Royal Challengers Bengaluru News in Malayalam

ഇന്നാണ് പോരാട്ടം!! RCB vs CSK!! ആരും പ്ലേ ഓഫിൽ എത്താം

ഐ പി എല്ലിൽ ഇന്ന് നിർണായക പോരാട്ടമാണ്. പ്ലേ ഓഫിൽ എത്തുന്ന നാലാമത്തെ ടീം ഏതെന്ന് തീരുമാനിക്കുന്ന RCB vs CSK പോരാട്ടം. ഇപ്പോൾ കൊൽക്കത്ത നൈറ്റ് റൈഡേഴ്സ്, രാജസ്ഥാൻ റോയൽസ്, സൺ റൈസേഴ്സ് എന്നിവരാണ് പ്ലേ ഓഫ് ഉറപ്പിച്ചിരിക്കുന്നത്. ഇനി സാധ്യതയുള്ള ചെന്നൈക്കും ബെംഗളൂരുവിനും മാത്രവും.

ശനിയാഴ്ച ബെംഗളൂരുവിൽ വെച്ച് നടക്കുന്ന മത്സരത്തിൽ ആർസിബിയെ തോൽപ്പിച്ചാൽ സിഎസ്‌കെ ആദ്യ നാലിൽ ഇടം നേടുമെന്ന് ഉറപ്പാകും. ഇപ്പോൾ അവർക്ക് 14 പോയിന്റാണ് ഉള്ളത്. ആർ സി ബിക്ക് 12 പോയിന്റും.

ചെന്നെ നാളെ തോറ്റാലും അവർക്ക് പ്ലേഓഫിലേക്ക് കടക്കാനുള്ള സാധ്യതകൾ ഉണ്ട്‌‌. അത് ആർ സി ബി ജയിക്കുന്ന മാർജിൻ പോലെ ഇരിക്കും. ബെംഗളൂരുവിൽ ശനിയാഴ്ചത്തെ മത്സരം മഴ മൂലം ഉപേക്ഷിച്ചാലും സിഎസ്‌കെ നാലാം സ്ഥാനത്തെത്തുമെന്ന് ഉറപ്പാകും.

നാളെ സി എസ് കെ ജയിക്കുകയും SRH, RR എന്നിവ അവരുടെ അവസാന ഗെയിമുകൾ തോൽക്കുകയും ചെയ്താൽ CSK-യ്ക്ക് രണ്ടാം സ്ഥാനത്ത് ഫിനിഷ് ചെയ്യാനും ആകും.

സിഎസ്‌കെയ്‌ക്കെതിരെ ജയിച്ചാൽ മാത്രമേ ആർസിബിക്ക് യോഗ്യത നേടാനാകൂ. അതും നല്ല മാർജിനിൽ ജയിക്കണം. 200 റൺസ് ചെയ്സ് ചെയ്യുക ആണെങ്കിൽ 18.1 ഓവറോ അതിൽ കുറവോ സമയം കൊണ്ട് ആർ സി ബി വിജയം നേടേണ്ടതുണ്ട്. ആദ്യം ബാറ്റു ചെയ്ത് 200 അല്ലെങ്കിൽ അതിൽ കൂടുതലോ എന്ന ലക്ഷ്യം ഡിഫൻഡ് ചെയ്യുക ആണെങ്കിൽ 18 റൺസിൽ കൂടുതൽ മാർജിനിൽ CSKയെ ആർ സി ബി തോൽപ്പിക്കേണ്ടതുമുണ്ട്. ഇങ്ങനെ ഈ മാർജിനുകളിൽ ജയിക്കാൻ ആയാൽ 14 പോയിൻ്റുമായി നാലാമത് ഫിനിഷ് ചെയ്യാൻ ആർ സി ബിക്ക് ആകും. CSK-യെക്കാൾ മികച്ച നെറ്റ് റൺ റേറ്റും അവർക്ക് ഉണ്ടാകും.

‌ശനിയാഴ്ച ബെംഗളൂരുവിൽ മഴ മൂലം ആർസിബിക്ക് നഷ്ടമാകുകയോ സിഎസ്കെയുമായി പോയിൻ്റ് പങ്കിടുകയോ ചെയ്താൽ അവർ പുറത്താകും

RCB vs CSK!! ഇത് ജീവന്മരണ പോരാട്ടം!! പ്ലേ ഓഫിൽ എത്താൻ ചെയ്യേണ്ടത് അറിയാം

ഐ പി എല്ലിൽ നാല് പ്ലേ ഓഫ് സ്ഥാനങ്ങളിൽ മൂന്നുൻ തീരുമാനമായി കഴിഞ്ഞു. ഇനി നാലാമത്തെ ടീം ഏതെന്ന് തീരുമാനിക്കുക നാളെ നടക്കുന്ന RCB vs CSK പോരാകും. ഇപ്പോൾ കൊൽക്കത്ത നൈറ്റ് റൈഡേഴ്സ്, രാജസ്ഥാൻ റോയൽസ്, സൺ റൈസേഴ്സ് എന്നിവരാണ് പ്ലേ ഓഫ് ഉറപ്പിച്ചിരിക്കുന്നത്. ഇനി സാധ്യതയുള്ള ചെന്നൈക്കും ബെംഗളൂരുവിനും മാത്രവും.

