ഇന്ത്യൻ ടേബിൾ ടെന്നീസ് ഇതിഹാസം ശരത് കമൽ വിരമിക്കൽ പ്രഖ്യാപിച്ചു. ഡബ്ല്യുടിടി ചെന്നൈ (മാർച്ച് 25-30) അദ്ദേഹത്തിൻ്റെ അവസാന ടൂർണമെൻ്റായിരിക്കും എന്ന് അദ്ദേഹം അറിയിച്ചു. അഞ്ച് ഒളിമ്പിക്സുകളിൽ ഇന്ത്യയെ പ്രതിനിധീകരിച്ച 42 കാരനായ അദ്ദേഹം രണ്ട് പതിറ്റാണ്ടിലേറെയായി കായികരംഗത്തെ പ്രബല വ്യക്തിയാണ്.
10 ദേശീയ കിരീടങ്ങളും ആറ് കോമൺവെൽത്ത് ഗെയിംസ് സ്വർണവും ഏഷ്യൻ ഗെയിംസ് മെഡലുകളും ശരത് നേടിയിട്ടുണ്ട്. അദ്ദേഹം തൻ്റെ ആദ്യ അന്താരാഷ്ട്ര ടൂർണമെൻ്റ് കളിച്ച ചെന്നൈ തന്നെ വിരമിക്കാൻ തിരഞ്ഞെടുക്കുക ആയിരുന്നു.
പാരീസ് ഒളിമ്പിക്സിൽ ടേബിൾ ടെന്നീസിൽ ഇന്ത്യൻ പ്രതീക്ഷയായ മണിക ബത്ര വനിതാ സിംഗിൾസിൽ അവസാന 32 ലേക്ക് മുന്നേറി. 18 സീഡ് ആയ ഇന്ത്യൻ താരം ബ്രിട്ടന്റെ അന്ന ഹർസയെ 5 ഗെയിം മത്സരത്തിൽ 11-8, 12-10, 11-9, 9-11, 11-5 എന്ന സ്കോറിന് ആണ് മറികടന്നത്.
അതേസമയം ഇന്ത്യൻ ഇതിഹാസ താരം ശരത് കമാൽ ഒളിമ്പിക് സിംഗിൾസിൽ നിന്നു പുറത്തായി. 6 ഗെയിം നീണ്ടു നിന്ന മത്സരത്തിൽ സ്ലോവാനിയൻ താരം ഡെനി കൗസലിനോട് 12-10, 9-11, 6-11, 7-11, 11-8, 10-12 എന്ന സ്കോറിന് ഖിയാണ് ശരത് കമാൽ തോറ്റത്. അവസാന സെറ്റിൽ നിരവധി സെറ്റ് പോയിന്റുകൾ കൈവിട്ടാണ് ഇന്ത്യൻ താരം പരാജയം ഏറ്റുവാങ്ങിയത്.
2024 പാരീസ് ഒളിമ്പിക്സിൽ ഇന്ത്യയുടെ പതാകവാഹകനാകുന്നത് ടേബിള് ടെന്നീസ് ഇതിഹാസം ശരത് കമാൽ. ബോക്സിംഗ് ഇതിഹാസം മേരി കോമിനെ ചെഫ് ഡി മിഷന് എന്ന വലിയ സ്ഥാനം ആണ് ഇന്ത്യന് ഒളിമ്പിക്സ് അസോസ്സിയേഷന് നൽകിയിരിക്കുന്നത്.
ടോക്കിയോ ഒളിമ്പിക്സിൽ നേടിയ 7 മെഡലുകളുടെ നേട്ടം മറികടക്കുക എന്ന ലക്ഷ്യമായിരിക്കും പാരീസിൽ ഇന്ത്യയ്ക്ക് മുന്നിലുള്ളത്. ലണ്ടന് ഒളിമ്പിക്സ് വെങ്കല മെഡൽ ജേതാവായ ഗഗന് നാരംഗ് പാരീസ് ഒളിമ്പിക്സിലെ ഷൂട്ടിംഗ് വില്ലേജിലെ കാര്യങ്ങളുടെ മേൽനോട്ട ചുമതല നൽകിയിട്ടുണ്ട്.
അത് പോലെ നീരജ് ചോപ്ര, വിനേഷ് ഫോഗട്ട് എന്നിവരുമായി സഹകരിച്ചിട്ടുള്ള ഡോ. ഡിന്ഷാ പാര്ഡിവാലയെ ചീഫ് മെഡിക്കൽ ഓഫീസറായും നിയമിച്ചിട്ടുണ്ട്.
