അമേരിക്കയ്ക്ക് എതിരായ മത്സരത്തിലെ വിജയത്തിൽ സൂര്യകുമാറിനെയും ശിവം ദൂബെയെയും പ്രശംസിച്ച് ക്യാപ്റ്റൻ രോഹിത് ശർമ്മ. സൂപ്പർ 8 ഉറപ്പിക്കാൻ ആയതിൽ സന്തോഷം ഉണ്ടെന്നും ക്രിക്കറ്റ് കളിക്കാൻ ഒട്ടും എളുപ്പമുള്ള പിച്ച് ആയിരുന്നില്ല ന്യൂയോർക്കിലേതെന്നും രോഹിത് പറഞ്ഞു.
ഈ മത്സരം കഠിനമായിരിക്കുമെന്ന് അറിയാമായിരുന്നു. ഇന്ന് പക്വത കാണിച്ചതിനും ഞങ്ങളെ മുന്നോട്ട് നയിച്ചതിനും സൂര്യയ്ക്കും ദുബെയ്ക്കും ക്രെഡിറ്റ് നൽകുന്നു. രോഹിത് മത്സര ശേഷം പറഞ്ഞു. ഇരുവരുടെയും കൂട്ടുകെട്ട് ആയിരുന്നു ഇന്ത്യയെ വിജയത്തിലേക്ക് നയിച്ചത്.
ഈ പിച്ചിൽ ഞങ്ങളെ ബൗളർമാർ മുന്നിൽ നിന്ന് നയിക്കുമെന്ന് ഞങ്ങൾക്ക് അറിയാമായിരുന്നു, റൺ സ്കോറിംഗ് ബുദ്ധിമുട്ടായിരുന്നു. എല്ലാ ബൗളർമാരും നല്ല ജോലി ചെയ്തു, പ്രത്യേകിച്ച് അർഷ്ദീപ്. രോഹിത് പറയുന്നു.
നിങ്ങൾക്ക് ബൗളിംഗിൽ ഓപ്ഷനുകൾ വേണം, ഇന്ന്, പിച്ച് സീമർമാർക്ക് അനുകൂലമായതിനാൽ ആണ് ദൂബയെ പരീക്ഷിച്ചത്. രോഹിത് കൂട്ടിച്ചേർത്തു.