ശനിയാഴ്ച ബെംഗളൂരുവിൽ മഴ മൂലം ആർസിബിക്ക് നഷ്ടമാകുകയോ സിഎസ്കെയുമായി പോയിൻ്റ് പങ്കിടുകയോ ചെയ്താൽ അവർ പുറത്താകും

വിരാട് കോഹ്ലി വീണ്ടും RCB ക്യാപ്റ്റൻ ആകണം എന്ന് ഹർഭജൻ

RCB-യുടെ ക്യാപ്റ്റൻ ആയി വിരാട് കോഹ്ലി എത്തണം എന്ന ആവശ്യവുമായി ഹർഭജൻ സിംഗ്. ഐപിഎൽ 2024 സീസൺ പ്ലേ ഓഫിലേക്ക് ആർ സി ബി യോഗ്യത നേടിയില്ലെങ്കിൽ വിരാട് കോഹ്‌ലിയെ ക്യാപ്റ്റനായി അവർ തിരികെ കൊണ്ടുവരുന്നതിനെക്കുറിച്ച് ചിന്തിക്കണമെന്ന് മുൻ ഇന്ത്യൻ സ്പിന്നർ ഹർഭജൻ സിംഗ് പറഞ്ഞു.

“അവർ യോഗ്യത നേടുന്നില്ലെങ്കിൽ, ഒരു ഇന്ത്യൻ താരത്തെ ക്യാപ്റ്റൻ ആയി നോക്കണം. എന്തുകൊണ്ട് വിരാട് കോഹ്‌ലിയെ ക്യാപ്റ്റനായി തിരികെ കൊണ്ടുവന്നുകൂടാ,” സ്റ്റാർ സ്‌പോർട്‌സ് പ്രസ് റൂമിൻ്റെ ഏറ്റവും പുതിയ എപ്പിസോഡിൽ ഹർഭജൻ സിംഗ് പറഞ്ഞു.

“ചെന്നൈയിൽ ധോണിക്ക് വളരെയധികം സ്വാധീനം ഉള്ളതു പോലെ, വിരാട് കോഹ്‌ലി ആർ സി ബിയിലും ഒരു വലിയ നേതാവാണ്, അവർക്ക് കളിക്കേണ്ട ക്രിക്കറ്റ് എന്താണെന്ന് അവർക്ക് അറിയാം. ഇപ്പോൾ അവർ വളരെയധികം ആക്രമണോത്സുകതയോടെയും വളരെയധികം ഉദ്ദേശ്യത്തോടെയുമാണ് ആർ സി ബി കളിക്കുന്നത്, അതാണ് വിരാട് കോഹ്‌ലി കൊണ്ടുവരുന്നത്. ഞാൻ വിരാട് കോഹ്ലി ടീമിനെ നയിക്കുന്നത് കാണാൻ ആഗ്രഹിക്കുന്നു” – ഹർഭജൻ പറഞ്ഞു

RCBയുടെ പ്ലേ ഓഫ് സാധ്യത വർധിച്ചു, CSK-ക്ക് എതിരെ വിജയ മാർജിൻ നിർണായകമാകും

ഇന്ന് ഡൽഹി ക്യാപിറ്റൽസിനെ 47 റൺസിന് പരാജയപ്പെടുത്തിയതോടെ RCB-യുടെ പ്ലേ ഓഫ് പ്രതീക്ഷകൾ വർധിച്ചിരിക്കുകയാണ്‌. തുടർച്ചയായ അഞ്ച് വിജയങ്ങൾ നേടിയ ആർ സി ബി ഇപ്പോൾ ലീഗിൽ അഞ്ചാം സ്ഥാനത്താണ്‌. ഇപ്പോൾ 13 മത്സരങ്ങളിൽ നിന്ന് അവർക്ക് 12 പോയിൻ്റുണ്ട്. ഇനി അവർക്ക് മുന്നിൽ ഉള്ള അവസാന ലീഗ് മത്സരം അത് ചെന്നൈ സൂപ്പർ കിംഗ്സിനെതിരെ ആണ്‌. ആ കളിയുടെ ഫലം ആകും ആർ സി ബിയുടെയും ചെന്നൈയുടെയും പ്ലേ ഓഫ് സാധ്യത തീരുമാനിക്കുക.

