ഇന്ന് സ്പെയിൻ കഴിഞ്ഞ ലോകകപ്പിലെ റണ്ണേഴ്സ് അപ്പായിരുന്ന നെതർലന്റ്സിനെ പരാജയപ്പെടുത്തി സെമി ഫൈനലിലേക്ക് മുന്നേറി. എക്സ്ട്രാ ടൈമിൽ ഒന്നിനെതിരെ രണ്ടു ഗോളിനായിരുന്നു സ്പെയിനിന്റെ വിജയം. ഇതാദ്യമായാണ് സ്പെയിൻ വനിതാ ലോകകപ്പ് സെമിയിൽ എത്തുന്നത്.

ഇന്ന് മത്സരം അവസാനിക്കാൻ 9 മിനുട്ട് മാത്രം ബാക്കിയിരിക്കെ ഒരു പെനാൾട്ടിയിൽ നിന്നാണ് സ്പെയിൻ ഇന്ന് ആദ്യ ഗോൾ കണ്ടെത്തിയത്‌. പെനാൾട്ടി മരിയ കാൾഡെന്റ്ലി ലക്ഷ്യത്തിൽ എത്തിച്ചു. സ്പെയിൻ വിജയത്തിലേക്ക് എന്ന് കരുതി എങ്കിലും മത്സരത്തിന്റെ ഇഞ്ച്വറി ടൈമിൽ വെറ്ററം താരം വാൻ ഡെ ഗ്രാഗ്റ്റ് നെതർലന്റ്സിന് സമനില നൽകി. തുടർന്ന് കളി എക്സ്ട്രാ ടൈമിലേക്ക്.

എക്സ്ട്രാ ടൈമിന്റെ രണ്ടാം പകുതിയിൽ ടീനേജ് താരം സൽമ പരയേലോ ഇടതു വിങ്ങിലൂടെ കുതിച്ച് വന്ന് നടത്തിയ ഫിനിഷ് സ്പെയിനിനെ വീണ്ടും മുന്നിലെത്തിച്ചു. ഇത് വിജയ ഗോളായി മാറി. ജപ്പാനും സ്വീഡനും തമ്മിലുള്ള മത്സരത്തിലെ വിജയികളെ ആകും സ്പെയിൻ സെമി ഫൈനലിൽ നേരിടുക.

വനിതാ ഫുട്ബോൾ ലോകകപ്പിലെ ആദ്യ പ്രീക്വാർട്ടർ ഫൈനൽ സ്പെയിൻ വിജയിച്ചു. ഇന്ന് സ്വിറ്റ്സർലാന്റിനെ നേരിട്ട സ്പെയിൻ ഒന്നിനെതിരെ അഞ്ചു ഗോളുകളുടെ വിജയമാണ് നേടിയത്. ഗ്രൂപ്പ് ഘട്ടത്തിൽ ഫിനിഷിംഗിലെ പോരായ്മകൾ ആയിരുന്നു സ്പെയിനിനെ അലട്ടിയിരുന്നത്. ആ വിമർശനങ്ങൾക്ക് അവസാനമിടുന്ന പ്രകടനമാണ് ഇന്ന് സ്പാനിഷ് മുന്നേറ്റ നിര നടത്തിയത്. ഇരട്ട ഗോളും ഇരട്ട അസിസ്റ്റുമായി ബാഴ്സലോണ താരം ഐറ്റാന ബൊന്മാറ്റി ഇന്ന് മികച്ചു നിന്നു.

മത്സരത്തിന്റെ അഞ്ചാം മിനുട്ടിൽ തന്നെ ഐറ്റാനയിലൂടെ സ്പെയിൻ ലീഡ് നേടി. ഒരു സെൽഫ് ഗോളിലൂടെ 11ആം മിനുട്ടിൽ സ്വിറ്റ്സർലാന്റ് ആ ഗോൾ മടക്കിയപ്പോൾ ഒപ്പത്തിനൊപ്പം ഉള്ള ഒരു പോരാട്ടമാണ് പ്രതീക്ഷിച്ചത്. എന്നാൽ പിന്നീട് കണ്ടത് സ്പെയിനിന്റെ ആധിപത്യമായിരുന്നു.

17ആം മിനുട്ടിൽ ഐറ്റാൻ ബൊന്മാറ്റിയുടെ പാസിൽ നിന്ന് റെദോന്തോ ഫെറർ സ്പെയിനിന് ലീഡ് തിരികെ നൽകി. 36ആം മിനുട്ടിൽ ഐറ്റാന തന്റെ രണ്ടാം ഗോൾ കണ്ടെത്തി‌. ആദ്യ പകുതി അവസാനിക്കും മുമ്പ് കൊദീന പനെദസും സ്പെയിനിനായി ഗോൾ നേടി‌. സ്കോർ 4-1.

