Category: FIFA World Cup

ഫിഫ ലോകകപ്പ് 2026 ജൂൺ 11 മുതൽ ജൂലൈ 19 വരെ നടക്കും എന്ന് ഫിഫ അറിയിച്ചു. മെക്‌സിക്കോ സിറ്റിയിലെ ഐതിഹാസിക സ്റ്റേഡിയമായ ആസ്‌ടെക്ക സ്റ്റേഡിയത്തിൽ ലോകകപ്പിലെ ഉദ്ഘാടന മത്സരം നടക്കുമെന്നും ഫിഫ അറിയിച്ചു. 48 ടീമുകളുടെ ലോകകപ്പ് ടൂർണമെൻ്റിന് മെക്സിക്കോ, യുണൈറ്റഡ് സ്റ്റേറ്റ്സ്, കാനഡ എന്നിവരാണ് സംയുക്തമായി ആതിഥേയത്വം വഹിക്കുന്നത്.

1970ലും 1986ലും ലോകകപ്പ് ഫൈനൽ മത്സരങ്ങൾക്ക് ആതിഥേയത്വം വഹിച്ച ഗ്രൗണ്ടാണ് ആസ്ടെക്ക സ്റ്റേഡിയം. ന്യൂയോർക്ക്/ന്യൂജേഴ്‌സിയിലെ മെറ്റ്‌ലൈഫ് സ്റ്റേഡിയത്തിലാണ് ഫൈനൽ നടക്കുക. 82,500 സീറ്റുകളുള്ള മെറ്റ്‌ലൈഫ് സ്റ്റേഡിയം NFL-ലെ ന്യൂയോർക്ക് ജയൻ്റ്‌സിൻ്റെയും ന്യൂയോർക്ക് ജെറ്റ്‌സിൻ്റെയും ഗ്രൗണ്ടാണ്. 2016 കോപ്പ അമേരിക്ക ടൂർണമെൻ്റിൻ്റെ ഫൈനൽ ഉൾപ്പെടെ നിരവധി അന്താരാഷ്ട്ര ഫുട്‌ബോൾ ഗെയിമുകൾ അവിടെ നടന്നിട്ടുണ്ട്.

ആതിഥേയരായ ഓസ്ട്രേലിയയെ സെമി ഫൈനലിൽ തോൽപ്പിച്ച് കൊണ്ട് ഇംഗ്ലണ്ട് വനിതാ ഫുട്ബോൾ ലോകകപ്പ് ഫൈനലിൽ. ഇന്ന് നടന്ന ആവേശകരമായ സെമി ഫൈനലിൽ ഒന്നിനെതിരെ മൂന്നു ഗോളുകൾക്ക് ആയിരുന്നു ഇംഗ്ലണ്ട് വിജയം. ഇംഗ്ലണ്ട് ഇതാദ്യമായാണ് വനിതാ ലോകകപ്പ് ഫൈനലിൽ എത്തുന്നത്. അവർ ഇപ്പോൾ നിലവിലെ യൂറോ ചാമ്പ്യന്മാരാണ്.

ഇന്ന് ആദ്യ പകുതിയിൽ ഇരുടീമുകളും ഒപ്പത്തിനൊപ്പം നിന്നു. ഇംഗ്ലണ്ട് കൂടുതൽ പന്ത് കൈവശം വെച്ചു എങ്കിലും ഓസ്ട്രേലിയയും മികച്ച നീക്കങ്ങളുമായി കളിയിൽ സജീവമായിരുന്നു. 36ആം മിനുട്ടിൽ എല്ലാ ടൂണിലൂടെ ഇംഗ്ലണ്ട് ലീഡ് എടുത്തു‌. ആദ്യ പകുതിയിൽ ഇംഗ്ലണ്ട് ഈ ലീഡ് നിലനിർത്തി. രണ്ടാം പകുതിയിൽ ഓസ്ട്രേലിയൻ ക്യാപ്റ്റൻ സാം കെറിലൂടെ ഓസ്ട്രേലിയ സമനില നേടി.സ്കോർ 1-1