സിഎസ്‌കെയെ വലിയ മാർജിനിൽ തോൽപ്പിക്കാൻ കഴിഞ്ഞാൽ ആർസിബിക്ക് 14 പോയിന്റിലും ഒപ്പം പ്ലേ ഓഫിലും എത്താൻ ആകും എന്നാണ് പ്രതീക്ഷ. അവസാന മത്സരത്തിൽ ചെന്നൈക്ക് എതിരെ 18 റൺസിനു മുകളിൽ ഉള്ള വിജയമോ 18 പന്ത് ബാക്കി നിൽക്കെ വിജയിക്കുകയോ ചെയ്താൽ ആർ സി ബിക്ക് നെറ്റ് റൺ റേറ്റിൽ ചെന്നൈയെ മറികടക്കാം. ഇപ്പോൾ ചെന്നൈക്ക് +0.52ഉം ആർ സി ബിക്ക് +0.38ഉം ആണ് നെറ്റ് റൺ റേറ്റ്.

ചെന്നൈക്ക് മേൽ ആർ സി ബിയുടെ റൺ റേറ്റു വന്നാൽ അവർക്ക് ഏതാണ്ട് പ്ലേ ഓഫ് ഉറപ്പാകും. പിന്നെ അവർക്ക് തടസ്സമായി ഉണ്ടാവുക ലഖ്‌നൗ സൂപ്പർ ജയൻ്റ്‌സ് ആകും. അവർ അവരുടെ ശേഷിക്കുന്ന രണ്ട് മത്സരങ്ങളിൽ ഒന്ന് തോൽക്കുക എന്നതും ആർ സി ബിക്ക് അനുകൂലമായി നടക്കണം. ഡിസിക്കും ഗുജറാത്ത് ടൈറ്റൻസിനും ആർ സി ബി നേടാൻ സാധ്യതയുള്ള 14 പോയിൻ്റിലെത്താൻ കഴിയും എന്നാൽ നെറ്റ് റൺ റേറ്റിൽ ഈ രണ്ടു ടീമുകളും ഏറെ പിറകിൽ ആണ്.

RCB പവർ!! തുടർച്ചയായ 5ആം വിജയം, ഡൽഹിയെയും മറികടന്ന് മുന്നോട്ട്

RCB വിജയപരമ്പര തുടരുകയാണ്‌. അവർ ഇന്ന് ഡൽഹി ക്യാപിറ്റൽസിനെ 47 റൺസിന് തോൽപ്പിച്ച് തുടർച്ചയായ അഞ്ചാം വിജയം നേടി. ഇത് അവരുടെ പ്ലേ ഓഫ് പ്രതീക്ഷകൾ സജീവമാക്കുകയും ചെയ്തു. ആർ സി ബിക്ക് ഈ ജയത്തോടെ 13 മത്സരങ്ങളിൽ നിന്ന് 12 പോയിന്റായി. അവർ ഡെൽഹിയെ മറികടന്ന് നാലാം സ്ഥാനത്തേക്ക് അടുത്തിരിക്കുകയാണ്. ഡെൽഹി ആകട്ടെ ഈ പരാജയത്തോടെ പ്ലേ ഓഫ് പ്രതീക്ഷ ഏതാണ്ട് അവസാനിച്ച നിലയിലാണ്.

ഇന്ന് 188 എന്ന വിജയ ലക്ഷ്യം പിന്തുടർന്ന ഡെൽഹിക്ക് ആകെ 140 റൺസെ എടുക്കാൻ ആയുള്ളൂ. 1 റൺ എടുത്ത വാർണർ, 2 റൺ എടുത്ത അഭിഷേക് പോരൽ എന്നിവർ തുടക്കത്തിൽ തന്നെ പുറത്തായി.

21 റൺസ് എടുത്ത് പ്രതീക്ഷ നൽകിയ ഫ്രേസർ മക്ഗർക്ക് റണ്ണൗട്ട് ആയത് ഡൽഹിക്ക് തിരിച്ചടിയായി. 29 റൺസ് എടുത്ത ഷായ് ഹോപിനും വലിയ ഇന്നിങ്സ് കളിക്കാൻ ആയില്ല. 39 പന്തിൽ നിന്ന് 57 റൺസ് എടുത്ത അക്സർ പട്ടേൽ പൊരുതി നോക്കി എങ്കിലും കാര്യമുണ്ടായില്ല.

ഇന്ന് ആദ്യം ബാറ്റു ചെയ്ത ആർ സി ബി 187 റൺസ് ആയിരുന്നു നേടിയത്. പത്തോവര്‍ പിന്നിടുമ്പോള്‍ 110 റൺസ് നേടിയ ടീമിന് അവസാന പത്തോവറിൽ 77 റൺസാണ് 7 വിക്കറ്റ് നഷ്ടത്തിൽ ആര്‍സിബിയ്ക്ക് നേടാനായത്.

