8 സീസണായുള്ള യാത്രയ്ക്ക് അവസാനം, മാറ്റിപ് ലിവർപൂൾ വിടും
ജോയൽ മാറ്റിപ്പ് ഈ സീസൺ അവസാനത്തോടെ ലിവർപൂൾ വിടും എന്ന് ക്ലബ് അറിയിച്ചു. അവസാന എട്ടു വർഷമായി ക്ലബിനൊപ്പം ഉള്ള മാറ്റിപ് ഇനി കരാർ പുതുക്കില്ല. 32 കാരനായ താരം ഫ്രീ ഏജന്റായി ക്ലബ് വിടും. താരം ഇംഗ്ലണ്ടിൽ തുടരാനും സാധ്യതയില്ല.
ഷാൽക്കെ 04-ൽ നിന്നുള്ള ഒരു സൗജന്യ ട്രാൻസ്ഫറിൽ ആയിരുന്നു മാറ്റിപ് ലിവർപൂളിലേക്ക് എത്തിയത്. 201 മത്സരങ്ങൾ ലിവർപൂളിനായി ഇതുവരെ കളിച്ചു. 11 ഗോളുകൾ താരം റെഡ്സിനായി നേടി. ഏഴ് കിരീടങ്ങളും നേടി. ഇതിൽ ചാമ്പ്യൻസ് ലീഗ്, പ്രീമിയർ ലീഗ് കിരീടങ്ങളും ഉൾപ്പെടുന്നു.