ബേൺമൗത്, വാറ്റ്ഫോഡ്, നോർവിച്ച് പ്രീമിയർ ലീഗിൽ നിന്നും പുറത്ത്, അവസാനം രക്ഷപെട്ട് ആസ്റ്റൺ വില്ല
2019/ 20 ലെ പ്രീമിയർ ലീഗ് സീസൺ അവസാനിച്ചപ്പോൾ ബേൺമൗത്, വാറ്റ്ഫോഡ്, നോർവിച്ച് ടീമുകൾ പ്രീമിയർ ലീഗിൽ നിന്നും പുറത്തായി. അതെ സമയം വെസ്റ്റ് ഹാമിനോട് സമനില പിടിച്ച ആസ്റ്റൺ വില്ല റെലിഗെഷൻ ഒഴിവാക്കി പ്രീമിയർ ലീഗിൽ തുടരുകയും ചെയ്യും.
https://twitter.com/premierleague/status/1287435103778549762
ഇന്ന് നടന്ന മത്സരത്തിൽ ബേൺമൗത് എവർട്ടനെ ഒന്നിനെതിരെ മൂന്നു ഗോളുകൾക്ക് പരാജയപ്പെടുത്തിരുന്നു എങ്കിലും 34 പോയിന്റിൽ എത്താനേ ടീമിന് സാധിച്ചുള്ളൂ. 18ആം സ്ഥാനത്ത് ഫിനിഷ് ചെയ്ത ബേൺമൗത് 17ആം സ്ഥാനത്തുള്ള ആസ്റ്റൺ വിലയേക്കാൾ ഒരു പോയിന്റ് പിന്നിലാണ്.
മറ്റൊരു നിർണായക മത്സരത്തിൽ ആഴ്സണൽ വാറ്റ്ഫോഡിനെ രണ്ടിനെതിരെ മൂന്നു ഗോളുകൾക്ക് പരിചയപ്പെടുത്തി. സമനിലയെങ്കിലും നേടിയിരുന്നെങ്കിൽ റെലിഗെഷൻ ഒഴിവാക്കാമായിരുന്ന വാറ്റ്ഫോഡ് അവസാന നിമിഷം വരെ പൊരുതിയാണ് തോൽവി സമ്മതിച്ചത്. പ്രീമിയർ ലീഗിൽ നിന്നും നേരത്തെ തന്നെ പുറത്തായിരുന്ന നോർവിച്ച് ഇന്ന് മാഞ്ചസ്റ്റർ സിറ്റിയോട് എതിരില്ലാത്ത അഞ്ചു ഗോളുകൾക്ക് തോറ്റ് പതനം പൂർത്തിയാക്കി. 38 മത്സരങ്ങളിൽ നിന്നും വെറും 21 പോയിന്റ് ആണ് നോർവിച് സ്വന്തമാക്കിയിട്ടുള്ളത്.