ധാക്ക: സെപ്റ്റംബർ 9 മുതൽ 28 വരെ യുഎഇയിൽ നടക്കുന്ന 2025 ഏഷ്യാ കപ്പിനും ഓഗസ്റ്റ് 30 മുതൽ സെപ്റ്റംബർ 3 വരെ സിൽഹെട്ടിൽ നടക്കുന്ന നെതർലാൻഡ്സിനെതിരായ മൂന്ന് മത്സരങ്ങളടങ്ങിയ ചരിത്രപരമായ ട്വന്റി20 പരമ്പരയ്ക്കും മുന്നോടിയായുള്ള 25 അംഗ പ്രാഥമിക ടീമിനെ ബംഗ്ലാദേശ് ക്രിക്കറ്റ് ബോർഡ് പ്രഖ്യാപിച്ചു.
ഓഗസ്റ്റ് 6-ന് മിർപൂരിൽ ഫിറ്റ്നസ് ക്യാമ്പോടെ ടീം പരിശീലനം ആരംഭിക്കും. തുടർന്ന് ഓഗസ്റ്റ് 15-ന് സ്കിൽ ട്രെയിനിംഗ് തുടങ്ങും. നെതർലാൻഡ്സ് പരമ്പരയ്ക്കായി ഓഗസ്റ്റ് 20-ന് ടീം സിൽഹെട്ടിലേക്ക് തിരിക്കും.
ആഭ്യന്തര ക്രിക്കറ്റിലെ മികച്ച പ്രകടനത്തിന്റെ അടിസ്ഥാനത്തിൽ വിക്കറ്റ് കീപ്പർ-ബാറ്റർ നൂറുൽ ഹസൻ സോഹൻ ടീമിലേക്ക് തിരിച്ചെത്തിയത് ശ്രദ്ധേയമാണ്. അതേസമയം, മികച്ച പ്രകടനം കാഴ്ചവെച്ചിട്ടും മൊസാദെക് ഹൊസൈൻ സൈക്കത്തിനെ വീണ്ടും തഴഞ്ഞു.
ഓൾറൗണ്ടർ മെഹിദി ഹസൻ മിറാസ് ടീമിൽ ഇടം നിലനിർത്തി.
ചരിത്രത്തിലാദ്യമായാണ് നെതർലാൻഡ്സ് ബംഗ്ലാദേശിൽ ഒരു ഉഭയകക്ഷി ട്വന്റി20 പരമ്പര കളിക്കാൻ എത്തുന്നത്. ഓഗസ്റ്റ് 26-ന് അവർ ബംഗ്ലാദേശിൽ എത്തിച്ചേരും.
ഏഷ്യാ കപ്പ് 2025നുള്ള ബംഗ്ലാദേശ് പ്രാഥമിക ടീം: Litton Das (C), Tanzid Hasan Tamim, Mohammad Naim Sheikh, Soumya Sarkar, Mohammad Parvez Hossain Emon, Towhid Hridoy, Jaker Ali Anik, Mehidy Hasan Miraz, Shamim Hossain Patwary, Nazmul Hossain Shanto, Rishad Hossain, Shak Mahedi Hasan, Tanvir Islam, Nasum Ahmed, Hasan Mahmud, Taskin Ahmed, Tanzim Hasan Sakib, Mohammad Saifuddin, Nahid Rana, Mustafizur Rahman, Shoriful Islam, Syed Khaled Ahmed, Nurul Hasan Sohan, Mahidul Islam Bhuiyan Ankon, Saif Hassan.
