Tag: Mushfiqur Rahim

സ്വന്തം രാജ്യത്തിന് വേണ്ടി കളിക്കുന്നതിനേക്കാൾ വലുതല്ല ഇന്ത്യൻ പ്രീമിയർ ലീഗ് കളിക്കുന്നതെന്ന് ബംഗ്ളദേശ് താരം മുഷിഫിഖുർ റഹിം. അത് കൊണ്ട് ഐ.പി.എൽ കളിക്കാൻ കഴിയാത്തതിൽ തനിക്ക് നിരാശയില്ലെന്നും താരം പറഞ്ഞു.

എന്നാൽ ഇന്ത്യൻ പ്രീമിയർ ലീഗ് ലോകത്തിലെ ഏറ്റവും മികച്ച ലീഗുകളിൽ ഒന്നാണെന്നും ലോകത്തുള്ള മികച്ച താരങ്ങൾ മുഴുവൻ ഐ.പി.എൽ കളിയ്ക്കാൻ ഉണ്ടെന്നും ബംഗ്ലാദേശ് താരം പറഞ്ഞു. തനിക്ക് ഇന്ത്യൻ പ്രീമിയർ ലീഗിൽ കളിക്കാൻ അവസരം ലഭിച്ചാൽ തീർച്ചയായും താൻ കളിക്കുമെന്നും അത് തന്റെ കളിയുടെ നിലവാരം ഉയർത്തുമെന്നും മുഷിഫിഖുർ റഹിം പറഞ്ഞു.

2016 ടി20 ലോകകപ്പിൽ ഇന്ത്യയോട് തോറ്റത് തന്റെ ക്രിക്കറ്റ് കരിയറിലെ ഏറ്റവും നിരാശ സമ്മാനിച്ച മത്സരമാണെന്നും മുഷിഫിഖുർ റഹീം പറഞ്ഞു. ബെംഗളൂരുവിലെ ചിന്നസ്വാമി സ്റ്റേഡിയത്തിൽ നടന്ന മത്സരത്തിൽ അവസാന മൂന്ന് പന്തിൽ ജയിക്കാൻ രണ്ട് റൺസ് വേണമെന്നിരിക്കെ ബംഗ്ലാദേശ് ഒരു റണ്ണിന് മത്സരം തോറ്റിരുന്നു. 2018ൽ വെസ്റ്റിൻഡീസിനെതിരായ പരമ്പരയിലെ മത്സരം തോറ്റതും തനിക്ക് നിരാശ സമ്മാനിച്ചുവെന്ന് മുഷിഫിഖുർ റഹിം പറഞ്ഞു.

ഐപിഎല്‍ ലേലത്തില്‍ താന്‍ പങ്കെടുക്കുവാന്‍ ആഗ്രഹിച്ചിരുന്നതല്ലെന്ന് അഭിപ്രായപ്പെട്ട് ബംഗ്ലാദേശ് താരം മുഷ്ഫിക്കുര്‍ റഹിം. തന്നെ ആരും സ്വന്തമാക്കില്ലെന്ന് ഉറപ്പായിരുന്നുവെന്നും ആ തോന്നല്‍ തനിക്ക് മുമ്പ് തന്നെയുണ്ടായിരുന്നുവെന്നും മുഷ്ഫിക്കുര്‍ പറഞ്ഞു. താന്‍ ലേലത്തില്‍ പങ്കെടുക്കുവാന്‍ ആഗ്രഹിച്ചിരുന്നില്ല, എന്നാല്‍ ഒരു ഫ്രാഞ്ചൈസിയ്ക്ക് തന്നെ സ്വന്തമാക്കുവാന്‍ താല്പര്യമുണ്ടെന്ന് അറിയിച്ചതോടെയാണ് താന്‍ ലേലത്തില്‍ പങ്കെടുക്കുവാന്‍ രജിസ്റ്റര്‍ ചെയ്തത്.

തന്നെ ആരും എടുക്കാന്‍ പോകുന്നില്ലെന്ന് അറിയാവുന്നത് കൊണ്ടാണ് താന്‍ ലേലത്തില്‍ പേര് ചേര്‍ക്കേണ്ടതില്ലെന്ന് തീരുമാനിച്ചത്, എന്നാല്‍ ഐപിഎലില്‍ നിന്ന് ആവശ്യം വന്നതോടെയാണ് താന്‍ ഒരു ശ്രമം ആവാമെന്ന് കരുതിയത്. സംഭവിച്ചത് തന്റെ കൈയ്യിലുള്ള കാര്യമല്ലെന്നും അതിനാല്‍ തന്നെ തനിക്ക് വലിയ വിഷമം ഇല്ലെന്നും താരം പറഞ്ഞു.

മീഡിയയില്‍ നിന്നാണ് ഏത് ഫ്രാഞ്ചൈസിയാണ് തന്നെ സ്വന്തമാക്കുവാന്‍ ആഗ്രഹിച്ചിരുന്നത്, അതില്‍ കൂടുതല്‍ ഒന്നും തനിക്കറില്ലെന്നും മുഷ്ഫിക്കുര്‍ പറഞ്ഞു.

ഐപിഎല്‍ ലേലത്തില്‍ തന്നെ ആരും വാങ്ങാത്തതില്‍ തനിക്ക് വിഷമമില്ലെന്ന് പറഞ്ഞ് ബംഗ്ലാദേശ് വിക്കറ്റ് കീപ്പര്‍ ബാറ്റ്സ്മാന്‍ മുഷ്ഫിക്കുര്‍ റഹിം. മുസ്തഫിസുര്‍ റഹ്മാനൊപ്പം താരത്തിനെയും ആരും ലേലത്തില്‍ പരിഗണിച്ചിരുന്നില്ല. തന്ന ലേലത്തില്‍ ആരെങ്കിലും നേടിയാലും ഇല്ലെങ്കിലും തനിക്ക് വലിയ മാറ്റമൊന്നും സംഭവിക്കുന്നില്ലെന്ന് താരം പറഞ്ഞു. തനിക്ക് നേരിയ പ്രതീക്ഷയുണ്ടായിരുന്നു എന്നാലത് നടന്നില്ല.

എന്ത് തന്നെ സംഭവിച്ചാലും ജീവിതം മുന്നോട്ട് തന്നെ പോകണമെന്നും താനിപ്പോള്‍ ബംഗ്ലാദേശ് പ്രീമിയര്‍ ലീഗില്‍ കളിക്കുകയാണെന്നും അതിനാല്‍ തന്നെ പൂര്‍ണ്ണ ശ്രദ്ധ അവിടേക്കാണ് വേണ്ടതെന്നാണ് തന്റെ ഇപ്പോളത്തെ നിലപാടെന്നും മുഷ്ഫിക്കുര്‍ റഹിം അഭിപ്രായപ്പെട്ടു.