71ആം മിനുട്ടിൽ ഓസ്ട്രേലിയയുടെ ഒരു ഡിഫൻസീവ് എറർ മുതലെടുത്ത് ലോറൻ ഹമ്പിലൂടെ ഇംഗ്ലണ്ട് വീണ്ടും ലീഡ് നേടി. പിന്നെ ഓസ്ട്രേലിയ പൂർണ്ണമായും അറ്റാക്കിലേക്ക് തിരിഞ്ഞെങ്കിലും ഫലം ഉണ്ടായില്ല. 86ആം മിനുട്ടിൽ അലീസ റുസ്സോ മൂന്നാം ഗോൾ കൂടെ നേടിയതോടെ ഇംഗ്ലണ്ട് വിജയം ഉറപ്പായി. ഫൈനലിൽ അവർ ഇനി സ്പെയിനെ ആകും നേരിടുക.

വനിതാ ലോകകപ്പിൽ ഫ്രാൻസിനെ തോൽപ്പിച്ച് ആതിഥേയരായ ഓസ്ട്രേലിയ സെമി ഫൈനലിൽ. പെനാൾട്ടി ഷൂട്ടൗട്ട് വരെ നീണ്ടു നിന്ന മത്സരത്തിൽ ഓസ്ട്രേലിയ ഫ്രാൻസിനെ മറികടക്കുകയായിരുന്നു. നിശ്ചിത സമയത്തും എക്സ്ട്രാ ടൈമിലും ഗോൾ പിറക്കാതിരുന്ന മത്സരത്തിൽ പത്ത് പെനാൾട്ടികൾ ഇരു ടീമും എടുക്കേണ്ടി വന്നു വിജയികളെ തീരുമാനിക്കാൻ. ഓസ്ട്രേലിയയുടെ ആദ്യ ലോകകപ്പ് സെമി ഫൈനൽ പ്രവേശമാണിത്.

ഇന്ന് ഓസ്ട്രേലിയയും ഫ്രാൻസും തമ്മിൽ നടന്ന പോരാട്ടത്തിൽ ഗോൾ വീണില്ല എങ്കിലും ഒരു ഗംഭീര എന്റർടെയ്നറായിരുന്നു ഇന്നത്തെ മത്സരം. അറ്റാക്ക് ചെയ്ത് കളിച്ച ഓസ്ട്രേലിയ തന്നെ കളിയിൽ കൂടുതൽ അവസരങ്ങൾ സൃഷ്ടിച്ചത്. പക്ഷെ പന്ത് ലക്ഷ്യത്തിലേക്ക് എത്തിക്കാൻ മാത്രം ഓസ്ട്രേലിയക്ക് ആയില്ല. സാം കെർ ഇന്ന് ആദ്യ ഇലവനിൽ ഇല്ലാതിരുന്നതും ഓസ്ട്രേലിയയുടെ ഫിനിഷിംഗിനെ ബാധിച്ചു.

യുവതാരം മേരി ഫൗളർ നല്ല പ്രകടനം ഓസ്ട്രേലിയക്ക് ആയി കാഴ്ചവെച്ചു. എലിസ ദി അൽമേഡയുടെ ഒരു മികച്ച ബ്ലോക്ക് ഫ്രാൻസിനെ ഗോൾ വഴങ്ങാതെ കാത്തു. രണ്ടാം പകുതിയിൽ ഓസ്ട്രേലിയ ക്യാപ്റ്റൻ സാം കെർ കളത്തിൽ ഇറങ്ങി‌. 90 മിനുട്ടും ഗോൾ വീഴാതായതോടെ കളി എക്സ്ട്രാ ടൈമിലേക്ക് നീങ്ങി.

എക്സ്ട്രാ ടൈമിലേക്ക് കളി നീങ്ങിയപ്പോൾ ഫ്രാൻസ് കൂടുതൽ അവസരങ്ങൾ സൃഷ്ടിക്കാൻ തുടങ്ങി. ഓസ്ട്രേലിയൻ കീപ്പർ മക്കെൻസി അർനോൾഡിന്റെ നല്ല സേവുകൾ വേണ്ടി വന്നു കളി സമനിലയിൽ നിൽക്കാൻ. അവസാനം പെനാൾട്ടിക്ക് മുമ്പ് ഫ്രാൻസ് ഗോൾ കീപ്പർ ഡുറാണ്ടിനെ കളത്തിൽ എത്തിച്ചു. കളി പെനാൾട്ടിയിലേക്കും നീങ്ങി.

