യുവ ഡച്ച് താരം സാവി സിമൺസ് പി എസ് ജിയിലേക്ക് തിരികെ പോകില്ല എന്ന് ഉറപ്പായി. ലെപ്സിഗിൽ തന്നെ തുടരാൻ ആണ് സിമൺസ് തീരുമാനിച്ചിരിക്കുന്നത്. ഒരു വർഷം കൂടെ താരം ലെപ്സിഗിൽ ലോണിൽ തുടരും. അതിനു ശേഷം ഭാവി എവിടേക്കാണെന്ന് തീരുമാനിക്കും.
കഴിഞ്ഞ സീസണിൽ പി.എസ്.വിയിൽ കളിച്ച താരത്തിന്റെ ബയ് ബാക്ക് ക്ലോസ് ആക്ടിവേറ്റ് ചെയ്താണ് പി.എസ്.ജി താരത്തെ തിരികെ സ്വന്തമാക്കിയത്. വലിയ ട്രാൻസ്ഫർ ഫീ വാങ്ങി വിൽക്കാൻ ആണ് പി എസ് ജി ആഗ്രഹിച്ചത് എങ്കിലും അത് നടന്നില്ല. സിമൺസ് പി എസ് ജിക്ക് ആയി കളിക്കാൻ ആഗ്രഹിക്കുന്നുമില്ല. ബയേണും താരത്തെ സ്വന്തമാക്കാൻ ശ്രമിച്ചു എങ്കിലും ലെപ്സിഗിൽ തുടരാൻ തന്നെ താരം തീരുമാനിക്കുക ആയിരുന്നു.