രണ്ടാം പകുതിയിൽ ഹെർമോസോ കൂടെ ഗോൾ നേടിയതോടെ സ്പെയിൻ വിജയം ഉറപ്പിച്ചു. ഈ ഗോളും ഒരുക്കിയത് ഐറ്റാന ആയിരുന്നു. ഒരു ഷോട്ട് ടാർഗറ്റിലേക്ക് തൊടുക്കാ‌ൻ പോലും ഇന്ന് സ്വിറ്റ്സർലാന്റിനായില്ല. സ്പെയിൻ ഇതാദ്യമായാണ് വനിതാ ലോകകപ്പിൽ ഒരു നോക്കൗട്ട് മത്സരം വിജയിക്കുന്നത്. നെതർലന്റ്സും

വനിതാ ഫുട്ബോൾ ലോകകപ്പിൽ കരുത്തരായ ജപ്പാനെ തകർത്തെറിഞ്ഞ് ജപ്പാൻ. ഇന്ന് ഗ്രൂപ്പ് ഘട്ടത്തിലെ അവസാന മത്സരത്തിൽ ജപ്പാൻ സ്പെയിനിനെ എതിരില്ലാത്ത് നാലു ഗോളുകൾക്ക് ആണ് പരാജയപ്പെടുത്തിയത്‌. ഈ വിജയം ജപ്പാനെ ഗ്രൂപ്പ് ചാമ്പ്യന്മാരാക്കി മാറ്റി. കൗണ്ടർ അറ്റാക്കുകളിലൂടെയും കിട്ടിയ അവസരങ്ങൾ കൃത്യമായി ഉപയോഗിച്ചും സ്പെയിനിനെ ജപ്പാൻ ഇന്ന് വട്ടം കറക്കി.

12ആം മിനുട്ടിൽ ഹിനറ്റ മിയസവ ജപ്പാന് ലീഡ് നൽകി. ജപ്പാന്റെ ടാർഗറ്റിലേക്കുള്ള ആദ്യ ഷോട്ടായിരുന്നു ഇത്. പിന്നാലെ 29ആം മിനുട്ടിൽ റികൊ ഉയേകി ലീഡ് ഇരട്ടിയാക്കി. മിയസവയുടെ അസിസ്റ്റിൽ നിന്നാണ് ഉയേകിയുടെ മനോഹരമായ ഫിനിഷ്.

ആദ്യ പകുതി അവസാനിക്കും മുമ്പ് മിയസവ വീണ്ടും ജപ്പാനായി വല കണ്ടെത്തി. സ്പെയിനിന്റെ ഒരു മിസ് പാസ് കൈക്കലാക്കി തുടങ്ങിയ അറ്റാക്കിന് ഒടുവിലായിരുന്നു ഈ ഗോൾ. ആദ്യ പകുതിയിൽ തന്നെ ജപ്പാൻ 3 ഗോളിന് മുന്നിൽ. ആദ്യ പകുതിയിൽ ജപ്പാന്റെ ടാർഗറ്റിലേക്കുള്ള മൂന്ന് ഷോട്ടുകളും ഇത് മാത്രമായിരുന്നു. അത്ര ക്ലിനിക്കൽ ആയിരുന്നു അവരുടെ പ്രകടനം.

രണ്ടാം പകുതിയിലും ജപ്പാൻ തന്നെ മികച്ചു നിന്നു. മത്സരത്തിന്റെ 82ആം മിനുട്ടിൽ സബ്ബായി എത്തിയ മിന തനാക ഒരു നല്ല സോളോ റണ്ണിന് ഒടുവിൽ തന്റെ ഇടം കാലു കൊണ്ട് പന്ത് വലയിൽ എത്തിച്ചു‌ സ്കോർ 4-0. സ്പെയിൻ തീർത്തും പരാജയം സമ്മതിച്ച നിമിഷം.

ഈ വിജയത്തോടെ 9 പോയിന്റുമായി ജപ്പാൻ ഗ്രൂപ്പ് ചാമ്പ്യന്മാരായി. 6 പോയിന്റുമായി സ്പെയിൻ രണ്ടാം സ്ഥാനം ഉറപ്പിച്ചു‌. ഇരുവരും ഈ മത്സരത്തിനു മുമ്പ് തന്നെ ക്വാർട്ടർ ഫൈനൽ ഉറപ്പിച്ചിരുന്നു.