ഐടിടിഎഫ് ലോക ടീം ടേബിള് ടെന്നീസ് ചാമ്പ്യന്ഷിപ്പ്സ് ഫൈനലിലേക്കുള്ള ഇന്ത്യയുടെ 10 അംഗ ടീമിനെ പ്രഖ്യാപിച്ചു. ശരത് കമാൽ പിന്മാറുവാന് തീരുമാനിച്ചപ്പോള് സത്യന് ജ്ഞാനശേഖരന് ആണ് ടീമിലെ പ്രധാന താരം. പുരുഷ ടീമിനെ സത്യനും വനിത ടീമിനെ മണികയും നയിക്കും.
സെപ്റ്റംബര് 30 മുതൽ ഒക്ടോബര് 9 വരെ ചൈനയിലെ ചെംഗ്ഡുവിലാണ് ചാമ്പ്യന്ഷിപ്പ് നടക്കുന്നത്.
പുരുഷ ടീം: സത്യന് ജ്ഞാനശേഖരന്, സനിൽ ഷെട്ടി, ഹര്മീത് ദേശായി, മനുഷ് ഷാ, മാനവ് താക്കര്
വനിത ടീം: മണിക ബത്ര, ശ്രീജ ആകുല, റീഥ് റിഷ്യ, ദിയ ചിടാലേ, സ്വാസ്തിക ഘോഷ്
കോമൺവെൽത്ത് ടേബിള് ടെന്നീസ് പുരുഷ സിംഗിള്സ് സ്വര്ണ്ണവും വെങ്കലവും നേടി ഇന്ത്യ. സ്വര്ണ്ണ മെഡൽ പോരാട്ടത്തിൽ ലിയാം പിച്ച്ഫോര്ഡിനെ ശരത് കമാൽ 4-1ന് പരാജയപ്പെടുത്തിയപ്പോള് പോള് ഡ്രിംഗ്ഹാളിനെതിരെ 4-3ന്റെ വിജയവുമായി സത്യന് ജ്ഞാനശേഖരന് വെങ്കലം സ്വന്തമാക്കി.
ശരത് കമാൽ ആദ്യ ഗെയിം 11-13ന് പിന്നിൽ പോയ ശേഷം മത്സരത്തിൽ തന്റെ വ്യക്തമായ മേൽക്കൈ നേടിയാണ് വിജയം കുറിച്ചത്. സ്കോര്: 11-13, 11-7, 11-2, 11-6, 11-8.
ആദ്യ മൂന്ന് ഗെയിം ജയിച്ച് സത്യന് വെങ്കലം അനായാസം നേടുമെന്ന തോന്നിപ്പിച്ച നിമിഷത്തിലാണ് ഡ്രിംഗ്ഹാളിന്റെ തിരിച്ചുവരവ് മത്സരത്തിൽ കാണുന്നത്. അവസാന ഗെയിമിൽ 11-9ന് ആണ് വിജയം സത്യന് സ്വന്തമാക്കിയത്.
സ്കോര്: 11-9, 11-3, 11-5, 8-11, 9-11, 10-12, 11-9.
ടേബിള് ടെന്നീസിലെ മിക്സഡ് ഡബിള്സ് സ്വര്ണ്ണം നേടി ഇന്ത്യയുടെ ശരത് കമാൽ – ശ്രീജ അകുല കൂട്ടുകെട്ട്. 3-1 എന്ന സ്കോറിനാണ് ഇന്ത്യന് ജോഡി മലേഷ്യയുടെ ചൂംഗ് – ലിന് കൂട്ടുകെട്ടിനെ ആണ് ഇന്ത്യന് താരങ്ങള് പരാജയപ്പെടുത്തിയത്. ശരത് കമാൽ തന്റെ ദൈര്ഘ്യമേറിയ കരിയറിൽ ഇതാദ്യമായാണ് മിക്സഡ് ഡബിള്സിൽ ഒരു സ്വര്ണ്ണ മെഡൽ നേടുന്നത്.