ഫാഫ് ഡു പ്ലെസിയെ ആദ്യം നഷ്ടമായ ആര്‍സിബിയ്ക്ക് തൊട്ടടുത്ത ഓവറിൽ വിരാട് കോഹ്‍ലിയെ നഷ്ടമാകുമ്പോള്‍ സ്കോര്‍ ബോര്‍ഡിൽ 36 റൺസായിരുന്നു. 13 പന്തിൽ 27 റൺസാണ് കോഹ്‍ലി നേടിയത്. പിന്നീട് രജത് പടിദാര്‍ – വിൽ ജാക്സ് കൂട്ടുകെട്ട് അടിച്ച് തകര്‍ക്കുന്ന കാഴ്ചയാണ് കണ്ടത്. ഇരുവരും ചേര്‍ന്ന് പത്താം ഓവറിൽ ടീം സ്കോര്‍ 110 റൺസിലെത്തിച്ചു. നാലോളം അവസരങ്ങളാണ് ഡൽഹി ഫീൽഡര്‍മാര്‍ കൈവിട്ടത്. ഇതും ആര്‍സിബിയ്ക്ക് തുണയായി.

29 പന്തിൽ നിന്ന് അര്‍ദ്ധ ശതകം തികച്ച പടിദാര്‍ കഴിഞ്ഞ ഏഴ് ഇന്നിംഗ്സിലെ അഞ്ചാം അര്‍ദ്ധ ശതകം ആണ് ഈ സീസണിൽ നേടിയത്. 53 പന്തിൽ 88 റൺസ് നേടിയ ഈ കൂട്ടുകെട്ടിനെ റാസിഖ് സലാം ആണ് തകര്‍ത്തത്. 32 പന്തിൽ 52 റൺസ് നേടിയ രജത് പടിദാറിനെയാണ് താരം പുറത്താക്കിയത്.

29 പന്തിൽ 41 റൺസ് നേടിയ വിൽ ജാക്സിനെ കുൽദീപ് യാദവ് പുറത്താക്കിയതോടെ രണ്ട് സെറ്റ് ബാറ്റ്സ്മാന്മാരെയും ആര്‍സിബിയ്ക്ക് നഷ്ടമായി. ഇതിന് ശേഷം ആര്‍സിബിയുടെ കുതിപ്പിന് തടയിടുവാന്‍ ഡൽഹിയ്ക്ക് സാധിച്ചുവെങ്കിലും സ്ട്രാറ്റജിത് ടൈം ഔട്ടിന് ശേഷം കുൽദീപിനെ തുടരെ രണ്ട് സിക്സുകള്‍ പായിച്ച് കാമറൺ ഗ്രീന്‍ റൺറേറ്റുയര്‍ത്തി. കുൽദീപിനെ സിക്സര്‍ പറത്തി ലോംറോര്‍ ഓവര്‍ അവസാനിപ്പിച്ചപ്പോള്‍ 22 റൺസാണ് ഓവറിൽ നിന്ന് വന്നത്.

37 റൺസ് ഗ്രീന്‍ – ലോംറോര്‍ കൂട്ടുകെട്ട് നേടിയെങ്കിലും ലോംറോറിനെ(13) പുറത്താക്കി ഖലീൽ അഹമ്മദ് ഈ കൂട്ടുകെട്ട് തകര്‍ത്തു. അതേ ഓവറിൽ ദിനേശ് കാര്‍ത്തിക്കിനെയും ഖലീൽ പുറത്താക്കിയപ്പോള്‍ സ്വപ്നിൽ സിംഗിനെ പുറത്താക്കി റാസിഖ് ആര്‍സിബിയുടെ 7ാം വിക്കറ്റ് നഷ്ടമാക്കി.

ഗ്രീന്‍ 24 പന്തിൽ 32 റൺസുമായി പുറത്താകാതെ നിന്നാണ് ടീമിനെ 187 റൺസിലേക്ക് എത്തിച്ചത്.

പടിദാര്‍ – ജാക്സ് കൂട്ടുകെട്ടിന് ശേഷം ആര്‍സിബിയെ പിടിച്ചുകെട്ട് ഡൽഹി, ജയത്തിനായി നേടേണ്ടത് 188 റൺസ്

ഐപിഎലില്‍ ഡൽഹി ക്യാപിറ്റൽസിനെതിരെ മികച്ച നിലയിൽ നിന്ന് തകര്‍ന്ന് ആര്‍സിബി. അവസാന ഓവറുകളിൽ വേണ്ടത്ര രീതിയിൽ ബൗണ്ടറി നേടുവാന്‍ സാധിക്കാതെ പോയതാണ് ആര്‍സിബിയ്ക്ക് തിരിച്ചടിയായത്. 187 റൺസ് ആര്‍സിബി 9 വിക്കറ്റ് നഷ്ടത്തിൽ നേടുകയായിരുന്നു. പത്തോവര്‍ പിന്നിടുമ്പോള്‍ 110 റൺസ് നേടിയ ടീമിന് അവസാന പത്തോവറിൽ 77 റൺസാണ് 7 വിക്കറ്റ് നഷ്ടത്തിൽ ആര്‍സിബിയ്ക്ക് നേടാനായത്.