സെൽമ ബാഷ എടുത്ത ആദ്യ കിക്ക് മക്കെൻസി അർനോൾഡ് തടഞ്ഞു. ഫൂർഡ് ഓസ്ട്രേലിയയുടെ ആദ്യ കിക്ക് ലക്ഷ്യത്തിൽ എത്തിച്ചു. ഓസ്ട്രേലിയ 1-0ന് മുന്നിൽ. ഫ്രാൻസിന്റെ രണ്ടാം കിക്ക് ഡിയാനി ലക്ഷ്യത്തിൽ എത്തിച്ചപ്പോൾ ഓസ്ട്രേലിയയുടെ കാറ്റ്ലിയുടെ കിക്ക് ഡുറാണ്ട് തടഞ്ഞു. സ്കോർ 1-1.

വെൻഡി എടുത്ത പെനാൾട്ടി കിക്കുൻ സാം കെർ എടുത്ത കിക്കും ലക്ഷ്യത്തിൽ എത്തിച്ചതോടെ സ്കോർ 2-2 ആയി. ലെ സൊമ്മറിന്റെ കിക്ക് വലയിൽ എത്തിയതോടെ ഫ്രാൻസ് 3-2ന് മുന്നിൽ എത്തി. മേരി ഫൗളർ എടുത്ത ഓസ്ട്രേലിയയുടെ നാലാം കിക്ക് ലക്ഷ്യത്തിൽ എത്തിച്ചു. സ്കോർ 3-3.

ഫ്രാൻസിന്റെ അഞ്ചാം കിക്ക് എടുത്ത പെരിസെക്ക് ലക്ഷ്യം കാണാൻ ആയില്ല. മക്കെൻസി അർനോൾഡിന്റെ കൈവിരലുകളും പോസ്റ്റും ചേർന്ന് തടഞ്ഞും സ്കോർ 3-3 തന്നെ. അഞ്ചാം കിക്ക് എടുക്കാൻ മക്കെൻസി തന്നെ വന്നു. കിക്ക് ലക്ഷ്യത്തിൽ എത്തിയിരുന്നു എങ്കിൽ ഓസ്ട്രേലിയ സെമിയിൽ എത്തിയേനെ. പക്ഷെ മക്കെൻസിയുടെ ഷോട്ടും പോസ്റ്റിൽ തട്ടി മടങ്ങി. സ്കോർ 3-3 തന്നെ. കളി സഡൻ ഡെത്തിലേക്ക്.

ഗെയോരോയും കത്രിന ഗോരിയും സ്കോർ ചെയ്തു. സ്കോർ 4-4. കർഷോയിയും യെല്ലോപും അടുത്ത കിക്കുകൾ വലയിൽ എത്തിച്ചു. 5-5. ഫ്രാംസിന്റെ എട്ടാമത്തെ കിക്ക് ലക്രാർ ലക്ഷ്യത്തിൽ എത്തിച്ചു. സ്കോർ 6-5. ഓസ്ട്രേലിയക്ക് ആയി കാരൊഎന്ററും ലക്ഷ്യം കണ്ടു. 6-6. പെനാൾട്ടി കിക്ക് ഒമ്പതാം കിക്കിലേക്ക്. ഒമ്പാതാം കിക്ക് മക്കെൻസി ആദ്യം സേവ് ചെയ്തപ്പോൾ അവർ ഗോൾ ലൈൻ വിട്ടെന്ന് വാർ വിധിച്ചു. ആ കിക്ക് വീണ്ടും എടുത്തപ്പോൾ മക്കെൻസി വീണ്ടും തടഞ്ഞു‌. ഓസ്ട്രേലിയക്ക് വീണ്ടും വിജയം കയ്യെത്തും ദൂരത്ത്‌.

വിജയ ഗോളാകുമായിരുന്ന കിക്ക് ലക്ഷ്യത്തിൽ എത്തിക്കാൻ ഹണ്ടിനായില്ല. സ്കോർ തുല്യം. പത്താം കിക്ക് എടുത്ത ഫ്രാൻസ് വീണ്ടും ലക്ഷ്യം കണ്ടില്ല. വീണ്ടും ഓസ്ട്രേലിയക്ക് മുന്നിൽ അവസരം. അവസാനം കോർട്നി വൈൻ ആ അവസരം മുതലെടുത്ത് ഓസ്ട്രേലിയയെ സെമി ഫൈനലിലേക്ക് എത്തിച്ചു.