ആദ്യ ഗെയിം അനായാസം ഇന്ത്യന് താരങ്ങള് അനായാസം ജയിച്ചപ്പോള് രണ്ടാം ഗെയിമിൽ ഇന്ത്യയ്ക്ക് കാലിടറി. എന്നാൽ പിന്നീടുകള്ള ഗെയിമുകളിൽ ഇന്ത്യ വ്യക്തമായ മേൽക്കൈ നേടുകയായിരുന്നു.
സ്കോര്: 11-4, 9-11, 11-5, 11-6
കോമൺവെൽത്ത് ഗെയിംസ് ടേബിള് ടെന്നീസ് പുരുഷ സിംഗിള്സ് ഫൈനലില് പ്രവേശിച്ച് ഇന്ത്യയുടെ അചാന്ത ശരത് കമാൽ. ഇന്ന് നടന്ന സെമി ഫൈനൽ മത്സരത്തിൽ ഇംഗ്ലണ്ടിന്റെ പോള് ഡ്രിംഗ്ഹാളിനെ 4-2 എന്ന സ്കോറിനാണ് ശരത് കമാൽ പരാജയപ്പെടുത്തിയത്. ഫൈനലില് സത്യന് ജ്ഞാനശേഖരന് – ലിയാം പിച്ച്ഫോര്ഡ് മത്സരത്തിലെ വിജയികളെയാണ് ശരത് നേരിടുക.
ആദ്യ രണ്ട് ഗെയിമിലും ശരത് മേൽക്കൈ നേടിയപ്പോള് മൂന്നാം ഗെയിമിൽ ഇംഗ്ലണ്ട് താരം വിജയം കണ്ടു. നാലാം ഗെയിമിൽ ശരത് ജയിച്ചപ്പോള് അഞ്ചാം ഗെയിമിൽ 4-8ന് പിന്നിലായിരുന്ന ശരത് 7-8 എന്ന രീതിയിൽ തിരിച്ചുവരവ് നടത്തിയെങ്കിലും ഗെയിം 11-9ന് വിജയിച്ച് പോള് ഡ്രിംഗ്ഹാള് മത്സരത്തിൽ തന്റെ സാധ്യത നിലനിര്ത്തി.
6ാം ഗെയിമിൽ 5-0 ന് ശരത് കമാൽ മുന്നിലെത്തിയെങ്കിലും പോള് മൂന്ന് പോയിന്റ് നേടി ലീഡ് കുറച്ചു. ഇന്ത്യന് താരം തന്റെ ടൈം ഔട്ട് എടുത്ത ശേഷം മത്സരത്തിൽ വീണ്ടും ട്രാക്കിലായി
11-8, 11-8, 8-11, 11-7, 9-11, 11-8
ടേബിള് ടെന്നീസ് ക്വാര്ട്ടര് ഫൈനലില് പ്രവേശിച്ച് ഇന്ത്യയുടെ ശരത് കമാലും സത്യന് ജ്ഞാനശേഖരനും. ഇരുവരും തങ്ങളുടെ പ്രീ ക്വാര്ട്ടര് മത്സരം 4-2 എന്ന സ്കോറിനാണ് വിജയിച്ചത്. അതേ സമയം ഇന്ത്യയുടെ വനിത താരം മണിക ബത്രയ്ക്ക് തോൽവിയായിരുന്നു ഫലം.
കോമൺവെൽത്ത് ടേബിള് ടെന്നീസ് സെമി ഫൈനലില് കടന്ന് ഇന്ത്യയുടെ ശരത് കമാൽ – സത്യന് ജ്ഞാനശേഖരന് കൂട്ടുകെട്ട്. ഇംഗ്ലണ്ടിന്റെ ജാര്വിസ് – വാൽക്കര് കൂട്ടുകെട്ടിനെ 3-0 എന്ന സ്കോറിനാണ് ഇന്ത്യന് താരങ്ങള് ആധികാരിക വിജയം നേടിയത്. 11-6, 11-8, 11-4.
അതേ സമയം ഹര്മ്മീത് ദേശായി – സനിൽ ഷെട്ടി കൂട്ടുകെട്ട് 0-3 എന്ന സ്കോറിന് സിംഗപ്പൂര് താരങ്ങളോട് പരാജയപ്പെട്ടു. 10-12, 7-11, 7-11 എന്ന സ്കോറിനാണ് ഇന്ത്യന് താരങ്ങളുടെ പരാജയം.
