Tag: Mohammad Amir

വിരമിച്ച പാകിസ്താൻ പേസർ മുഹമ്മദ് ആമിറിന് വിരമിക്കൽ പിൻവലിച്ച് പാക്കിസ്ഥാൻ ക്രിക്കറ്റ് ടീമിൽ കളിക്കാം എന്ന് പാകിസ്ഥാൻ ക്രിക്കറ്റ് ബോർഡ് ചെയർമാൻ നജാം സേത്തി. മുൻ പി സി ബിൽ ചെയർമാൻ റമീസ് രാജ അമീറിനെ ഒരിക്കലും കളിക്കാൻ അനുവദിക്കില്ല എന്നായിരുന്നു പറഞ്ഞിരുന്നത്. പാകിസ്ഥാൻ ടീം പരിശീലകർമാരും ക്രിക്കറ്റ് ബോർഡുമായി ഉടക്കി ആയിരുന്നു 2020ൽ ആമിർ ക്രിക്കറ്റിൽ നിന്ന് വിരമിച്ചത്.

അമീർ പാകിസ്ഥാന് വേണ്ടി വളരെ മികച്ച പ്രകടനമാണ് കാഴ്ചവെച്ചത്, വീണ്ടും കളിക്കാൻ താല്പര്യപ്പെടുന്നു എങ്കിൽ ഞങ്ങൾക്ക് പ്രശ്‌നങ്ങളൊന്നുമില്ല. സേതി പറഞ്ഞു. 2010ൽ ഇംഗ്ലണ്ടിൽ നടന്ന മാച്ച് ഫിക്സിംഗ് കേസിൽ പെട്ടതിനാൽ മുമ്പ് അഞ്ച് വർഷത്തേക്ക് വിലക്കപ്പെട്ട താരം കൂടിയാണ് ആമിർ. പി സി ബി അനുകൂല നിലപാട് എടുത്തത് കൊണ്ട് ആമിർ തന്റെ തീരുമാനം മാറ്റുമോ എന്ന് ഉറ്റുനോക്കുകയാണ് ക്രിക്കറ്റ് നിരീക്ഷകർ.

ഐപിഎല്‍ കളിക്കുക എന്നതാണ് തന്റെ ലക്ഷ്യമെന്ന് പറഞ്ഞ് പാക്കിസ്ഥാന്‍ മുന്‍ പേസര്‍ മുഹമ്മദ് അമീര്‍. കഴിഞ്ഞ വര്‍ഷം വെറും 29 വയസ്സുള്ള താരം അന്താരാഷ്ട്ര ക്രിക്കറ്റില്‍ നിന്ന് വിരമിക്കുകയായിരുന്നു. അതിന് ശേഷം താരം യുകെയില്‍ തന്റെ കുടുംബത്തോടൊപ്പമാണ് താമസം.

പാക്കിസ്ഥാന്‍ ടീം മാനേജ്മെന്റിന്റെ നിലപാടുകളിലും തന്നോടുള്ള പെരുമാറ്റത്തിലും മടുത്താണ് മുഹമ്മദ് അമീര്‍ വിരമിച്ചത്. നിലവിലുള്ള മാനേജ്മെന്റ് മാറിയാല്‍ താന്‍ വീണ്ടും പാക്കിസ്ഥാന് വേണ്ടി കളിക്കാമെന്നും താരം പറഞ്ഞിരുന്നു. താന്‍ ഇനിയും 6-7 വര്‍ഷം കളിക്കുമെന്നാണ് കരുതുന്നതെന്നും ബ്രിട്ടീഷ് പൗരത്വം എടുക്കുക എന്നതാണ് തന്റെ ലക്ഷ്യമെന്നും അമീര്‍ പറഞ്ഞു.

അത് വഴി ഐപിഎല്‍ കളിക്കാനും തനിക്കാകുമെന്ന് താരം പ്രത്യാശ പ്രകടിപ്പിച്ചു. ഐപിഎലിന്റെ രണ്ടാം പതിപ്പ് മുതല്‍ പാക്കിസ്ഥാന്‍ താരങ്ങളെ ഐപിഎലില്‍ ബിസിസിഐ പങ്കെടുപ്പിക്കാറില്ല. ആദ്യ സീസണിന് ശേഷം ടൂര്‍ണ്ണമെന്റില്‍ പങ്കെടുത്ത പാക്കിസ്ഥാന്‍ മുന്‍ ഓള്‍റൗണ്ടര്‍ അസ്ഹര്‍ മഹമ്മൂദ് ഇംഗ്ലണ്ട് താരമായി രജിസ്റ്റര്‍ ചെയ്താണ് ഐപിഎലില്‍ കളിച്ചത്.