വനിതാ ലോകകപ്പിൽ ആതിഥേയരായ ഓസ്‌ട്രേലിയയുടെ കുതിപ്പ്. ഡെൻമാർക്കിനെ എതിരില്ലാത്ത രണ്ടു ഗോളുകൾക്ക് തകർത്ത് കൊണ്ട് അവർ അവസാന എട്ടിലേക്ക് മാർച്ച് ചെയ്തു. കൈറ്റ്ലിൻ ഫൂർഡ്, ഹാലെയ് റാസോ എന്നിവർ വല കുലുക്കി. ജയത്തിന് പുറമെ സൂപ്പർ താരം സാം കെർ പരിക്ക് ഭേദമായി കളത്തിലേക്ക് തിരിച്ചു വന്നത് ടീമിന് കൂടുതൽ ഊർജം പകരും. ഗ്രൂപ്പ് സ്റ്റേജ് മത്സരങ്ങൾ നഷ്ടമായ താരത്തിന്റെ സേവനം നിർണായകമായ നോക്ഔട്ട് മത്സരങ്ങളിൽ ഓസ്‌ട്രേലിയക്ക് ലഭിക്കും.

ആതിഥേയരുടെ നീക്കങ്ങൾക്ക് മധ്യനിരയിൽ തന്നെ തടയിടനുള്ള തന്ത്രങ്ങളുമായാണ് ഡെന്മാർക്ക് കളത്തിൽ ഇറങ്ങിയത്. ആദ്യ നിമിഷങ്ങളിൽ ഓസ്‌ട്രേലിയക്ക് ഒത്ത എതിരാളികൾ ആണ് തങ്ങളെന്ന സൂചന അവർ നൽകി. എന്നാൽ മികച്ചൊരു കൗണ്ടർ അറ്റാക്ക് ഗോളുമായാണ് ഓസ്‌ട്രേലിയൻ ഇതിന് മറുപടി നൽകിയത്. ഡെന്മാർക്ക് മുന്നേറ്റത്തിന് തടയിട്ട ഓസ്‌ട്രേലിയൻ പ്രതിരോധം ഫൗളറിലൂടെ മറു നീക്കം ആരംഭിച്ചു. താരം കൃത്യമായി ഓടിക്കയറിയ ഫൂർഡിന് ബോൾ കൈമാറി. ആഴ്‌സനൽ താരം കീപ്പറേ മറികടന്ന് മത്സരത്തിലെ ആദ്യ ഗോൾ കുറിച്ചു. 29ആം മിനിറ്റിലാണ് ഗോൾ പിറന്നത്. 38 ആം മിനിറ്റിൽ താരത്തിന്റെ മറ്റൊരു ഷോട്ട് ലക്ഷ്യത്തിൽ നിന്നും അകന്ന് പോയി. പന്ത് കൂടുതൽ കൈവശം വെക്കാനുള്ള ഡെന്മാർക്കിന്റെ ശ്രമം പക്ഷെ കൃത്യമായ അവസരങ്ങൾ സൃഷ്ടിക്കാൻ പൊന്നതായിരുന്നില്ല. 70 ആം മിനിറ്റിൽ ഓസ്‌ട്രേലിയ രണ്ടാം ഗോൾ നേടി. ഡെന്മാർക്ക് ബോസ്‌കിലേക്ക് കയറിയ മുന്നേറ്റം ഒഴിഞ്ഞു നിന്ന റസോയിലേക്ക് എത്തിയപ്പോൾ താരം അനായാസം ലക്ഷ്യം കണ്ടു. 77 ആം മിനിറ്റിൽ ഡെന്മാർക്ക് ഫ്രീകിക്ക് ഓസ്‌ട്രേലിയൻ പ്രതിരോധം രക്ഷപ്പെടുത്തി. 78ആം മിനിറ്റിൽ സാം കെർ കളത്തിൽ എത്തി. കാനഡക്കെതിരെ ജീവൻമരണ പോരാട്ടത്തോട് പ്രീ ക്വർട്ടറിലേക്ക് കടന്ന ഓസ്ട്രേലിയക്ക് ഇന്നത്തെ ഫലവും നൽകുന്ന ആത്മവിശ്വാസം ചെറുതാകില്ല.

