ജർമ്മൻ ബുണ്ടസ് ലീഗയിൽ തങ്ങളുടെ ആദ്യ ജയം കുറിച്ച് ആർ.ബി ലൈപ്സിഗ്. സ്റ്റുഗാർട്ടിനെ ഒന്നിനെതിരെ അഞ്ചു ഗോളുകൾക്ക് ആണ് ലൈപ്സിഗ് മറികടന്നത്. മത്സരത്തിൽ 1 ഗോളിനു പിന്നിൽ നിന്ന ശേഷമാണ് ലൈപ്സിഗ് ജയം കണ്ടത്തിയത്. ആദ്യ പകുതിയിൽ 35 മത്തെ മിനിറ്റിൽ പിന്നിലായ ലൈപ്സിഗ് രണ്ടാം പകുതിയിൽ 5 ഗോളുകൾ ആണ് നേടിയത്.
51 മത്തെ മിനിറ്റിൽ ബെഞ്ചമിൻ ഹെൻറിക്സ് ലൈപ്സിഗിന് സമനില ഗോൾ നേടിയപ്പോൾ 63 മത്തെ മിനിറ്റിൽ ഡാനി ഓൽമയിലൂടെ അവർ മത്സരത്തിൽ മുന്നിലെത്തി. 66 മത്തെ മിനിറ്റിൽ പുതുതായി ടീമിൽ എത്തിയ ലോയിസ് ഒപെണ്ട ലൈപ്സിഗിന്റെ മൂന്നാം ഗോൾ നേടി. 74 മത്തെ മിനിറ്റിൽ കെവിൻ കാമ്പൽ നാലാം ഗോൾ നേടിയപ്പോൾ 2 മിനിറ്റിനുള്ളിൽ പുതുതായി ടീമിൽ എത്തിയ സാവി സിമൻസ് നേടിയ ഗോളിൽ അവർ ജയം പൂർത്തിയാക്കി. മത്സരത്തിൽ 2 അസിസ്റ്റുകളും ഒരു ഗോളും നേടിയ സാവി സിമൻസ് തന്നെയായിരുന്നു താരം.