Tag: RB Leipzig

ആർ.ബി ലൈപ്സിഗിന്റെ സ്പാനിഷ് യൂറോ കപ്പ് ഹീറോ ഡാനി ഓൽമയും ആയി ബാഴ്‌സലോണ വ്യക്തിഗത ധാരണയിൽ എത്തി. തങ്ങളുടെ അക്കാദമിയായ ലാ മാസിയ താരമായിരുന്ന ഓൽമക്ക് ആയി നിലവിൽ ജർമ്മൻ ക്ലബിന് മുന്നിൽ പുതിയ ഓഫറും ബാഴ്‌സലോണ വെച്ചിട്ടുണ്ട്. നിലവിൽ 2030 വരെയുള്ള 6 വർഷത്തെ കരാറിന് ആയി ഓൽമ ബാഴ്‌സലോണയും ആയി ധാരണയിൽ എത്തിയത്. ബാഴ്‌സലോണയിൽ എത്താൻ 26 കാരനായ താരത്തിന് വലിയ താൽപ്പര്യം ഉണ്ടെന്നാണ് റിപ്പോർട്ട്.

അതേസമയം ഇനി ആർ.ബി ലൈപ്സിഗും ആയി കരാറിൽ എത്തുക എന്നത് ആണ് ബാഴ്‌സലോണക്ക് മുന്നിലുള്ള കടമ്പ. നേരത്തെ ബാഴ്‌സ വെച്ച കരാർ ജർമ്മൻ ക്ലബ് തള്ളിയിരുന്നു. നിലവിൽ 55 മില്യൺ യൂറോയും 7 മില്യൺ യൂറോ ആഡ് ഓണും അടങ്ങുന്ന തുകയാണ് ബാഴ്‌സ ലൈപ്സിഗിനു മുന്നോട്ട് വെച്ചത് എന്നാണ് റിപ്പോർട്ട്. കഴിഞ്ഞ കുറെ സീസണുകൾ ആയി ബുണ്ടസ് ലീഗയിൽ തിളങ്ങിയ ഓൽമോ ഈ യൂറോ കപ്പിൽ സ്പെയിനിനെ ജേതാക്കൾ ആക്കുന്നതിൽ നിർണായക പങ്ക് ആണ് വഹിച്ചത്.

ഈ സീസണിൽ ഇംഗ്ലീഷ് പ്രീമിയർ ലീഗ് കളിക്കാൻ ബെഞ്ചമിൻ സെസ്കോ ഇല്ല. 21 കാരനായ സ്ലൊവാനിയൻ മുന്നേറ്റനിര താരം ഈ വർഷം കൂടി ബുണ്ടസ് ലീഗയിൽ തുടരും എന്നു ഏതാണ്ട് ഉറപ്പായി. സെസ്കോ ഉടൻ ആർ.ബി ലൈപ്സിഗിൽ പുതിയ കരാർ ഒപ്പ് വെക്കും എന്നാണ് റിപ്പോർട്ട്. നേരത്തെ താരത്തിന് ആയി വമ്പൻ പ്രീമിയർ ലീഗ് ടീമുകൾ ആയ ആഴ്സണൽ, ചെൽസി, മാഞ്ചസ്റ്റർ യുണൈറ്റഡ് ടീമുകൾ രംഗത്ത് വന്നിരുന്നു.

താരവും ആയുള്ള ചർച്ചകൾക്ക് ശേഷം ആഴ്‌സണൽ ഏതാണ്ട് താരവും ആയി കരാർ ധാരണയിൽ എത്തുമെന്ന് സൂചനകൾ വന്നിരുന്നു. എന്നാൽ തന്റെ കരിയറിനും മുന്നോട്ടുള്ള പ്രയാണത്തിനും ഒരു വർഷം കൂടി ജർമ്മനിയിൽ തുടരുകയാണ് നല്ലത് എന്ന തീരുമാനത്തിൽ താരം എത്തുക ആയിരുന്നു. സെസ്കോക്ക് ആയി മികച്ച പുതിയ കരാർ ആണ് ലൈപ്സിഗ് മുന്നോട്ട് വെക്കുക, കരാറിൽ താരത്തിന് ക്ലബ് താൽപ്പര്യമുള്ള സമയത്ത് ക്ലബ് വിടാനുള്ള വ്യവസ്ഥയും ഉണ്ടാവും എന്ന സൂചനയുണ്ട്.