കോഹ്ലിയെ നിങ്ങൾ വേദനിപ്പിക്കാൻ നോക്കിയാൽ അവന് കരുത്ത് കൂടുകയെ ഉള്ളൂ

വിരാട് കോഹ്ലിയെ പോലുള്ള കളിക്കാരെ നിങ്ങൾ വിമർശിച്ച് വേദനിപ്പിക്കാൻ നോക്കിയാൽ അവറ്റ് കൂടുതൽ മെച്ചപ്പെടുകയേ ചെയ്യൂ എന്നും അതു കൊണ്ട് അവരെ കളിയാക്കുന്നതിൽ കാര്യമില്ല എന്നും ഓസ്ട്രേലിയൻ ഇതിഹാസം ഹെയ്ഡൻ. ഐപിഎൽ 2024 സീസണിൽ കോഹ്ലിയുടെ സ്‌ട്രൈക്ക് റേറ്റിനെച്ചൊല്ലി നിരവധി വിമർശനങ്ങൾ ഉയർന്നിരുന്നു. അതിന് കോഹ്ലി ബാറ്റു കൊഅൻട് മറുപടി പറയുകയും ചെയ്തിരുന്നു.

“വിരാട് കോഹ്‌ലി സ്ട്രൈക്ക് റേറ്റിനെ ചുറ്റിപ്പറ്റിയുള്ള വിമർശനങ്ങളെ അതിജീവിച്ചു. അവൻ വളരെ ഓർത്തഡോക്സ് ആയ ക്രിക്കറ്റ് കളിക്കാരനാണ്. അവൻ വളരെ സാങ്കേതികമായ ഒരു ക്രിക്കറ്റ് കളിക്കാരനാണ്, അതാൺ അദ്ദേഹത്തെ എല്ലാ ഫോർമാറ്റിലും മികച്ചവനാക്കി മാറ്റുന്നത്.” ഹെയ്ഡൻ പറഞ്ഞു.

“ടെസ്റ്റ് മാച്ച് ക്രിക്കറ്റിലും ഏകദിന ക്രിക്കറ്റിലും ടി20 ക്രിക്കറ്റിലും ആഴത്തിൽ ഗെയിം കൊണ്ടു പോകാനും അവിടെ നിന്ന് ടീമിനെ രക്ഷിക്കാനും കോഹ്ലിക്ക് കഴിയും.” ഹെയ്ഡൻ പറഞ്ഞു.

“അവനെ വലിച്ചു താഴെ ഇടാൻ ആഗ്രഹിച്ച് വിമർശിക്കുന്നവർ അവന്റെ തീയ്ക്ക് ഇന്ധനം പകരുകയാണ് ചെയ്യുന്നത്. അവൻ കൂടുതൽ മെച്ചപ്പെടും അത്തരം വിമർശനങ്ങൾ കേട്ടാൽ. സ്റ്റീവ് വോ ഒരിക്കലും അവനോട് ഒരു വാക്കുപോലും ഞാൻ പറഞ്ഞിട്ടില്ല. കെവിൻ പീറ്റേഴ്‌സൺ, അവൻ സമ്മർദ്ദത്തെ ഇഷ്ടപ്പെട്ടിരുന്നു. ബ്രയാൻ ലാറ, അവനോട് സംസാരിക്കരുത്. ഇതുപോലുള്ള താരങ്ങളെ നിങ്ങൾ കുത്തി വേദനിപ്പിക്കാൻ നോക്കിയാൽ അവർ കൂടുതൽ ശക്തി പ്രാപിക്കുകയേ ചെയ്യൂ‌” ഹെയ്ഡൻ പറഞ്ഞു.

ഭാഗ്യം ഉണ്ടെങ്കിൽ 3ആമത് വരെ എത്താം, RCB ഇനി പ്ലേ ഓഫിൽ എത്താൻ നടക്കേണ്ടത് ഇതൊക്കെ!!

RCB-യും കാൽക്കുലേറ്ററും. എല്ലാ സീസണിലും ആരാധകർ ഇതു പറഞ്ഞാണ് അവരെ കളിയാക്കി കൊണ്ടിരിക്കുന്നത്. ഇത്തവണയും പ്ലേ ഓഫ് സാധ്യതകൾ നോക്കാൻ കാൽക്കുലേറ്റർ ആവശ്യം വരും. ഇന്നലെ പഞ്ചാബ് കിംഗ്സിനെ തോൽപ്പിച്ചതോടെ ആർ സി ബിയുടെ പ്ലേ ഓഫ് സാധ്യതകൾ സജീവമായിരിക്കുകയാണ്. എല്ലാം അനുകൂലമായി നടന്നാൽ ആർ സി ബി മൂന്നാമത് ഫിനിഷ് ചെയ്യാൻ വരെ സാധ്യതയുണ്ട്.

