Tag: Pre season

സിംഗപ്പൂരിൽ നടന്ന തങ്ങളുടെ ഈ സീസണിലെ ആദ്യ പ്രീ സീസൺ മത്സരത്തിൽ ജയം കണ്ടു ആഴ്‌സണൽ. പുതുതായി ടീമിൽ എത്തിയ നോർഗാർഡ്, സുബിമെന്റി, കെപ്പ തുടങ്ങിയവർ അരങ്ങേറ്റം കുറിച്ച മത്സരത്തിൽ മാക്‌സ് ഡോൺമാൻ, സാൽമൺ, ജോഷ് നിക്കോൾസ് തുടങ്ങിയ യുവതാരങ്ങളും പന്ത് തട്ടി. ആഴ്‌സണൽ ആധിപത്യം ആണ് 2 പകുതികളിലും കാണാൻ ആയത്.

രണ്ടാം പകുതിയിൽ ജേക്കബ് കിവിയോറിന്റെ മികച്ച ക്രോസിൽ നിന്നു 53 മത്തെ മിനിറ്റിൽ ഗോൾ നേടിയ ബുകയോ സാക ആഴ്‌സണലിന് ജയം സമ്മാനിച്ചു. യുവ ഗോൾ കീപ്പർ ലോറൻസോ ടോറിയാനിയുടെ സേവുകൾ ആണ് മിലാനെ കൂടുതൽ ഗോൾ വഴങ്ങുന്നതിൽ നിന്നു രക്ഷിച്ചത്. അരങ്ങേറ്റത്തിൽ കിട്ടിയ മിനുറ്റുകളിൽ തന്റെ മികവ് 15 കാരനായ മാക്‌സ് ഡോൺമാൻ കാണിച്ചതും ശ്രദ്ധേയമായിരുന്നു. മത്സര ശേഷം നടന്ന പ്രദർശന പെനാൽട്ടി ഷൂട്ട് ഔട്ടിൽ 3 വീതം പെനാൽട്ടി രക്ഷച്ചു കെപ്പയും,ടോറിയാനിയും തിളങ്ങി. മിലാൻ ആണ് പെനാൽട്ടി ഷൂട്ട് ഔട്ട് ജയിച്ചത്.

അമേരിക്കയിൽ നടന്ന ആദ്യ പ്രീ സീസൺ മത്സരത്തിൽ മറ്റൊരു പ്രീമിയർ ലീഗ് ക്ലബ് ആയ ബോൺമൗതിനെ മറികടന്ന് ആഴ്‌സണൽ. 1-1 നു സമനിലയിൽ അവസാനിച്ച മത്സരത്തിൽ പെനാൽട്ടി ഷൂട്ട് ഔട്ടിൽ ആണ് ആഴ്‌സണൽ ജയം കണ്ടത്. നിരവധി യുവതാരങ്ങൾക്ക് അവസരം നൽകിയ ആർട്ടെറ്റയുടെ ടീമിന് ആയി 18 മിനിറ്റിൽ ഫാബിയോ വിയേരയാണ് ആദ്യ ഗോൾ നേടിയത്. റീസ് നെൽസന്റെ പാസിൽ നിന്നു വോളിയിലൂടെ ആയിരുന്നു വിയേര ഗോൾ നേടിയത്.

രണ്ടാം പകുതിയിലും ആഴ്‌സണൽ നിരവധി മാറ്റങ്ങൾ ആണ് വരുത്തിയത്. തുടർന്ന് 73 മത്തെ മിനിറ്റിൽ സെമനിയോയിലൂടെ ബോൺമൗത് സമനില ഗോൾ കണ്ടെത്തുക ആയിരുന്നു. 90 മിനിറ്റിനു ശേഷം തുടർന്ന് നടന്ന പെനാൽട്ടി ഷൂട്ട് ഔട്ടിൽ ആഴ്‌സണൽ ജയം കാണുക ആയിരുന്നു. ഫിലിപ്പ് ബില്ലിങ്, റയാൻ ക്രിസ്റ്റി എന്നിവരുടെ പെനാൽട്ടി രക്ഷിച്ച കാൾ ഹെയിൻ ആണ് ആഴ്‌സണൽ രക്ഷകൻ ആയത്. ട്രൊസാർഡിന്റെ പെനാൽട്ടി പോസ്റ്റിൽ ഇടിച്ചു മടങ്ങിയപ്പോൾ 5-4 നു ആയിരുന്നു ആഴ്‌സണലിന്റെ ഷൂട്ട് ഔട്ട് ജയം. പ്രീ സീസണിൽ അടുത്ത മത്സരത്തിൽ മാഞ്ചസ്റ്റർ യുണൈറ്റഡിനെ ആണ് ആഴ്‌സണൽ നേരിടുക.

അമേരിക്കൻ മണ്ണിലെ അവസാന പ്രീ സീസൺ പോരാട്ടത്തിൽ മിലാനെ നേരിടാൻ ഇറങ്ങിയ ബാഴ്‌സലോണക്ക് എതിരില്ലാത്ത ഒരു ഗോളിന്റെ വിജയം. രണ്ടാം പകുതിയിൽ ആൻസു ഫാറ്റി നേടിയ ഗോൾ ആണ് മത്സരത്തിന്റെ വിധി നിർണയിച്ചത്. ഇതോടെ സ്വദേശത്തേക്ക് മടങ്ങുന്ന ടീമുകൾ സീസണിന് മുന്നോടിയായുള്ള ഒരുക്കങ്ങൾ തുടരും. ജോവാൻ ഗാമ്പർ ട്രോഫിയിൽ ടോട്ടനത്തെയാണ് ഇനി ബാഴ്‌സക്ക് നേരിടാൻ ഉള്ളത്. ട്രെന്റോ, നോവാര തുടങ്ങിയ ടീമുകളുമായി മിലാൻ പരിശീലന മത്സരത്തിൽ ഏർപ്പെടും.

