Tag: Mushfiqur Rahim

ഓസ്ട്രേലിയയ്ക്കെതിെരയുള്ള ടി20 പരമ്പരയിൽ മുഷ്ഫിക്കുര്‍ റഹിം കളിക്കില്ല. ഓഗസ്റ്റ് 3ന് ആണ് പരമ്പര ആരംഭിക്കുവാനിരിക്കുന്നതെങ്കിലും താരത്തിന് ആവശ്യമായ 10 ദിവസത്തെ ക്വാറന്റീന്‍ തുടങ്ങുവാന്‍ സാധിച്ചില്ലെന്നാണ് അറിയുന്നത്. സിംബാബ്‍വേ പരമ്പരയിൽ നിന്ന് നേരത്തെ നാട്ടിലേക്ക് താരം മടങ്ങിയിരുന്നു.

മുഷ്ഫിക്കുര്‍ കളിക്കുവാന്‍ തയ്യാറായിരുന്നുവെങ്കിലും പത്ത് ദിവസത്തെ നിര്‍ബന്ധിത ക്വാറന്റീനില്ലാതെ ആരെയും കളിപ്പിക്കുവാനാകില്ലെന്ന് ക്രിക്കറ്റ് ഓസ്ട്രേലിയ നിലപാടെടുത്തതോടെയാണ് ഈ സാഹചര്യം ഉടലെടുത്തതെന്നും ബിസിബി ക്രിക്കറ്റ് ഓപ്പറേഷന്‍സ് ചെയര്‍മാന്‍ അക്രം ഖാന്‍ വ്യക്തമാക്കി.

സിംബാബ്‍വേയ്ക്കെതിരെയുള്ള ബംഗ്ലാദേശിന്റെ പരിമിത ഓവര്‍ പരമ്പര കളിക്കുവാനില്ലെന്ന് അറിയിച്ച് മുഷ്ഫിക്കുര്‍ റഹിം. താരം നേരത്തെ ടി20 പരമ്പരയിൽ മാത്രം കളിക്കില്ലെന്നാണ് അറിയിച്ചതെങ്കിലും ആ തീരുമാനവും മാറ്റി ഇന്നലെ ടി20 പരമ്പരയ്ക്കുണ്ടാകുമെന്ന് അറിയിച്ചിരുന്നു.

എന്നാൽ ഇപ്പോല്‍ ലഭിയ്ക്കുന്ന വിവരപ്രകാരം താരം സിംബാബ്‍വേ പരമ്പര മതിയാക്കി ഉടനെ നാട്ടിലേക്ക് മടങ്ങുവാന്‍ തീരുമാനിച്ചുവെന്നാണ് അറിയുന്നത്. താരത്തിന്റെ മാതാപിതാക്കള്‍ കോവിഡ് ബാധിതരായതോടെയാണ് അവരോടൊപ്പം ചെല്ലുവാന്‍ താരം തീരുമാനിച്ചത്.

നേരത്തെ ബംഗ്ലാദേശ് ക്രിക്കറ്റ് ബോര്‍ഡും ക്രിക്കറ്റ് ഓസ്ട്രേലിയയും താരങ്ങള്‍ പത്ത് ദിവസം ബംഗ്ലാദേശിലെത്തിയ ശേഷം ക്വാറന്റീന്‍ ഇരിക്കണമെന്ന് തീരുമാനിച്ചിരുന്നു. ഇതിനെത്തുടര്‍ന്നാണ് മുഷ്ഫിക്കുര്‍ സിംബാബ്‍‍വേയിൽ ബയോ ബബിളിൽ തുടര്‍ന്ന് ടീമിനായി ടി20 പരമ്പരയിലും കളിക്കാമെന്ന് തീരുമാനിച്ചത്.

ബംഗ്ലാദേശിന്റെ പരമ്പര വിജയത്തിൽ നിർണ്ണായക പങ്ക് വഹിച്ചത് വിക്കറ്റ് കീപ്പർ ബാറ്റ്സ്മാൻ കൂടിയായ മുഷ്ഫിക്കുർ റഹിം ആയിരുന്നു. താരം ആദ്യ രണ്ട് മത്സരങ്ങളിലും പുറത്തെടുത്ത പ്രകടനമാണ് ബംഗ്ലാദേശിന് പൊരുതാവുന്ന സ്കോറിലേക്ക് എത്തുവാൻ സഹായിച്ചത്. ആ പ്രകടനങ്ങളുടെ ബലത്തിൽ ആദ്യ രണ്ട് മത്സരങ്ങളും വിജയിച്ച് പരമ്പര നേടുവാനും ടീമിന് സാധിച്ചു. ഈ പ്രകടനങ്ങളുടെ ബലത്തിൽ താരത്തെ പരമ്പരയിലെ താരമാക്കി മാറ്റുകയായിരുന്നു.