അതിന് ആദ്യം RCB അവരുടെ ശേഷിക്കുന്ന രണ്ട് മത്സരങ്ങളിലും ജയിക്കേണ്ടതുണ്ട്. ജയിച്ചാൽ അവർ 14 പോയിന്റിൽ എത്തും. ആർസിബി ഇപ്പോൾ 12 മത്സരങ്ങളിൽ നിന്ന് 10 പോയിൻ്റുമായി ഏഴാം സ്ഥാനത്താണ്. ഡൽഹി, ചെന്നൈ, ലഖ്‌നൗ എന്നീ മൂന്ന് ടീമുകളുമായി 2 പോയിന്റ് വ്യത്യാസം മാത്രം.

ഇനി ഡെൽഹിക്ക് എതിരെയും ചെന്നൈക്ക് എതിരെയും ആണ് ആർ സി ബിയുടെ ശേഷിക്കുന്ന മത്സരങ്ങൾ. 16 പോയിന്റുള്ള KKR, RR എന്നിവർ ഏതാണ്ട് പ്ലേ ഓഫ് ഉറപ്പിച്ചിട്ടുണ്ട്. ബാക്കി രണ്ട് സ്ഥാനങ്ങളിൽ ആണ് എല്ലാവരുടെയും പ്രതീക്ഷ.

ആർ സി ബി മൂന്നാമത് എത്തണം എങ്കിൽ നടക്കേണ്ടത് ഇതൊക്കെയാണ്‌

•ഗുജറാത്തിനും പഞ്ചാബിനുമെതിരെ സൺറൈസേഴ്‌സ് തോൽക്കണം.

•ഗുജറാത്ത്, രാജസ്ഥാൻ, ബെംഗളൂരു എന്നിങ്ങനെ ശേഷിക്കുന്ന എല്ലാ മത്സരങ്ങളിലും ചെന്നൈ തോൽക്കണം.

•ബെംഗളൂരുവിനോടും ലഖ്‌നൗവിനോടും ഡൽഹി തോൽക്കണം.

•ലഖ്‌നൗ ഡൽഹിയെ തോൽപ്പിചക്കണം പക്ഷെ മുംബൈയോട് തോൽക്കണം.

ഇത്രയും കാര്യങ്ങൾ നടന്നാൽ LSG 4-ആം സ്ഥാനത്തും ആർ സി ബി മൂന്നാം സ്ഥാനത്തും എത്തും.

ഇതല്ലാതെ ആർസിബി നാലാമത് ഫിനിഷ് ചെയ്യാൻ നടക്കേണ്ട കാര്യങ്ങൾ ചുവടെ;

• സജ്ജ് റൈസേഴ്സും ചെന്നൈയും അവരുടെ ശേഷിക്കുന്ന എല്ലാ മത്സരങ്ങളും തോൽക്കണം.

•ഇതിൽ ഇരുവരും 16 പോയിന്റിൽ എത്തിയാൽ ആർ സി ബിക്ക് സാധ്യതയില്ല. ഇതിൽ ഒരാൾ 16ലും ഒരാൾ 14 പോയിന്റിലും നിന്നാൽ പിന്നെ ആർ സി ബിയുടെ സാധ്യതകൾ നെറ്റ് റൺ റേറ്റ് അപേക്ഷിച്ചാകും.

•ലക്‌നൗവിന് നെറ്റ് റൺ റേറ്റ് കുറവായതിനാൽ അവർ ഡെൽഹിയെ തോൽപ്പിക്കുന്നത് ആർ സി ബിക്ക് കാര്യങ്ങൾ അനുകൂലമാക്കും.

“പ്ലേ ഓഫ് സാധ്യത ഞങ്ങളുടെ കയ്യിൽ അല്ല, ഇപ്പോൾ കളിക്കുന്നത് ആത്മാഭിമാനത്തിനായി” കോഹ്ലി

ആർ സി ബിയുടെ പ്ലേ ഓഫ് യോഗ്യത തങ്ങളുടെ കയ്യിൽ അല്ല എന്നും അത് മറ്റു ടീമുകളെ ആശ്രയിച്ചാണ് ഇരിക്കുന്നത് എന്നും വിരാട് കോഹ്ലി. ഇന്ന് ആർ സി ബിയും പഞ്ചാബ് കിംഗ്സും തമ്മിലുള്ള മത്സരത്തിന് ശേഷം സംസാരിക്കുക ആയിരുന്നു കോഹ്ലി. ഇപ്പോൾ ആർ സി ബി കളിക്കുന്നത് ആത്മാഭിമാനത്തിനു വേണ്ടിയാണ് എന്നും കോഹ്ലി പറഞ്ഞു. ഇന്നത്തെ വിജയത്തോടെ നാലു മത്സരങ്ങൾ തുടർച്ചയായി വിജയിച്ചു നിൽക്കുക ആണ് ആർ സി ബി.