ടീം വിടുമെന്ന് ഉറപ്പായ ഡെമ്പലെ ഇല്ലാതെയാണ് ബാഴ്‌സ ഇറങ്ങിയത്. പുലിസിച്ച്, ലോഫറ്റസ് ചീക്, റെയ്ന്റെഴ്‌സ് തുടങ്ങി പുതിയ താരങ്ങളെ എല്ലാം മിലാൻ അണിനിരത്തി. തുടക്കത്തിൽ ബാഴ്‌സയുടെ സമ്പൂർണ ആധിപത്യം ആയിരുന്നു. മിലാൻ തുടർച്ചയായ പന്ത് നഷ്ടപ്പെടുത്തി. റാഫിഞ്ഞയിലൂടെ ആയിരുന്നു കൂടുതൽ മുന്നേറ്റങ്ങളും. മറു വശത്ത് ലിയവോയെ കണ്ടെത്താൻ മിലാൻ ബുദ്ധിമുട്ടി. ഒൻപതാം മിനിറ്റിൽ ബാഴ്‌സയുടെ കോർണർ മേഗ്നൻ തടുത്തു. പിന്നീട് മറ്റൊരു കോർണറിലൂടെ എത്തിയ പന്തിൽ കുണ്ടെയുടെ ശ്രമം പോസ്റ്റിൽ ഇടിച്ചു തെറിച്ചു. പതിയെ മിലാൻ മത്സരത്തിലേക്ക് തിരിച്ചു വന്നു. എതിർ ബോക്സിലേക്ക് തുടർച്ചയായ നീക്കങ്ങൾ എത്തി. 18 ആം മിനിറ്റിൽ മിലാന്റെ കോർണറിൽ ടോമോരിയുടെ ഹെഡർ ലക്ഷ്യത്തിൽ നിന്നും അകന്ന് പോയി. കൗണ്ടറിൽ റാഫിഞ്ഞയിലൂടെ എത്തിയ നീക്കം പക്ഷെ ഫെറാൻ ടോറസിന് നിയന്ത്രിക്കാൻ ആയില്ല. മികച്ചൊരു നീകത്തിനൊടുവിൽ ദുഷകരമായ ആംഗിളിൽ നിന്നും ലിയാവോ തൊടുത്ത ഷോട്ട് കീപ്പർ തടുത്തു. ആദ്യ പകുതി ഗോൾ രഹിതമായി അവസാനിച്ചു.

രണ്ടാം പകുതിയിലും ഇരു ടീമുകളും തുടർച്ചയായ മുന്നേറ്റങ്ങൾ നടത്തി. കൗണ്ടറിൽ നിന്നും ലിയാവോയുടെ ഷോട്ട് പോസ്റ്റിൽ നിന്നും അകന്ന് പോയി. 54ആം മിനിറ്റിൽ ഡി യോങ് ഉയർത്തി നൽകിയ ബോളിൽ അരോവോ ഹെഡർ ഉതിർത്തെങ്കിലും ലക്ഷ്യം കണ്ടില്ല. തൊട്ടു പിറകെ ഫാറ്റിയുടെ ഗോൾ എത്തി. ഇടത് വിങ്ങിലൂടെ എത്തിയ നീകത്തിനൊടുവിൽ ബോക്സിലേക്ക് കയറി താരം തൊടുത്ത ഷോട്ട് പോസ്റ്റിലേക്ക് താഴ്ന്നിറങ്ങി. 65ആം മിനിറ്റിൽ റാഫിഞ്ഞ നയിച്ച മുന്നേറ്റം ലെവെന്റോവ്സ്കി ബോക്സിലേക്ക് ഉയർത്തി നൽകിയപ്പോൾ അരോഹോ വലയിൽ എത്തിച്ചെങ്കിലും റഫറി ഓഫ്സൈഡ് വിധിച്ചിരുന്നു. 75ആം മിനിറ്റിൽ മിലാന് സമനില ഗോൾ നേടാനുള്ള സുവർണാവസരം കൈവന്നു. ഡെസ്റ്റിന്റെ കാലുകളിൽ പന്ത് റാഞ്ചിയ റെയ്ന്റെഴ്‌സിൽ നിന്നും പാസ് സ്വീകരിച്ച് കുതിച്ച ലിയാവോ ബോസ്‌കിനുള്ളിൽ താരത്തിന് തന്നെ പന്ത് കൈമാറിയെങ്കിലും ഷോട്ട് ലക്ഷ്യത്തിൽ നിന്നും വളരെ അകന്ന് പോയി. പിന്നീടും ഇരു ഭാഗത്തും അവസരങ്ങൾ തുറന്നെടുത്തെങ്കിലും ഗോൾ ആക്കി മാറ്റുന്നതിൽ ടീമുകൾ പരാജയമായി. അവസാന അരമണിക്കൂറിൽ കഴിയുന്നത്രയും താരങ്ങൾക്ക് അവസരം നൽകാനാണ് ടീമുകൾ ശ്രമിച്ചതും.