യുവ സ്ട്രൈക്കർ ബെഞ്ചമിൻ സെസ്കോ ലെപ്സിഗിൽ തൻ്റെ നിലവിലുള്ള കരാർ പുതുക്കി. 2029വരെയുള്ള പുതിയ കരാർ ആണ് താരം ഒപ്പുവെച്ചത്. സെസ്കോ പ്രീമിയർ ലീഗിലേക്ക് എന്നുള്ള അഭ്യൂഹങ്ങൾക്ക് ഇതോടെ അവസാനമായി.
സ്ലോവേനിയൻ ഇൻ്റർനാഷണൽ കഴിഞ്ഞ സീസണിൽ ലെപ്സിഗിനായി ഗംഭീര പ്രകടനം കാഴ്ചവെച്ചിരുന്നു. 42 മത്സരങ്ങളിൽ നിന്ന് 18 ഗോളുകൾ താരം നേടി. സ്ലോവേനിയയിലെ NK Krsko, NK Domzale എന്നീ ക്ലബുകളിലൂടെ വളർന്ന താരം ആർ ബി സാൽസ്ബർഗിലൂടെ ആയിരുന്നു ലോക ശ്രദ്ധ നേടിയത്.
ആർബി ലെപ്സിഗുനായി 2022ൽ കരാർ ഒപ്പുവെച്ചു എങ്കിലും ഒരു വർഷം കൂടെ താരം സാൽസ്ബർഗിൽ ലോണിൽ തുടർന്നു. ഈ സീസൺ രണ്ടാം പകുതിയിൽ ആണ് താരം ഏറ്റവും മികച്ചു നിന്നത്.