“എനിക്കും ടീമിനും വേണ്ടിയുള്ള സ്‌ട്രൈക്ക് റേറ്റ് നിലനിർത്താനാണ് ഞാൻ ശ്രമിക്കുന്നത്. ഒരു വലിയ ടൂർണമെൻ്റിലൂടെ കടന്നുപോകാനുള്ള ഏക മാർഗം നമ്മൾ സ്വയം സത്യസന്ധത പുലർത്തുക എന്നതാണ്. ഞങ്ങൾക്ക് ചില തുടർ തോൽവികൾ സംഭവിച്ചപ്പോൾ ഞങ്ങൾ സത്യസന്ധമായ ഒരു സംഭാഷണം ടീമിൽ നടത്തി.” കോഹ്ലി പറഞ്ഞു.

ഇനി ഞങ്ങൾ അവസാന രണ്ട് മത്സരം ജയിച്ചാലും യോഗ്യത നേടുക എന്നത് ഞങ്ങളുടെ കയ്യിൽ അല്ല. അത് പല ഘടകങ്ങളും ആശ്രയിച്ചാണ്. ഇപ്പോൾ പ്ലേ ഓഫിനായാ ഞങ്ങളുടെ ആത്മാഭിമാനത്തിനായാണ് ഞങ്ങൾ കളിക്കുന്നത്. ഞങ്ങളെ പിന്തുണക്കുന്ന ഞങ്ങളുടെ ആരാധകരെ നിരാശരാക്കാൻ കഴിയില്ല.” കോഹ്ലി പറഞ്ഞു.

അടിമാത്രം!! 14ആം ഓവറിലേക്ക് കളി തീർത്തു!! RCB-ക്ക് തുടർച്ചയായ മൂന്നാം വിജയം

തകർപ്പൻ വിജയവുമായി RCB. ഇന്ന് ഗുജറാത്ത് ടൈറ്റൻസിന് എതിരെ നാലു വിക്കറ്റിന്റെ വിജയമാണ് ആർ സി ബി നേടിയത്. 148 എന്ന വിജയലക്ഷ്യം തേടിയിറങ്ങിയ ആർസിബി വെറും പതിനൊന്ന് ഓവറിലേക്ക് ലക്ഷ്യത്തിലെത്തി. തുടക്കത്തിൽ തന്നെ തകർപ്പൻ അടി കാഴ്ചവച്ച ഫാഫ് ഡുപ്ലസിസ് ആണ് ആർസിബിയുടെ വിജയത്തിന് കരുത്തായത്. ഫാഫ് 23 പന്തിൽ നിന്ന് 64 ആണ് അടിച്ചത്. 3 സിക്സും 10 ഫോറും ഡുപ്ലസിസ് അടിച്ചു.

വിരാട് കോലിയും ആർ സി ബിക്ക് ആയി മികച്ച പ്രകടനം കാഴ്ചവച്ചു. 27 പന്തിൽ 42 റൺസ് എടുക്കാൻ വിരാട് കോലിക്കായി. 4 സിക്സും 2 ഫോറും കോഹ്ലി അടിച്ചു. പ്ലേ ഓഫ് പ്രതീക്ഷ വിദൂരത്ത് ആണെങ്കിലും ഈ വിജയം ബെംഗളൂരുവിന് അവരുടെ റൺ ഉയർത്താൻ സഹായകമാകും.

ഇന്ന് ആദ്യം ബാറ്റു ചെയ്ത ഗുജറാത്തിന് 20 ഓവറിൽ 147 റൺസ് എടുക്കാൻ മാത്രമേ ആയുള്ളൂ. മികച്ച തുടക്കമാണ് ആർ സി ബിക്ക് ഇന്ന് ബൗൾ കൊണ്ട് ലഭിച്ചത്. ആദ്യ 6 ഓവറിൽ 23 റൺസ് മാത്രം വിട്ടുകൊടുത്ത ആർ സി ബി ബൗളർമാർ മൂന്ന് വിക്കറ്റുകൾ വീഴ്ത്തി.

ഗുജറാത്തിന്റെ മുൻനിര ബാറ്റർമാർ എല്ലാം ഇന്ന് പരാജയപ്പെട്ടു. സാഹ 1 റൺ, ഗിൽ 2 റൺ, സായി സുദർശൻ 6 റൺസ്, എന്നിവരാണ് തുടക്കത്തിൽ തന്നെ പുറത്തായത്/ 30 റൺസ് എടുത്ത മില്ലര് 37 റൺസ് എടുത്ത ഷാരൂഖാൻ എന്നിവർ പൊരുതി നോക്കിയത് വകിയ തകർച്ചയിൽ നിന്ന് ഗുജറാത്തിനെ രക്ഷിച്ചു.