മൂന്നാം ഏകദിനത്തിൽ മുഷ്ഫിക്കുറിന് 28 റൺസ് മാത്രമാണ് നേടാനായത്. അതോടെ ബംഗ്ലാദേശിന്റെ ചെറുത്ത്നില്പ് 189 റൺസിൽ അവസാനിക്കുകയായിരുന്നു. 15 വർഷത്തോളം അന്താരാഷ്ട്ര ക്രിക്കറ്റിൽ കളിച്ചൊരാളെന്ന നിലയിൽ ടീമിനായി കൂടുതൽ കൂടുതൽ സംഭാവന ചെയ്യണമെന്നാണ് തന്റെ ആഗ്രഹമെന്നാണ് മുഷ്ഫിക്കുർ മത്സരശേഷം പറഞ്ഞത്.

ഈ പരമ്പരയ്ക്കായി താരങ്ങളെല്ലാം കഠിന പ്രയത്നം ആണ് നടത്തിയതെന്നും കഴിഞ്ഞ കുറച്ച് മാസങ്ങളായി ടീം മികച്ച ക്രിക്കറ്റല്ല കളിച്ചതെന്നും അതിനാൽ തന്നെ പരമ്പര വിജയിക്കാനായതിൽ ഏറെ സന്തോഷം ഉണ്ടെന്നും മുഷ്ഫിക്കുർ പറഞ്ഞു.

ബംഗ്ലാദേശിനെ തകർച്ചയിൽ നിന്ന് കരകയറ്റി 246 റൺസിലേക്ക് നയിച്ചതിൽ വിക്കറ്റ് കീപ്പർ ബാറ്റ്സ്മാൻ മുഷ്ഫിക്കുർ റഹിമിന്റെ സേവനം വളരെ വലുതാണ്. താരം ഒറ്റയ്ക്ക് നേടിയ 125 റൺസാണ് ബംഗ്ലാദേശിന് തകർച്ചയിൽ നിന്ന് കരകയറുവാനുള്ള അവസരം സൃഷ്ടിച്ചത്. തനിക്ക് ടീമിന് വേണ്ടി മുന്നിൽ നിന്ന് പൊരുതാനായതിൽ സന്തോഷം ഉണ്ടെന്നാണ് മുഷ്ഫിക്കുർ റഹിം പറഞ്ഞത്.

എന്നാൽ തനിക്ക് അവസാന 11 പന്തുകൾ കൂടി കളിക്കുവാൻ സാധിക്കാത്തതിൽ വിഷമം ഉണ്ടെന്ന് മുഷ്ഫിക്കുർ പറഞ്ഞു. ഇനിയും ബംഗ്ലാദേശ് മെച്ചപ്പെടുവാനുള്ള പല മേഖലകളും ഉണ്ടെന്നും ഭയമില്ലാതെ ടീം കളിക്കേണ്ടിയിരിക്കുന്നുവെന്നും മുഷ്ഫിക്കുർ വ്യക്തമാക്കി. അത്ര അനായാസം ബാറ്റ് ചെയ്യാനാകുന്ന പിച്ചല്ലായിരുന്നു ഇതെന്നും അവിടെ ഇത്തരം മികച്ച തിരിച്ചുവരവുകൾ സന്തോഷം നൽകുന്നതാണെന്നും മുഷ്ഫിക്കുർ വ്യക്തമാക്കി.

താന്‍ പൊള്ളാര്‍ഡിനെയോ റസ്സലിനെയോ പോലെ വലിയ ഷോട്ടുകള്‍ക്ക് പേര് കേട്ട ആളല്ലെന്നും തന്റെ ശക്തിയ്ക്കനുസരിച്ചുള്ള ബാറ്റിംഗ് ആണ് താന്‍ പുറത്തെടുത്തതെന്നും പറഞ്ഞ് ഇന്നലെ ശ്രീലങ്കയ്ക്കെതിരെ ബാറ്റിംഗ് മികവില്‍ മാന്‍ ഓഫ് ദി മാച്ച് പുരസ്കാരം സ്വന്തമാക്കിയ മുഷ്ഫിക്കുര്‍ റഹിം.

ബാറ്റിംഗ് അത്ര എളുപ്പമല്ലാത്ത വിക്കറ്റായിരുന്നുവെന്നും താന്‍ സമയം എടുത്താണ് തന്റെ ഇന്നിംഗ്സ് പടുത്തുയര്‍ത്തിയതെന്നും റഹിം പറഞ്ഞു. ഒരു വശത്ത് വിക്കറ്റ് കാത്ത് സൂക്ഷിക്കേണ്ടിയിരുന്നത് ആവശ്യമായിരുന്നുവെന്നും മഹമ്മുദുള്ള, അഫീഫ്, സൈഫുദ്ദീന്‍ എന്നിവര്‍ മികച്ച രീതിയിലാണ് ബാറ്റ് വീശിയതും അത് ടീമിന് ഗുണം ചെയ്തുവെന്നും മുഷ്ഫിക്കുര്‍ പറഞ്ഞു.