ഇംഗ്ലണ്ടിന്റെ താരങ്ങളായി ലിയാം പിച്ച്ഫോര്ഡിനെയും ടിന്-ടിന് ഹോയിനെയും പരാജയപ്പെടുത്തി ഇന്ത്യയുടെ ശരത് കമാൽ – ശ്രീജ അകുല ജോഡി കോമൺവെൽത്ത് ഗെയിംസ് ടേബിള് ടെന്നീസ് സെമി ഫൈനലില് കടന്നു.
ഇന്ന് നടന്ന ക്വാര്ട്ടര് മത്സരത്തിൽ രണ്ട് തവണയായി കോമൺവെൽത്ത് ഗെയിംസ് മിക്സഡ് ഡബിള്സ് വെള്ളി മെഡൽ നേടിയ സഖ്യത്തിനെതിരെ പൊരുതി നേടിയ 3-2ന്റെ വിജയവുമായാണ് ഇന്ത്യന് താരങ്ങള് സെമി ഫൈനലില് കടന്നത്.
അതേ സമയം മലേഷ്യന് ജോഡിയോട് പരാജയം ഏറ്റുവാങ്ങി ഇന്ത്യയുടെ സത്യന് ജ്ഞാനശേഖരന് – മണിക ബത്ര കൂട്ടുകെട്ട് സെമി കാണാതെ പുറത്തായി. 2-3 എന്ന സ്കോറിനായിരുന്നു ഇന്ത്യന് ജോഡിയുടെ പരാജയം.
വനിതകളുടെ ടേബിള് ടെന്നീസിൽ അവിശ്വസീനയ തിരിച്ചുവരവുമായി ഇന്ത്യയുടെ ശ്രീജ അകുല. 1-3ന് പിന്നിലായിരുന്ന മത്സരത്തിൽ താരം 3 മാച്ച് പോയിന്റുകള് രക്ഷിച്ച് മത്സരത്തിലേക്ക് തിരികെ വന്ന് 4-3ന് വെയിൽസ് താരം ചാര്ലട്ട് കാറേയ്ക്കെതിരെ വിജയം നേടുകയായിരുന്നു. നിര്ണ്ണായകമായ ഏഴാം ഗെയിമിലും താരം 4-7, 7-9 എന്നിങ്ങനെ പിന്നിലായിരുന്നുവെങ്കിലും 12-10ന് വിജയം കുറിച്ചു.
അതേ സമയം വനിത ഡബിള്സിൽ മണിക ബത്ര – ദിയ ചടാലേ കൂട്ടുകെട്ട് പ്രീ ക്വാര്ട്ടറിൽ കടന്നു. പുരുഷ ഡബിള്സിൽ ഹര്മീത് ദേശായി – സനിൽ ഷെട്ടി, ,ശരത് – സത്യന് കൂട്ടുകെട്ടുകള് ക്വാര്ട്ടര് ഫൈനലിലും പ്രവേശിച്ചു. മിക്സഡ് ഡബിള്സിൽ ശരത് കമാൽ – ശ്രീജ അകുല കൂട്ടുകെട്ടും ക്വാര്ട്ടറിൽ കടന്നു.
പുരുഷ സിംഗിള്സിൽ ശരത് കമാല് പ്രീക്വാര്ട്ടറിലും വനിത സിംഗിള്സിൽ മണിക ബത്ര ക്വാര്ട്ടറിലും കടന്നു.
കോമൺവെൽത്ത് ഗെയിംസിൽ ടേബിള് ടെന്നീസിൽ മികവ് തുടര്ന്ന് ഇന്ത്യന് താരങ്ങള്. മിക്സഡ് ഡബിള്സിൽ ശരത് കമാൽ – ശ്രീജ അകുല കൂട്ടുകെട്ട് പ്രീ ക്വാര്ട്ടറിലേക്ക് കടന്നപ്പോള് വനിത സിംഗിള്സിൽ ശ്രീജയും റീഥ് ടെന്നിസണും തങ്ങളുടെ ആദ്യ റൗണ്ട് മത്സരങ്ങള് വിജയിച്ചു.
ശരത് – ശ്രീജ കൂട്ടുകെട്ട് 3-0 എന്ന സ്കോറിനാണ് വിജയം കൊയ്തത്. ശ്രീജ 4-1 എന്ന സ്കോറിന് തന്റെ സിംഗിള്സ് മത്സരം വിജയിച്ചു. റീഥും ഇതേ സ്കോറിലാണ് വിജയം കരസ്ഥമാക്കിയത്.