അവസാനം രാഹുൽ തവാത്തിയയും റാഷിദ് ഖാനും കൂടി ആണ് 140 എന്ന കടമ്പ കടത്തിയത്. തെവാതിയ 35 റൺസും റാഷിദ് 19 റൺസും എടുത്തു. ഗുജറാത്തിനായി മുഹമ്മദ് സിറാജ്, യാഷ് ദയാൽ, വിജയ് കുമാർ എന്നിവർ രണ്ട് വിക്കറ്റും വീതവും കാമറൂൺ ഗ്രീൻ, കരൺ ശർമ എന്നിവർ ഓരോ വിക്കറ്റ് വീതവും നേടി.

ചെണ്ട മാറി തീയുണ്ടയായി RCB ബൗളിംഗ്!! ഗുജറാത്ത് 147ൽ വീണു

ഇന്ന് ഇന്ത്യൻ പ്രീമിയർ ലീഗിൽ നടന്ന മത്സരത്തിൽ ഗുജറാത്ത് ടൈറ്റൻസിന് എതിരെ മികച്ച ബൗളിംഗ് പ്രകടനവുമായി RCB. ഇന്ന് ആദ്യം ബാറ്റു ചെയ്ത ഗുജറാത്തിന് 20 ഓവറിൽ 147 റൺസ് എടുക്കാൻ മാത്രമേ ആയുള്ളൂ. മികച്ച തുടക്കമാണ് ആർ സി ബിക്ക് ഇന്ന് ബൗൾ കൊണ്ട് ലഭിച്ചത്. ആദ്യ 6 ഓവറിൽ 23 റൺസ് മാത്രം വിട്ടുകൊടുത്ത ആർ സി ബി ബൗളർമാർ മൂന്ന് വിക്കറ്റുകൾ വീഴ്ത്തി.

RCB-ക്ക് ഇനിയും പ്ലേ ഓഫ് അവസരങ്ങൾ ഉണ്ടോ!

ഇന്നലെ കൊൽക്കത്ത നൈറ്റ് റൈഡേഴ്സിനോട് കൂടെ പരാജയപ്പെട്ടതോടെ RCB-യുടെ പ്ലേ ഓഫ് സാധ്യതകൾ ഏതാണ്ട് മങ്ങിയിരിക്കുകയാണ്. എന്നാൽ ഇപ്പോഴും കണക്കുകളിൽ RCB-ക്ക് സാധ്യത ഉണ്ട്. ഇന്നലെ RCBയുടെ എട്ടാം മത്സരം ആയിരുന്നു. ഈ എട്ടു മത്സരങ്ങളിൽ ഏഴിലും RCB പരാജയപ്പെട്ടു. ഒരു വിജയം മാത്രമാണ് അവർക്ക് ഉള്ളത്. 2 പോയിന്റുമായി പോയിന്റ് പട്ടികയിൽ അവസാന സ്ഥാനത്ത് നിൽക്കുന്നു.

ഇനി ശേഷിക്കുന്ന 6 മത്സരങ്ങളും RCB ജയിച്ചാലും അവർക്ക് 14 പോയിന്റ് മാത്രമെ ആകെ ആവുകയുള്ളൂ. 14 പോയിന്റുമായി പ്ലേ ഓഫിൽ എത്തണം എങ്കിൽ അത്ഭുതങ്ങൾ നടക്കേണ്ടി വരും. IPL-ൽ 10 ടീമുകളായി ഉയർന്ന ശേഷം ഇതുവരെ ഒരു ടീമും 14 പോയിന്റുമായി പ്ലേ ഓഫിന് യോഗ്യത നേടിയിട്ടില്ല. കഴിഞ്ഞ രണ്ടു സീസണിലും നാലാം സ്ഥാനത്ത് എത്തിയവർ 16 പോയിന്റ് എങ്കിലും നേടിയിരുന്നു.

അതുകൊണ്ട് തന്നെ ഇനി RCB പ്ലേ ഓഫിൽ എത്താൻ അവർക്ക് അനുകൂലമായി അത്രയും കാര്യ‌ങ്ങൾ നടക്കേണ്ടതായുണ്ട്. എല്ലാ മത്സരങ്ങളും വിജയിക്കുകയും ഒപ്പം മറ്റു ടീമുകളിൽ നിന്നെല്ലാം അനുകൂലമായ ഫലം ഉണ്ടാവുകയും വേണം. എന്നാൽ ഇനി ഒരു മത്സരം കൂടെ RCB തോറ്റാൽ പിന്നെ കണക്കുകളിൽ പോലും RCB-ക്ക് സാധ്യത ഉണ്ടാകില്ല.