Tag: Shivam Dube

ഇംഗ്ലണ്ടിന് എതിരായ അവസാന ടി20യിൽ ഇന്ത്യക്ക് കൂറ്റൻ സ്കോർ. ഇന്ന് അഭിഷേക് ശർമ്മയുടെ തകർപ്പൻ സെഞ്ച്വറി കണ്ട മത്സരത്തിൽ 20 ഓവറിൽ ഇന്ത്യ 247/9 റൺസ് എടുത്തു. അഭിഷേക് 54 പന്തിൽ 135 റൺസ് ആണ് എടുത്തത്. 13 സിക്സും 7 ഫോറും അഭിഷേകിന്റെ ബാറ്റിൽ നിന്ന് പിറന്നു. അഭിഷേക് ഇന്ന് 37 പന്തിൽ നിന്ന് സെഞ്ച്വറി നേടി കൊണ്ട് ഇന്ത്യയുടെ ഏറ്റവും വേഗതയാർന്ന രണ്ടാം ടി20 സെഞ്ച്വറിയുടെ ഉടമയായി.

ഇന്ന് തുടക്കത്തിൽ സഞ്ജു സാംസൺ ഇന്ത്യക്ക് അറ്റാക്കിംഗ് തുടക്കമാണ് നൽകിയത്. സഞ്ജു 7 പന്തിൽ നിന്ന് 2 സിക്സും ഒരു ഫോറും അടക്കം 16 റൺസ് എടുത്തു.

പിന്നലെ വന്ന തിലക് വർമ്മ 15 പന്തിൽ 24 റൺസ് നേടി. 2 റൺസ് എടുത്ത സൂര്യ നിരാശപ്പെടുത്തി എങ്കിലും പിറകെ വന്ന ദൂബെ അറ്റാക്ക് തുടർന്നു. അദ്ദേഹം 13 പന്തിൽ നിന്ന് 30 റൺസ് എടുത്തു. ഹാർദിക് ആക്രമിച്ചു കളിക്കാൻ ശ്രമിച്ച് 9 റൺസിൽ പുറത്തായി.

റിങ്കുവിനും 9 റൺസ് മാത്രമേ എടുക്കാൻ ആയിരുന്നുള്ളൂ. അവസാനം വിക്കറ്റുകൾ വീണത് ഇന്ത്യയെ 250 കടക്കുന്നതിൽ നിന്ന് തടഞ്ഞു.

ഇന്ന് ആർച്ചർ 4 ഓവറിൽ 55 റൺസ് വഴങ്ങി. ഇംഗ്ലണ്ട് ബൗളർമാരി കാർസ് മാത്രമെ 10ന് താഴെ ഇക്കോണമിയിൽ ബൗൾ ചെയ്തിള്ളൂ. അദ്ദേഹം 3 വിക്കറ്റും നേടി.

ഇംഗ്ലണ്ടിന് എതിരായ നാലാം ടി20യിൽ ഇന്ത്യക്ക് മികച്ച സ്കോർ. ഹാർദിക് പാണ്ഡ്യയുടെയും ശിവം ദൂബെയുടെയും മികവിൽ ഇന്ത്യ 20 ഓവറിൽ 181/9 റൺസ് ആണ് എടുത്തത്. തുടക്കത്തിൽ തന്നെ ഇന്ത്യൻ ബാറ്റിംഗ് തകരുന്നതാണ് ഇന്ന് കാണാൻ ആയത്.

മത്സരത്തിന്റെ രണ്ടാം ഓവറിൽ സാഖിബ് മഹ്മൂദ് ഇന്ത്യയുടെ മൂന്ന് ബാറ്റർമാരെ പുറത്താക്കി. 1 റൺസ് എടുത്ത് സഞ്ജുവും, റൺ ഒന്നും എടുക്കാതെ സൂര്യകുമാറുൻ തിലക് വർമയും ആണ് ഒരു ഓവറിൽ തന്നെ പുറത്തായത്.

ഇതിനു ശേഷം 19 പന്തിൽ നിന്ന് 29 റൺസ് എടുത്ത് അഭിഷേകും 26 പന്തിൽ 30 റൺസ് എടുത്ത് റിങ്കു സിങും ഇന്ത്യയെ കളിയിലേക്ക് തിരികെ കൊണ്ടു വന്നു. ഇതിനും ശേഷമായിരുന്നു ശിവം ദൂബെ – ഹാർദിക് പാണ്ഡ്യ കൂട്ടുകെട്ട്.

ഹാർദിക് പാണ്ഡ്യ 27 പന്തിലേക്ക് ഫിഫ്റ്റി നേടി. ഹാർദിക് ആകെ 30 പന്തിൽ നിന്ന് 53 റൺസ് നേടി. 4 സിക്സും 4 ഫോറും ഹാർദിക് അടിച്ചു. ശിവം ദൂബെ 34 പന്തിൽ നിന്ന് 53 റൺസും അടിച്ചു. ദൂബെ 2 സിക്സും 7 ഫോറും ആണ് അടിച്ചത്.