വനിതാ ലോകകപ്പ് ഫുട്ബോളിൽ യൂറോ ചാമ്പ്യന്മാരായ ഇംഗ്ലണ്ട് ക്വാർട്ടർ ഫൈനലിൽ. ഇന്ന് പെനാൾട്ടി ഷൂട്ടൗട്ട് വരെ നീണ്ട മത്സറ്റത്തിൽ നൈജീരിയയെ തോൽപ്പിച്ച് ആണ് ഇംഗ്ലണ്ട് ക്വാർട്ടർ ഉറപ്പിച്ചത്. ഇന്ന് നിശ്ചിത സമയത്തും എക്സ്ട്രാ ടൈമിലും മത്സരം ഗോൾ രഹിതമായിരുന്നു. 4-2 എന്ന സ്കോറിനാണ് പെനാൾട്ടി ഷൂട്ടൗട്ടിൽ ഇംഗ്ലണ്ട് വിജയിച്ചത്.

ഇന്ന് ഇംഗ്ലണ്ടിനെതിരെ മികച്ച പ്രകടനം തന്നെ നൈജീരിയ കാഴ്ചവെച്ചു. ഇംഗ്ലണ്ടിനെ അധികം അറ്റാക്ക് ചെയ്യാൻ വിടാതെ ഗോൾ രഹിതമായി കളി നിർത്താൻ അവർക്ക് ആയി. മത്സരത്തിന്റെ 87ആം മിനുട്ടിൽ ലൗറെൻ ജെയിംസ് ചുവപ്പ് കാർഡ് വാങ്ങി പുറത്ത് പോയത് ഇംഗ്ലണ്ടിന് തിരിച്ചടിയായി. പത്തു പേരുമായി എക്സ്ട്രാ ടൈം കളിച്ച ഇംഗ്ലണ്ട് ഗോൾ വഴങ്ങാതെ പിടിച്ചു നിന്ന് കളി പെനാൾട്ടി ഷൂട്ടൗട്ടിൽ എത്തിച്ചു.

ഇംഗ്ലണ്ടിന്റെ ആദ്യ കിക്ക് എടുത്ത സ്റ്റാന്വേ വലിയ വ്യത്യാസത്തിൽ പുറത്തേക്ക് പോയി. ഡെസ്റെ എടുത്ത നൈജീരിയയുടെ ആദ്യ കിക്കും സമാനമായ രീതിയിൽ പുറത്ത് പോയി. ബെതനിയുടെ കിക്ക് വലയിൽ ആവുകയും നൈജീരിയൻ താരം അലോസിയുടെ കിക്ക് പുറത്ത് പോവുകയും ചെയ്തതോടെ ഇംഗ്ലണ്ടിന് മുൻതൂക്കമായി.

റാഷേൽ ഡാലി ഇംഗ്ലണ്ടിന്റെ മൂന്നാം കിക്ക് വലയിൽ എത്തിച്ചു. അജിബാദെ നൈജീരിയക്ക് ആയും സ്കോർ ചെയ്തു. 3 കിക്ക് കഴിഞ്ഞപ്പോൾ സ്കോർ 2-1. ഇംഗ്ലണ്ടിന് അനുകൂലം. പിന്നാലെ ഗ്രീൻവുഡും പന്ത് വലയിൽ എത്തിച്ചു. സ്കോർ 3-1. ഉഷെബിയും ഗോൾ നേടി. സ്കോർ 3-2. കെല്ലിയുടെ അഞ്ചാം കിക്ക് വലയിൽ എത്തിയതോടെ ഇംഗ്ലണ്ട് വിജയിച്ചു. ജമൈക്കയും കൊളംബിയയും തമ്മിലുള്ള മത്സരത്തിലെ വിജയികൾ ആകും ക്വാർട്ടറിൽ ഇംഗ്ലണ്ടിന്റെ എതിരാളികൾ.