ബ്രൂണോയുടെ അവസാന നിമിഷ ഗോളിൽ ഫുൾഹാമിനെ വീഴ്ത്തി ന്യൂകാസ്റ്റിൽ യുണൈറ്റഡ്

ഇംഗ്ലീഷ് പ്രീമിയർ ലീഗിൽ ഫുൾഹാമിനെ സ്വന്തം മൈതാനത്ത് ഒന്നിനെതിരെ രണ്ടു ഗോളുകൾക്ക് തോൽപ്പിച്ചു ന്യൂകാസ്റ്റിൽ യുണൈറ്റഡ്. മികച്ച തുടക്കം ലഭിച്ച ന്യൂകാസ്റ്റിൽ ആദ്യ പകുതിയിൽ പലപ്പോഴും ഗോളിന് അടുത്ത് എത്തിയത് ആണ്. 18 മത്തെ ബാസിയുടെ പിഴവിൽ നിന്നു ഗോൾ കണ്ടത്തിയ ജേക്കബ് മർഫി ന്യൂകാസ്റ്റിലിന് അർഹിച്ച മുൻതൂക്കം സമ്മാനിച്ചു. എന്നാൽ തുടർന്ന് നന്നായി കളിക്കുന്ന ഫുൾഹാമിനെ ആണ് കണ്ടത്.

രണ്ടാം പകുതിയിൽ ബ്രസീലിയൻ താരം കെവിൻ കൂടി എത്തിയതോടെ ഫുൾഹാം ആക്രമണത്തിനു മൂർച്ച കൂടി. 56 മത്തെ മിനിറ്റിൽ കെവിന്റെ പാസിൽ നിന്നുള്ള ഹിമനസിന്റെ ശ്രമം ക്രോസ് ബാറിൽ തട്ടി മടക്കിയെങ്കിലും റീബോണ്ടിൽ ഗോൾ നേടിയ ലുകിച് ലണ്ടൻ ടീമിന് സമനില ഗോൾ നൽകി. തുടർന്ന് വിജയഗോളിന് ആയി ഇരു ടീമുകളും മികച്ച ശ്രമം ആണ് നടത്തിയത്. 90 മത്തെ മിനിറ്റിൽ പകരക്കാരൻ ഒസുലയുടെ ഷോട്ട് ലെനോ തട്ടിയകറ്റിയെങ്കിലും റീബോണ്ടിൽ ഗോൾ നേടിയ ബ്രൂണോ ജി ന്യൂകാസ്റ്റിലിന് വിജയം സമ്മാനിക്കുക ആയിരുന്നു. ജയത്തോടെ ലീഗിൽ 11 സ്ഥാനത്തേക്ക് അവർ ഉയർന്നു. അതേസമയം തുടർച്ചയായ നാലാം പരാജയം ആണ് മാർക്കോ സിൽവയുടെ ടീമിന് ഇത്.