വനിതാ ഫുട്ബോൾ ലോകകപ്പിൽ സ്പെയിൻ പ്രീക്വാർട്ടർ ഉറപ്പിച്ചു‌. ഇന്ന് ഗ്രൂപ്പ് സിയിലെ അവരുടെ രണ്ടാം മത്സരത്തിൽ സാംബിയയെ നേരിട്ട സ്പെയിൻ എതിരില്ലാത്ത അഞ്ച്യ് ഗോളുകൾക്ക് ആണ് വിജയിച്ചത്. ബാഴ്സലോണ താരം ഹെർമോസോയുടെ ഇരട്ട ഗോളുകൾ സ്പെയിനിന്റെ വിജയത്തിൽ നിർണായകമായി. കഴിഞ്ഞ മത്സരത്തിൽ സ്പെയിൻ കോസ്റ്റാറിക്കയെയും തോൽപ്പിച്ചിരുന്നു.

ഇന്ന് മത്സരം ആരംഭിച്ച് ആദ്യ 13 മിനുട്ടിൽ തന്നെ സ്പെയിൻ രണ്ട് ഗോളുകൾക്ക് മുന്നിൽ എത്തിയിരുന്നു. ഒമ്പതാം മിനുട്ടിൽ അബിയേര ദുയെനസ് ആണ് സ്പെയിന് ലീഡ് നൽകിയത്‌‌. പിന്നാലെ 13ആം മിനുട്ടിൽ ഹെർമോസോയുടെ ഫിനിഷ് ലീഡ് ഇരട്ടിയാക്കി. ആദ്യ പകുതി 2-0ന് അവസാനിച്ചു.

രണ്ടാം പകുതിയിൽ 69ആം മിനുട്ടിൽ ലെവന്റെ താരം റെദൊന്തോ ഫെറർ സ്പെയിന്റെ മൂന്നാം ഗോൾ നേടി. 73ആം മിനുട്ടിൽ ഹെർമോസോയുടെ രണ്ടാം ഗോൾ കൂടെ വന്നതോടെ സാംബിയ കളിയിൽ നിന്ന് ദൂരെ ആയി. ഈ രണ്ട് ഗോളുകളോടെ ഹെർമോസൊ സ്പെയിനിനായുള്ള തന്റെ ഗോൾ നേട്ടം 50 ആക്കി ഉയർത്തി. ഹെർമോസോയുടെ നൂറാം അന്താരാഷ്ട്ര മത്സരമായിരുന്നു ഇത്. ഇതിനു പിന്നാലെ 87ആം മിനുട്ടിൽ വീണ്ടും ഫെറർ വലയിൽ പന്ത് എത്തിച്ചു. സ്കോർ 5-0.

ഈ വിജയത്തോടെ സ്പെയിനും ജപ്പാനും 6 പോയിന്റുമായി പ്രീക്വാർട്ടർ യോഗ്യത നേടി‌. ഇനി ഗ്രൂപ്പിലെ അവസാന മത്സരത്തിൽ ഗ്രൂപ്പ് ജേതാക്കളെ നിർണയിക്കുന്ന മത്സരത്തിൽ സ്പെയിനും ജപ്പാനും ഏറ്റുമുട്ടും.

വനിതാ ഫുട്ബോൾ ലോകകപ്പിൽ സ്പെയിന് ഗംഭീര തുടക്കം. ഇന്ന് ഗ്രൂപ്പ് സിയിലെ ആദ്യ മത്സരത്തിൽ സ്പെയിൻ കോസ്റ്റാറിക്കയെ എതിരില്ലാത്ത മൂന്ന് ഗോളുകൾക്കാണ് തോൽപ്പിച്ചത്. സ്പെയിനിന്റെ സർവ്വാധിപത്യം കണ്ട മത്സരത്തിൽ 3 ഗോളുകൾ മാത്രമേ വന്നിട്ടുള്ളൂ എന്നത് അത്ഭുതമാണ്. 46 ഷോട്ടുകൾ ആണ് സ്പെയിൻ ഇന്ന് തൊടുത്തത്. ഫിനിഷിംഗിലെ പോരായ്മ ആണ് സ്പെയിന് ഇന്ന് ആകെ ഉണ്ടാകാൻ പോകുന്ന നിരാശ.

21ആം മിനുട്ടിൽ ഒരു സെൽഫ് ഗോളിലൂടെ ആണ് സ്പെയിൻ ലീഡ് എടുത്തത്. പിന്നാലെ 23ആം മിനുട്ടിൽ ബാഴ്സലോണ താരം ഐതാന ബൊന്മാറ്റി ലീഡ് ഇരട്ടിയാക്കി. 27ആം മിനുട്ടിൽ റയൽ മാഡ്രിഡ് താരം എസ്തർ ഗോൺസാലസ് സ്പെയിനിന്റെ മൂന്നാം ഗോളും നേടി. ഇതോടെ തന്നെ അവർ വിജയം ഉറപ്പിച്ചു. മത്സരത്തിൽ 82% ആയിരുന്നു സ്പെയിനിന്റെ ബോൾ പൊസഷൻ. ഇനി ജപ്പാനും സാംബിയയും ആണ് സ്പെയിനിന്റെ ഗ്രൂപ്പിലെ എതിരാളികൾ.